Skip to Content Facebook Feature Image

公屋媽苦惱:送學業平平女兒出國留學 抑或花近百萬買樓

社會事

公屋媽苦惱:送學業平平女兒出國留學 抑或花近百萬買樓
社會事

社會事

公屋媽苦惱:送學業平平女兒出國留學 抑或花近百萬買樓

2022年08月15日 16:29 最後更新:16:48

一名港媽在「親子王國」討論區發文,表示女兒讀書成績平平,而手持約百萬元現金,猶豫應該送女兒出國留學,抑或在港用作買樓首期。

網民認為要視乎女兒學習能力以及意願才決定是否送出國留學。《親親我好媽》示意截圖

網民認為要視乎女兒學習能力以及意願才決定是否送出國留學。《親親我好媽》示意截圖

媽媽解釋,一家人住實用面積約350呎的公屋,現年15歲的女兒學業成績一般, 性格內向,如果將來無法在香港升讀本地大學,擔心將來人生路好難行,其他家人又施壓。她現在手持接近100萬元現金,不知該如何是好,「究竟應該畀佢出國留學or買綠置居(約250萬)」。

發文者坦言,「其實我自己都偏向買樓多啲,香港地最緊要有瓦遮頭,雖然我年紀都唔細,但勉強仲有能力供綠置居,但其他人覺得我自私,勉強都仲可以供佢去外國讀書,點解唔為佢將來鋪好條路,佢哋全部都覺得無張沙紙就係死路一條」。她又解釋,「擔心將來如果個女做老姑婆起碼有瓦遮頭」,「計過如果樓價$250萬,借150萬分15年,每月供款大約一萬蚊左右,我年紀唔細㗎啦,盡量唔想拖咁長」。

資料圖片

資料圖片

有網民就建議,「要睇佢有無心想讀,或者有無target將來向邊個方向發展,如果佢無心機讀,就算畀佢去外國讀,未必一定有成績,或者再睇下其他學校」、「我向來覺得唔係讀書材料唔好勉強讀上去,要讀佢自己將來出黎做野再進修先會認真讀的。」、「有心讀香港都可以讀, 點解一定要出國?使一大筆錢, 如果本身讀書麻麻出國讀都改變唔到幾多。唔好諗住出過國留學好吃香」。

資料圖片

資料圖片

有人則認為,「大把例子岀國讀完返來都是量地。我係你一定買樓做首期。係有心讀既請佢係香港畀心機好好讀,上唔到大學依家多了好多途徑可駁返上去。而唔係用100萬去買個海外學位咁就叫有生路行」、「大把人喺外國讀完書返嚟都係搵緊萬零二萬蚊嘅工咋」。

發文者最後指,「我諗呢兩年寧願洗多啲錢迫佢補習,務求令佢成功入香港嘅大學,如果勉強去外國入啲三線大學,認受性我相信同副學士無分別,咁不如留返啲錢睇吓之後再做其他用途」。

一名港媽猶豫應該送學業成績平平的女兒出國留學還是在港買樓。《親親我好媽》示意截圖

一名港媽猶豫應該送學業成績平平的女兒出國留學還是在港買樓。《親親我好媽》示意截圖

往下看更多文章

婚後供養同住奶奶大伯卻遭針鋒相對 港媽更因丈夫1反應感無助

2024年03月28日 12:35 最後更新:14:54

港媽婚後要與奶奶及大伯同住,剛要負擔家中大部分開支,但兩人不但不體諒更處處挑剔,令她心情抑鬱。

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

該港媽於「親子王國」討論區以「結咗婚,就要養埋99同大伯?」為題發文大呻,表示婚後夫妻二人與奶奶及大伯同住,原本以為這樣的生活會和諧平穩「其實2公婆,大家做咩職業,搵幾多,冇計,只要大家互相支持,開心平淡生活就ok。一直抱住咁心態,所以結婚就同99,大伯住」。

不過相見好同住難,日子耐了,樓主開始發現奶奶及大伯的言行和性格令她感到極度困擾「住落佢地自己咩都係岩,人地永遠都為錯」。她指兩老經常以燒味或燒烤醃製的食物當晚餐,但當她購買外賣時,卻被批評不健康「我跨區返工,返工連車程都成12個半鐘,真係冇時間煮飯買餸」。樓主又憶述,新年時,娘家的親人到訪拜年,奶奶及大伯竟當面嫌棄親人準備的禮盒「喺我面前話唔鍾意,一d都唔理人感受」。

(Getty圖片)

(Getty圖片)

此外,樓主夫妻除了支付家庭的租金、水費、電費和上網費等基本開支外,還需要支付給奶奶湊孫的費用。相比之下,大伯只支付不到家庭開支的五分之一,這讓港媽感到相當不滿和委屈「我咁辛苦返工,要養一d唔適體諒,永遠都話你點點唔好既人,值得咩?」

雖然樓主與老公有能力搬出去住,但老公擔心兩老無法自理而拒絕搬離「我地2公婆絕對有能力自己搬出去住,只係剩返99同大伯,老公擔心佢地攪唔掂自己,所以暫時唔想搬開」,為此她感到非常抑鬱「真係好辛苦,努力辛苦返工,就係為佢地付出,值得咩?我又唔想決絕到自己帶亞b走。可以點做?」

Getty圖片

Getty圖片

帖文曝光後,不少網民認為如果有能力,就不應該繼續同住。奶奶及大伯都是成年人,應該能夠自理,而且可以考慮搬到附近,方便照應。有人認為只要每月給予固定的家用,就不算不孝。有人則建議她應該堅持自己的決定,不要忍受不公平的對待,並且應該與老公好好溝通,找到解決問題的方法。

帖文來源:「親子王國」討論區

你 或 有 興 趣 的 文 章