*

霸戲哥之日常#362| J2監察站(25):去Wet

霸戲哥唔鍾意去蒲,一來唔好酒,二來媾女弱項,落到夜場齋坐盞冇癮。講到蒲,我老友B哥先係SS級專家,素來以「港島識人王」自居嘅佢品女無數,招數唔多但憑一個字——勇。雖然B哥早已金盤洗手,但獵艷史仍然喺朋友圈中廣傳。

今晚J2節目《開壇》,主題就係講「夜蒲」。蘇民峰師傅分享唔少old school嘅夜蒲經歷,以前唔講「去蒲」,係講「去wet」,嘩娘到打冷震。

夜場黑炆炆,就算帶眼識人都未必睇得咁清楚。不過,蘇師傅話鹹濕有樣睇,就係睇佢個嘴唇:上唇主感情,下唇主情慾。之但係落得夜場,唔通搵真愛咩?搵個厚下唇嘅也不為過。

話時話,B哥嘅下唇都唔係好厚啫。結論係,面皮厚緊要過下唇厚。

霸戲哥

** 博客文章文責自負,不代表本公司立場 **