社會事
荃灣14日有男子將釣得的大魚拖地遊街，引來多人側目，有網民指男子將大魚拖行過馬路，魚身沾滿地上的污垢，覺得非常嘔心，「咁樣拖地，都唔知食唔食好」，有人更笑問「係咪順便刮走啲魚鱗」。
影片截圖
有網民14日上載一條片段至facebook群組「荃灣友」，片中所見一名男子身穿藍色短袖衫、黑色褲，孭着一個黑色袋，左手手持魚具，右手則拖着一條大魚。由於大魚魚身長約1米，加上當時正值中午，男子汗流浹背，只能將拖着大魚從青山公路行往麗城花園。
影片截圖
男子將釣回來的大魚拖行過馬路。網上片段截圖
雖然男子用毛巾墊住魚身，但魚尾位置則未有被毛巾包好。多名網民指男子直接將魚拖行過馬路極不衛生，非常嘔心，「這樣拖魚非常不合衛生」、「咁樣拖地，都唔知食唔食好」、「咁樣拖法條魚會唔會熟左一邊」、「條魚前世同佢有仇，死咗都要游(遊)街示衆」。
昨日荃灣有男子將釣得的大魚拖地遊街。
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
