巴士車長感地位卑微獲婆婆一句安慰 網民大讚有智慧又善良

職業無分貴賤，日前有港女搭巴士時遇到一名婆婆與車長閒聊，言談間車長提到自己職業卑微，但被婆婆暖心回覆「無你哋，我哋邊有得搭巴士，行行都係正職」。港女事後將自己的所見所聞放在社交平台，引來多名網民大讚事件充滿正能量，「令我哋知道世界仲有愛」。

有網民在社交平台發表自己的見聞。

該名女網民早前在facebook群組「屯門公路塞車關注組」發文，發表自己搭巴士的見聞，更大讚事件中的婆婆又善良又有智慧，令她有感而發。事緣她見到一名婆婆推車仔上車後，車長問婆婆為何不坐低，婆婆解釋自己在下一站落車，「又咁啱有個corner（角落）位畀我扶，唔該車長」。

巴士車長感地位卑微獲婆婆一句安慰。

車長大讚婆婆英文了得，懂得說「corner」，婆婆隨即謙虛指自己僅識少少英文，都是孫仔教的，車長聞言後表示「我都係揸咗巴士先識呢個字咋，我呢啲地位卑微...」。婆婆聽後立即暖心回覆，叫車長不要妄自菲薄，「千其唔好咁講，無你哋我哋邊有得搭巴士，行行都係正職（無分貴賤），掃街嘅都係，我都成日咁教啲孫，最緊要唔做違法事」。

車長聽完婆婆的一番話，感慨萬千，「如果個個好似你咁諗就好啦，我哋就開心啦，受人尊重，唔使成日俾人怨，今日當賺咗了」。婆婆亦認為每日瞓醒對自己來說就是賺了一日，到站時婆婆和司機再寒暄幾句就離去。女網民指二人的對話，令她有感而發，認為巴士車長應該受人尊敬，又感謝這位有智慧又善良的婆婆。

多名網民認為這段經歷令人非常感動，亦大讚婆婆充滿正能量，「身教好重要，自己教好啲孫，孫又同自己互動」、「令我哋知道世界仲有愛」、「識英雄重英雄」、「滿有正能量，啟發人性美好的一面。值得欣賞」，另外亦有網民認為「尊重人的道理好簡單」，縱使沒有這個故事，本身亦需要尊重別人。不過，有網民提醒行車時不應和車長交談。

設計圖片

港男揭其任職會計師的姐姐，因連續工作68小時，過勞暈倒入院，更疑對方患上思覺失調而做出瘋狂行為。

示意圖片

女會計師連續工作68小時，過勞暈倒送院

該港男於連登討論區以「家姐做會計做到入醫院」為題發文，表示其任職會計師的姐姐因長時間工作，導致嚴重睡眠不足，而過勞暈倒入院「連續工作68小時，一星期夾埋只瞓8個鐘，執定啲衫去公司住三個星期，最後暈咗入左醫院⋯ 喺醫院醒返第一樣嘢係繼續做嘢」。

示意圖片

弟弟爆料姐姐瘋狂行徑

樓主又懷疑姐姐因工作關係，而患上思覺失調，指對方精神失常，經常做出種種瘋狂行為：

「有次佢食飯發現自己食咗七分鐘，佢唔開心到爆喊，因為平時食三至四分鐘就食完，佢覺得浪費咗三分鐘，之後佢就好討厭食嘢而家勁瘦」

「佢而家為左慳時間一日淨係食一餐，其他都係咁食啲有營養嘅嘢，例如豆漿當一餐」

「有次佢腸胃炎，佢直接搬張枱同電腦，去廁所一邊屙屎一邊做嘢」

示意圖片

弟弟警世：唔好做會計

樓主透露姐姐並非在知名的四大會計師事務所（BIG 4）工作，而是在其他公司擔任會計師，但工資並不算高。姐姐入行後期望能夠在幾年後輕鬆一點，但卻因工作量過大，最終令身心健康造成嚴重影響。他又對勸告應屆考生不要入行「奉勸各位DSE生，唔好做會計！」

示意圖片

網民勸：辭工休息吓，再轉行

帖文引熱議，不少網民建議樓主勸姐姐辭職「如果喺真事⋯我覺得叫你家姐辭工休息吓，再轉行」、「我都係咁話，辭職，命仔緊要」、「見過唔少真係死讀書既人﹐比人恰到上心口都只係硬食﹐不過樓主個案太極瑞﹐正常去到呢刻一定辭職」、「佢呢個情況真係要辭職抖下，抖一排再重新出發」、「健康自己manage啦，要訓就要訓，要食就要食，捱壞左冇人可憐」。

示意圖片

帖文來源：連登討論區