如果連通靈都有比賽真人騷，霸戲哥相信只要你想像得到嘅競技，無論係發呆馬拉松，抑或流鼻涕鬥長，都可以拍得成節目。
霸戲哥推介嘅呢個競技真人騷，其實一啲都唔新，當年推出第一季時意外成為Netflix嘅寶藏，佢就係《吹出個未來》，第三季共十集啱啱喺上月底上架。
至於吹What？其實係吹玻璃。十個嚟自不同地域，各懷絕技同身世嘅玻璃師聚首一堂，競逐「最頂尖玻璃師」名銜。比賽考驗參賽者嘅創意、超強忍耐力（抵受高溫）同極限專注力，因為稍一不留神，隨時將藝術品搞垮，功虧一簣。
吹玻璃呢項咁神秘嘅工藝，歷史要追溯返羅馬帝國時期。有別木工、金工、陶藝呢啲工藝，吹玻璃嘅門檻極高，除咗部驟繁複，所用到嘅工具架餐亦非常之多。好似我哋呢類普通人，基本上冇乜可能接觸得到，所以都係睇節目算啦。
不過見到班參賽者，搞一大輪之後展示大成功嘅完成品，都係好治癒嘅。
霸戲哥
** 博客文章文責自負,不代表本公司立場 **