香港人生活緊湊忙碌，往往不小心遺留自己的隨身物品。有港女早前搭的士到粉嶺站時不慎遺失手機，其後向車站職員借電話打，幸她遇到好心的士司機路不拾遺，更專程將手機運送給她，拒絕收報酬。有網民其後再遇上該名的士司機，更幫女生再次表示謝意。
資料圖片
一名港女在facebook群組「上水人大聯盟」出post，將當日的經歷一一道出，並向有心的士司機道謝。她指昨日早上搭的士到港鐵粉嶺站，其間發現遺失手機，驚惶失措，「我唔記得自己有冇拎到電話岀門，內心好徬徨，即刻問職員借電話打！開頭冇人聽電話勁驚，打畀屋企人又冇人聽。跟住又打畀自己，好彩的士叔叔聽到電話」。該名的士司機指剛功車上無客人，可以拿電話給她，「我本身想畀點心意佢，感激佢搵到電話又專登過黎畀我，但的士叔叔話唔使，叫我下次小心點。」
資料圖片
港女感謝好心的士司機，又指自己將經歷公開，是希望讓其他人知道這件好人好事，「唔知的士叔叔你喺唔喺呢個群組，我真係好感謝你，好人一生平安」。
港女大頭蝦搭的士遺電話，好心的哥歸還拒收酬。
帖文一出，即獲不少上水之友讚好，大讚「好人好事」、「好人有好報」、「樓主幸運遇到好心的士司機」、「多做善事，福有攸歸」、「的士司機值得表揚」、「值得請佢飲茶」。其後有網民留言表示，自己在的士站再遇上該名司機，「咁啱見到，我唔識佢，但已代轉告」，樓主亦隨即回答「謝謝你」。
來源：facebook群組「上水人大聯盟」
資料圖片
港男揭其任職會計師的姐姐，因連續工作68小時，過勞暈倒入院，更疑對方患上思覺失調而做出瘋狂行為。
示意圖片
女會計師連續工作68小時，過勞暈倒送院
該港男於連登討論區以「家姐做會計做到入醫院」為題發文，表示其任職會計師的姐姐因長時間工作，導致嚴重睡眠不足，而過勞暈倒入院「連續工作68小時，一星期夾埋只瞓8個鐘，執定啲衫去公司住三個星期，最後暈咗入左醫院⋯ 喺醫院醒返第一樣嘢係繼續做嘢」。
示意圖片
弟弟爆料姐姐瘋狂行徑
樓主又懷疑姐姐因工作關係，而患上思覺失調，指對方精神失常，經常做出種種瘋狂行為：
「有次佢食飯發現自己食咗七分鐘，佢唔開心到爆喊，因為平時食三至四分鐘就食完，佢覺得浪費咗三分鐘，之後佢就好討厭食嘢而家勁瘦」
「佢而家為左慳時間一日淨係食一餐，其他都係咁食啲有營養嘅嘢，例如豆漿當一餐」
「有次佢腸胃炎，佢直接搬張枱同電腦，去廁所一邊屙屎一邊做嘢」
示意圖片
弟弟警世：唔好做會計
樓主透露姐姐並非在知名的四大會計師事務所（BIG 4）工作，而是在其他公司擔任會計師，但工資並不算高。姐姐入行後期望能夠在幾年後輕鬆一點，但卻因工作量過大，最終令身心健康造成嚴重影響。他又對勸告應屆考生不要入行「奉勸各位DSE生，唔好做會計！」
示意圖片
網民勸：辭工休息吓，再轉行
帖文引熱議，不少網民建議樓主勸姐姐辭職「如果喺真事⋯我覺得叫你家姐辭工休息吓，再轉行」、「我都係咁話，辭職，命仔緊要」、「見過唔少真係死讀書既人﹐比人恰到上心口都只係硬食﹐不過樓主個案太極瑞﹐正常去到呢刻一定辭職」、「佢呢個情況真係要辭職抖下，抖一排再重新出發」、「健康自己manage啦，要訓就要訓，要食就要食，捱壞左冇人可憐」。
示意圖片
帖文來源：連登討論區
