阿Gao代COLLAR感激各界鼓勵 Ivy So生日願望祝So Ching平安

大家都要平安！

MIRROR的紅館演唱會於7月28日晚第4場發生嚴重意外，台上大型屏幕突然墮下，壓傷兩名舞蹈員，其中COLLAR成員蘇芷晴（So Ching）男友李啟言（阿Mo）傷勢嚴重，目前仍在深切治療部留醫。

So Ching男友現仍在ICU留醫。

意外發生後，MIRROR 12子及COLLAR一直未有公開露面，昨日（3日）更有眼利網民發現So Ching已取消關注黃慧君（花姐）、MakerVille、魯庭暉、排舞師Rock Sir及ViuTV的IG帳號，隊友陳泳伽（Winka）也取消關注MakerVille的IG，似是支持So Ching。

So Ching今日未有隨隊到電台訪問。

事故發生後，COLLAR今日（8月4日）終首現身商台接受節目《叱咤樂壇》直播訪問，不過就未見So Ching 的蹤影，7女在介紹新歌 《OFF/ON》前，先多謝粉絲們在這段期間的支持。

今日只有7位成員到商台接受直播訪問。

隊長沈貞巧（阿Gao）代表 COLLAR 表示：「好衷心多謝大家關心我哋，我哋都默默收到好多唔同界別嘅人鼓勵同愛，喺度想同大家講，我地ok嘅，希望大家都平安，希望好嘅事會發生，我哋會帶住大家嘅力量去努力做好，散發返一個正能量俾大家。」

隊長阿Gao指各人現在情況ok，多謝外界的支持及關心。

當謝茜嘉問到有沒有說話代表So Ching向大家說，阿Gao續謂：「希望大家可以繼續相信同支持佢哋，俾少少空間同時間佢哋，相信佢哋會好嘅。」

COLLAR會積極發放正能量。

至於今日21歲生日的蘇雅琳 （Ivy So）被問到生日願望，她就許下兩個願望，第一是希望身邊人都健健康康，第二是送平安給So Ching，而不少網民都紛紛留言向So Ching送上支持和祝福。

今天是Ivy So的21歲生日。

Winka昨日貼出到離島的相片。

Winka自爆錄影「Chill Club」前緊張到失眠。

樂隊Nowhere Boys（NWB）最近與人氣女團COLLAR成員陳泳伽（Winka）推出合唱歌《異人之野望》，MV中打機過關的動漫情節深受樂迷喜愛，大讚有型兼熱血。他們日前為ViuTV音樂節目「Chill Club」錄影，首次以Live Band形式表演新歌。雖然琴鍵兼小提琴手漁佬因外遊未有現身，不過依然無阻四子與Winka Rock爆錄影廠。Winka自爆緊張到失眠，感激NWB的「軍醫」結他手Ken於MV拍攝當晚出手相救。

樂隊Nowhere Boys與COLLAR成員Winka以Live Band形式表演新歌《異人之野望》。

NWB與Winka「黑Rock」型爆Look現身錄影廠，一埋位綵排火速進入狀態，喚醒心中的搖滾魂，順利完成拍攝後更互相擊掌大叫好玩。首次以Live Band形式合唱《異人之野望》，Winka錄影前一晚緊張到失眠。她說：「因為我太耐無夾Band，同埋好耐無唱過Band嘅歌。​​噚晚有少少緊張，但去到現場戴晒耳機感受到你哋嘅氣場。頭先綵排咗兩次，我就開始進入狀態，呢首歌唱完有叉返電嘅感覺。」主音Van提議要多些現場演繹新歌，Winka同意並提議說：「不如以後你哋出任何騷都帶埋我去。」NWB一眾成員立即豎起手指公表示贊成，Van表示歡迎，「嘩，咁我哋就會有更多觀眾睇啦！」

NWB與Winka「黑Rock」型爆Look現身錄影廠。

回想《異人之野望》創作過程，Van表示歌曲在Demo時名字是《Coins》，講一個關於「推銀機」遊戲的故事。他說：「當不停入錢，通常都係會輸。但一中Jackpot時，啲金幣不停冧落嚟，就係想寫嗰一吓快感，所以漁佬彈琴方法都係好似有嘢冧落嚟嘅感覺。呢首歌想講每個人都有機會爆發，成為一個英雄。」他們將新歌故事告訴填詞人Oscar，繼而寫出一首充滿日本動漫感覺的歌曲，MV導演亦拍了有關忍者的故事。

Van

首次與NWB合作，Winka已經與各人打成一片，她形容Van就如「大佬」一樣照顧所有人，更感激「軍醫」Ken於MV拍攝當晚出手相救。Van解釋說：「平時邊個Bandmate冧咗，都會有軍醫，佢就係阿Ken，因為佢有祖傳穴位按摩。」他隨後分享拍MV的趣事，更大讚Winka非常專業。Van說：「Winka拍MV前一晚只係瞓咗一個鐘就要嚟拍打戲，大家睇MV就知佢同Nate打得幾狠。打咗成日，拍埋Band Shot已經拍咗14、15個鐘，見佢面青口唇白，就問佢介唔介意俾阿Ken按摩。」

爽快回應說：「唔介意！按完之後醒咗，啲血即刻通咗，衝咗上個腦度。」

Winka感激「軍醫」Ken於MV拍攝當晚出手相救。

今次的合作開心又順利，將來會再有音樂上的合作嗎？他們異口同聲表示「好想」。Van提議將Winka的個人單曲改成搖滾版，而Winka則表示已經有諗法，更叫樂迷敬請期待，還一臉滿足表示《異人之野望》完整了心中的版圖，「之前未有歌表達我嘅熱血同中二病，呢首歌完整咗呢個位置。」Van笑說：「最鍾意同中二病人合作，你睇下我哋之前合作過嘅人。」Winka興奮說：「成日幻想自己係女殺手，睇完啲特務戲，我又會幻想自己係。（Van：咁你要拍多啲戲。）不如搵我做多啲女殺手，我好願意。」

Winka與NWB都異口同聲表示「好想」再合作。