炎明熹致敬詞徐疾有致露鋒芒 網民力讚有潛質做「全能藝人」

對於獲香港及內地網民正評，Gigi接受無綫娛樂新聞台訪問時明顯害羞，談及當日自己表現更四度搲頭，十分可愛。Gigi透露於最後一集錄影時哭了很多遍：「我對於呢一日真係好無語，真係好好喊唔知點解，非常估唔到我竟然會一日喊咁多次。我上台攞獎時有同千嬅姐一齊喊，我仲攬住佢話：『唉吔真係好煩呀，我仲有歌未唱！』」

接受無綫娛樂新聞台訪問時表現害羞兼表情多多，十分可愛。

搲頭樣最萌。

Gigi續指綵排時其實有成功忍住淚水，可惜正式致敬時卻因Sally姐和Lam老師「破功」：「我見到佢哋喺度喊，我就OK，喊！然之後大家都喺度喊，咁我就更加忍唔住Bla Bla Bla。」Gigi感激兩位前輩一路以來對她的痛錫：「有一次我感冒，Sally姐就即刻打電話：『你係咪感冒呀？我呢度有啲藥呀。』然後Lam老師會主動過嚟叫我『唔好怕醜，放開啲』。」說到此處，Gigi眼泛淚光謂：「佢真係好似爺爺咁。」

Gigi對於自己錄影最後一集《聲生》時係咁喊大感無奈，嫌自己煩之餘，仲搞笑地做出蘭花手。

Gigi還感激了指導她致敬部分的兩名導演，並坦承上台一刻超級緊張：「我真係第一次喺台上講一大堆嘢，仲要係咁有份量嘅詞，係一種出奇同新奇嘅緊張。」對於獲網民大讚有進步，謙虛的Gigi強調是整個團隊的功勞，回港在即的她，坦言不捨「聲生」台前幕後，並大賣關子指自己在慶功宴做了一個「大舉動」：「我本身比較慢熱，但我發現好多人對我好好，佢哋會唔介意同我講嘢，經過呢100日，我收獲咗好多友情。」Gigi透露與台前幕後都有個別影合照留念。

聽到網民讚自己跳舞好睇，Gigi搞笑地露出難以置信表情。

謙虛地表示全靠幕後工作人員的幫助和努力，自己才能有這樣的進步。

Gigi最後仲大賣關子，話自己喺慶功宴度做咗個「大舉動」，鬼馬！

Gigi十分期待回港與粉絲見面。

最後一集除Gigi精彩的催淚致敬位值得留意，Sally同Lam超精彩兼令人又喊又笑的得獎感言亦是亮點。Gigi致敬內容節錄如下：「如果你問我港樂的意義是甚麼，我想答案是林子祥和葉蒨文。如果你問我《聲生不息》的意義是甚麼（Gigi忍淚，台下有人叫加油），我想應該是在這個時代下（Gigi再次忍淚、聲音顫抖），我們還依然擁有林子祥和葉蒨文。」、「最重要的是，他們永遠保持天真和浪漫的相處狀態，呈現愛情最美好的樣子」。

呢個畫面，好有傳承嘅意義。

所有歌手站立向Sally及阿Lam致敬。

Gigi講到尾聲時聲音一段哽咽，但看得出她很落力忍淚。

之後在全場如雷掌聲及接連不斷的歡呼聲下，Sally與阿Lam手牽手上台接受殊榮。原本哭成淚人的Sally，甫上台即大放笑彈：「給我們兩個獎，我們是一家人，一個（奬）就夠喇，很重！」令台下一班後輩歌手破涕為笑；之後Sally再拿台下李克勤和李健的「年紀」開玩笑，並指當在場所有歌手都是自己的孩子：「我們好像把你們全部都生出來了！」至於出名話不多的阿Lam，甫開口即笑指Gigi是全場唯一說話比自己慢的歌手，之後再以「差不多喇，因為很晚喇，我已經很睏喇」搞笑地為得獎感言畫上句號。

Sally姐上台領完獎後連環施展幽默本色大放笑彈，搞到台下一班歌手又喊又笑。