有人認為在中環上班的人大多是金融才俊，地位會較高。然而，有打工仔近日在網上發文指，對於可以做到「中環金融財俊」而感到自豪，但指「去到第3日已經覺得無乜特別」，更認為「同返觀塘差唔多」。
資料圖片
該名打工仔在連登討論區發文指，對於自己可以做到「中環金融財俊」而感到自豪，並指「頭兩日真係好興奮」，更指「行路個陣仲特登挺胸修腹，成個人神采飛揚，高人一等咁」，但指「去到第3日已經覺得無乜特別，同返觀塘差唔多，因為你全日都會困喺office，岀面係點完全唔關你事。」樓主又指，中環區的環境「真係好有氣勢」，甲級商業大廈林立，連街道亦有外國風格，觀塘則主要為工業大廈，更直言「寧願忍屎都唔會用工廈個廁所」。
資料圖片
資料圖片
相關帖文隨即引起熱議，有人認為中環與觀塘無法比較，並指「Landmark系/ IFC同觀塘冇得比喎，落樓就係地鐵站，沿路又闊落又有冷氣，上樓搭𨋢又唔使爭」，並指「公司廁所keep住有人清潔，仲乾淨過屋企廁所，連啲廁所都唔差」等。另有人認為，「唔明點解返中環有優越感，最好就wfh/ 5分鐘路程返到工就無敵」、「返過中環區再轉去工業區嘅話，就會好懷念中環嘅日子」、「冇咩特別優越感，但覺得好方便，約friend食飯，紅藍地鐵線都方便」等。
帖文來源：連登討論區
該名打工仔認為，中環區的環境甚有氣勢。資料圖片
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
