張致恒反口唔結紮仲想追多個女 遭質疑點養3個仔霸氣回應：唔關你事

37歲的張致恒（Steven）與女粉絲區燕雯（雯雯）於2019年奉子成婚，三年抱三，分別誕下3歲大仔天寶、兩歲二仔天牧，以及剛出世個多月的細仔天朗。不過，2人的婚姻波折重重，Steven被指欠債未清，年初時太太雯雯自爆「我們離婚了」，但不足3日又火速復合兼宣佈懷有第3胎；之後生活也不好過，被逼搬屋，雯雯更暗示生活難捱，令唔少網民都好擔心他們一家五口。

雯雯曾暗示生活難捱。

三個仔輪流出鏡，大仔天寶。

為全屋玩具解畫

工作量不多的Steven日前透過社交平台開直播與網民互動，大賣溫情，三個兒子輪流出鏡，老婆雯雯則沒有現身。Steven透露因疫情關係，大仔今年沒有上學，明天才跟二仔一齊讀書；而早產的細仔健康情況已好轉，但間中仍有嘔奶情況。直播期間見小朋友好活躍，而且全屋都是玩具，Steven解釋：「阿婆、舅父、太婆好多親戚成日送禮物，所以我哋唔使買玩具。」

細仔天朗。

二仔天牧。

Steven自言小朋友是他們的財富，會悉心湊大他們，他說：「係一種緣份，好多人點博都博唔到個小朋友出嚟，我就唔知點解走咗三件出嚟。」有網民指他個樣變老，他直言湊小朋友好攰好辛苦，而且EQ亦比以前差，曾試過拎起手想打仔，但最後都收返，他解釋：「要知道一樣嘢，唔可以令佢哋受傷，你唔可以因為好嬲而打佢，打到驚你為止。我試過幾次拎起隻手…都係算啦！唔打。」

Steven被網民質疑點養3個仔，佢視線一直望向鏡頭外。

Steven 話三個仔都係天賜。

曾揚言有意做結紮手術的Steven，被問會否追多個女，他起初以擔心老婆「個肚跌咗落嚟」而唔追，但再被追問後便說：「或者5年後，如果情況許可就追多個女，都係嗰句，同我老婆都驚再追多個仔出嚟就大鑊！成屋都係男人，陽氣過盛。」

Steven 話細仔好混血樣。

大仔疫情關係，今年未有返學。

他表示知道太太這幾年都好辛苦，但對於有網民質疑「生咁多做乜」、「有錢養咁多個」？Steven嬲嬲地反問：「一定要有錢先養到咁多個？邊個話有錢先可以養咁多個？」再被質疑教不到三個小朋友，Steven霸氣回應，一直傾視未有望向鏡頭說：「咁都唔關你事㗎，係咪先？生3個係我嘅問題。其實擔心啲咩？不如擔心我嗰啲人顧吓自己先，連自己都未顧掂，做咩理我啲嘢？我又唔係要你幫我湊，係咪先？」

Steven有計劃5年後追個女。

張致恒反口唔結紮仲想追個女 遭質疑點養3個仔霸氣回應：唔關你事

張致恒有工返無錢收？

有「離婚界KOL」之稱的張致恒（Steven）和區燕雯（雯雯）婚後育有四名兒子，兩公婆經常在社交平公開家事，一家又長期經濟困難，但近期張致恒似乎終於生性，不時在IG分享打工生活，日前舉家為大仔張天寶慶祝5歲生日。不過，雯雯今日（4月16日）突然出PO，自爆屋企被cut電，直言：「完全已經唔係容忍嘅範圍之內！」

張致恒早前不時在IG分享打工生活，似乎終於決定腳踏實地。

一家人日前齊齊出動為大仔張天寶慶祝5歲生日。

張致恒寄語囝囝：「努力做人，讀唔到書唔緊要最緊要做一個開心嘅人，做個善良嘅人，千祈唔好好似daddy咁失敗，所有嘢都一事無成！」

雯雯在IG Story以黑底白字留言：「要發生嘅，終於都發生，你終於都令到屋仝發生俾（畀）人CUT電，完全已經唔係容忍嘅範圍之內！小朋友又冇得煮嘢食，又冇熱水沖奶，不停喊，請問你想我點？！」根據雯雯以往經常在IG公開鬧爆張致恒，估計今次文中的「你」亦是指張致恒，令人疑惑他們一家的經濟狀況，張致恒是否仍有打工？

雯雯又公開指責張致恒？

此外，雯雯今年2月突然自爆有一名兒子患自閉及過度活躍症，「坦白講照顧呢類小朋友， 無論係身心情緒都係好大嘅學習，我一個人真係冇能力，同一時間可以照顧到四個小朋友，應該話可以照顧到，但係會有一定嘅危險。」又稱兒子曾跌倒傷耳，「醫生同我哋講呢類小朋友，一年起碼會去幾次急症室要有心理準備，而家每一日面對佢嘅行為情緒都係一個好大嘅挑戰，同時因為屋企其他嘅小朋友仲好細，亦都會受到影響，我哋亦都要好努力學習點樣可以得到一個平衡」，更坦言壓力已接近爆煲，引來不少網民關心，直到張致恒早前在IG分享為大仔張天寶慶生的照片，並留言：「想當日仲趴喺我心口度瞓覺我喺度打機，而家百厭調皮直情係一隻馬騮」，惹來網民揣測患自閉及過度活躍症是大仔，事後他與雯雯今日分別在IG Story澄清，貼出同一張大仔的照片，並留言：「我想澄清番，天寶係冇自閉」。

雯雯曾發長文解釋兩公婆不能出外工作的原因，其中一個原因就是有一個囝囝確診自閉及過度活躍症。

澄清大仔沒有患自閉證。