本周開Show晒命式出Po 七師傅唔使出街喺豪宅涼住冷氣曬太陽

好大啊～

七仙羽（七師傅）將於本周五及六（8月11/12日）在九展Star Hall舉行首個Show《師傅七都識唱笑會》，票價最貴777蚊，上售票網睇已Sold Out，真係恭喜晒。

《師傅七都識唱笑會》

七師傅擅於投資物業，2011年同家人以1,600萬購入馬鞍山4層高3000呎獨立屋。購入後一直放租，其後租約期滿，佢就拎嚟做度假屋，話方便吸收靈氣喎。因為鍾意投資「磚頭」，擠身圈中富婆之位的七師傅被指擁有10個物業，其中一個位於紅磡，即佢屋企。

好好View，住喺度唔使出街都得。

個廳好大，可以開幾枱麻雀。

因為就嚟開騷，七師傅冇四圍去，佢話要保持心境平靜，鍾意做咩就做咩，「好多公衆地方，例如沙灘，都不方便去，幸運地，家中每一個房間都好大太陽，吹著冷氣曬太陽丶吃水果丶之後浸花浴。」會唔會晒命得滯呀?不過可以喺屋企曬太陽首先你屋企要夠大，窗要更加大，從七師傅上載嘅豪宅家居一角可見，唔只曬太陽冇問題，就算一班人一齊曬都綽綽有餘，又難怪咁招積嘅。

睡房View亦無敵。

食住生果喺屋企曬太陽。

七師傅喺度浸浴，係咪好有畫面呢?

對於就快開Show，師傅就唔太緊張仲話冇綵排，「我冇綵排，三個小時的表演流程，我望一次就記得了，其他的，就要考我在台上的轉數了。這幾天日夜趕工畫畫，終於完成了油畫，送給某個嘉賓的，你估送給誰？why？」

七師傅話冇綵排，但之前其實有跟徒弟「八鮮乳」郭奕芯練舞。

網友就冇乜興趣估油畫新主人係邊個，係咁研究七師傅間屋，因為客廳同房都可飽覽靚海景，留言離唔開：「你屋企好靚呀。」又話「九龍站靚景」，點解冇人留意個放滿水同零星玫瑰花瓣嘅浴缸?有無諗到啲咩呢?

七師傅畫畫。

好可愛喎。

李尚正被封「公司福將」！

2024年適逢由八運轉九運，想快人一步，早著先機，行運一條龍? HOY TV 全新賀年節目《開運秘笈》幫到你！由李尚正（阿正）、盧頌恩（妹頭）、嚴祟天及樂翊榆聯同城中各門派師傅走訪香港各區，以不同玄學角度為觀眾指點迷津，全方位為大家開運！節目由即日起，逢星期一至五晚上9時正於HOY TV 77台播映。

七師傅教李尚正（阿正）及盧頌恩（妹頭）用米水開運招財兩式。

臥底組合跟隨謝柳汝師傅到龍母廟求簽。

昨日（1月24日）播出的第八集，七師傅教臥底組合李尚正（阿正）及盧頌恩（妹頭）用米水開運招財兩式。第一式，每日將七粒米放在家門旁。第二式，將米浸於水中，用米水洗手洗臉。七師傅指用米水洗手或洗面可除負能量，而用過後的洗米水則可用來淋花。惟妹頭重覆解說時卻把步驟弄錯，令七師傅大嘆「又學錯咗喇」；身旁的阿正則出手助妹頭解困，清晰講出次序，獲妹頭大讚是高材生，七師傅亦指阿正IQ高，此時妹頭立刻向七師傅指出自己都是大學畢業，豈料被七師傅冷待說「邊間㗎?」還遭阿正欺負，要求公開大學名字及呼籲大家盡量避免就讀，妹頭避走，場面爆笑。

阿正更為有線求得三十六簽大吉簽，被妹頭封為「公司福將」！

正所謂一命二運三風水，今集還有蕭鎮昇師傅為一家三口睇風水。

每逢新年，不少人都會到廟宇求簽，望神明能指點迷津。今集，阿正及妹頭跟隨謝柳汝師傅到龍母廟求簽。心繫公司的阿正更為有線求得三十六簽大吉簽，被妹頭封為「公司福將」。解簽的珍姑指，建議公司未來多拍靚人靚景，同事間多聯絡，多開會，就可求財和合；求官得意，更指做節目的人都會成名。