多得李思捷個遊戲節目《思家大戰》，搞到豬視妹成日發開口夢喺我耳邊「衰肥四衰肥四」。乜霸戲哥多咗個花名咩？
一個好嘅遊戲節目，唔需要華麗嘅嘉賓陣容，甚至搵素人參加一樣吸引，因為關鍵在於遊戲玩法，同埋掌唔掌握到觀眾追看嘅心理。《思家大戰》就係呢類，玩法極之簡單，觀眾仲可以一齊估答案，亂估都有機會中，啱晒豬視妹。
新一季嘅《思家大戰》，今晚9點半喺翡翠台播出。首集嘉賓有姜大衛率領嘅姜氏一家，對王梓軒率領嘅音樂人隊。《思家大戰》唔係考參賽者知識，反而講求轉數，大家見識過姜麗文呢位「豬隊友」，相信姜氏一家都輸多贏少。
唔信可以訪問100個人，睇下survey點says。
霸戲哥
** 博客文章文責自負,不代表本公司立場 **