踏入農曆七月，不少市民會按傳統在街上「燒街衣」，準備香燭衣紙冥鈔、白飯、花生、水果等祭品，以超渡孤魂。不過有港女於討論區發文吐苦水，指節儉成性的奶奶日前外出拜祭後，當晚「好好餸」，惟吃到一半時竟「食到啲灰」，奶奶竟淡定表示是燒衣的灰燼，著她不用害怕，其後更爆出更驚人的消息，指枱上的食物更是其他人拜祭後留下的祭品，令她大為吃驚。
香港討論區圖片。
該名女網民於香港討論區發文，主題為「奶奶竟然執人哋啲祭品返屋企食」。她指自己奶奶一向「好慳家」，日前奶奶出去拜祭燒街衣後，晚餐非常好餸，有豬有雞，惟食到一半時竟「食到啲灰」，「睇真啲食物上面仲有啲黑色點點，我即係吐左出嚟，奶奶仲好淡定咁話，應該係燒嘢啲灰，仲叫我唔洗驚！原來咁好餸係因為嗰啲都係佢拜完拎返屋企嘅」。
香港討論區圖片。
她坦言不太介意吃拜祭後的祭品，「我都明食得唔好嘥，唔好浪費食物係好事，但係奶奶仲拎埋其他人拜完留低嘅祭品返嚟！ 咁樣做真係好咩？先唔好講食物衛生嘅問題，人地話晒都拜拜，係畀啲鬼食㗎，咁樣拎番嚟好咩...」。
網上圖片
多名網民均指事主的奶奶非常大膽，呼籲事主應同老公反映意見，「攞自己拜嘅無問題，食咗求平安，但攞其他人既野，真係唔係咁」、「執埋人哋嗰啲又誇張咗啲」、「慳成咁第１次見」、「食完撞邪或肚痛是旦一樣野都可以好大鑊，唔好做埋啲咁恐怖嘅嘢啦」。
來源：香港討論區
慳家奶奶執祭品返屋企加餸，新抱食到一半驚見灰燼揭發。
大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。
（FB圖片）
大埔林村河出現「神秘圓圈群」
有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。
（FB圖片）
網民笑言：外星人來襲
帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。
（FB圖片）
街坊拆解真相：非洲鯽築巢
有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。
非洲鯽魚又稱福壽魚，非香港本地物種
根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。
(FB專頁「WWF Hong Kong」圖片）
被評為全球100種最具破壞性的「外星魚」之一
在其他地區，人們已經發現福壽魚是導致當地原生魚類數量減少的主要原因之一，進一步減少了棲息地的生物多樣性。它被評為全球100種最具破壞性的「外星魚」之一。因此，世界自然基金會早在《海鮮選擇指引》中將鯽魚列為紅色警告的「避免食用」類別。
帖文來源：Facebook群組「大埔 TAI PO」、Facebook專頁「WWF Hong Kong」
