網民批評用「流鶯」形容囡囡 Lucy媽澄清冇刪除帳戶避風頭

Lucy媽否認主動刪走Lucy的帳戶，指是平台官方突然審查，因Lucy未夠歲數，故該平台刪走其帳號。

李璨琛（Sam）同老婆梁志瑩（Sophia）的4歲囡囡李元元（Lucy）在網上人氣極高，其IG有逾38萬Followers，當然Lucy咁細個唔會識經營社交平台，好明顯由佢阿媽，即自稱李老母嘅李太操刀。

Lucy好多Fans㗎。

就係呢個廟街流鶯Po。

Lucy去年登上「2021香港社交媒體風雲榜」頭十名，網民鍾意全因Lucy媽營造Lucy成為「麻甩LU」，最鍾意將囡囡醜態放上網，又公然笑個女肥、冇頸，又試過將個女個頭Key落雞身，網民已多次批評Lucy媽用詞不當，甚至於討論區開帖文，「唔好咁樣話個囡」、「呢個世界真係乜人都有，咁樣笑自己親生女，仲要擺上網」、「開始覺得佢個女好慘」、「個女第時大個，實被同學笑到面都黃」但都唔夠最近嘅Po離譜。因為Lucy身穿白色紅心圖案裙仔加閃令令高跟鞋，坐在椅子食嘢，Lucy媽竟然笑個女係廟街流鶯：「喂呀你可唔可以着番好對鞋先再講呀，你咁樣係唔會有客㗎。」此PO一出已被連登仔出Po瘋狂圍剿，有指群情太胸湧，搞到Lucy媽急刪Lucy的IG帳號避一避。

喊到走樣。

低炒嚇人。

Lucy媽好鍾意Po個女嘅失控喊樣。

Lucy大個睇返唔知有咩反應。

借教個女功課笑李璨琛英文同數學差。

不過，一向好勝懶理網民投訴的Lucy媽已在個人IG澄清，「其實呢我本人就冇delete度lucy個account，係因為lucy is not old enough 喎😂而比IG suspend咗個account。處理中處理中，大家稍安毋躁🙏🏻❤️☺️ 」hashtag就話我哋大家一齊念力希望個account可以早日重見光明，「 #LUCY會繼續喺度見大家👊🏼」。

影個女肥腩。

Key個女個頭落雞身。

Lucy媽冇Delete IG呀，暗示冇放網民在眼內。

據知因為當初Lucy媽咪用咗Lucy個生日年份開IG，而家IG有新規例，未夠年齡唔可以開IG，所以就比IG 暫停咗帳戶。而Lucy媽就回覆：「我哋會努力嘗試向IG攞返LuLu個Account㗎喇！詳情可以睇我IG。」

嚇親Lu粉。

Lucy教徒。

第一個留言好正。

而一眾Lu粉就表示嚇死，以為從此冇得睇Lucy，睇完李老母留言即刻安樂晒，「睇唔到我lulu豬我心情低落左成日」、「好大件事呀！ 老母你要努力呀吓！幾十萬個老母都好不安㗎」，但亦有大量網友戥Lucy慘，「而家根本就係佢阿媽網絡欺凌自己個女」、「痴X線未見過有老母公然話自己個女係雞。」

連登仔出Po鬧Lucy媽。

對於Lucy媽取消IG，網民覺得係好事。

大家認唔認同?

我都未見過。

Lucy媽努力嘗試向IG攞返個Account。

韓國清新樂團LUCY展開出道後首個世界巡迴演唱會，四位成員不只提前學廣東話與台下樂迷互動，更把香港樂隊Dear Jane的名曲《哪裡只得我共你》重新編曲演唱，掀起現場氣氛高潮。

於韓國JTBC電視台選秀節目《Super Band》一舉拿下亞軍的四人樂團LUCY，在4月7日迎來出道後首個世界巡迴演唱會，並把海外第一站帶到澳門，在澳門葡京人H853娛樂館帶來由萬星國際娛樂文化主辦的《LUCY 1st WORLD TOUR [written by FLOWER] IN MACAO》。LUCY四位成員首次來到澳門，心情非常興奮，不只提前學廣東話與台下樂迷互動，更把香港知名樂隊Dear Jane的歌曲《哪裡只得我共你》重新編曲演唱，掀起現場氣氛高潮，粉絲們遲遲不肯離場，LUCY為報答粉絲熱情送上兩次Encore，與大家度過了一個非常High的晚上。

LUCY展開出道後首個世界巡迴演唱會，首站登陸澳門（主辦單位提供圖片）

在演唱會當日，YeChan、SangYeop、WonSang、GwangIl四位成員在一片星空下登場，以清新輕快曲風著稱的LUCY一連演唱了《Straight Line》、《봄인지 여름인》、《아니 근데 진짜 》三首歌曲，粉絲們隨著歡快的旋律搖擺，在成員們的帶動下紛紛站起來合唱，讓現場氣氛非常高漲。與其他樂隊不同，YeChan作為LUCY中固定的小提琴手，在歌曲間奏加入了不少小提琴SOLO表演，配合SangYeop穩定又高亢的嗓音、WonSang活潑的bass與出色的製作能力、以及GwangIl充滿節奏的鼓點，創造出LUCY只此一家的獨特音樂風格，不論是快歌還是抒情歌，均展現出不同的風格與可能性。

隊長及小提琴手YeChan（主辦單位提供圖片）

LUCY更為粉絲們送上驚喜禮物，當場獻唱了Dear Jane的歌曲《哪裡只得我共你》，他們不只為歌曲重新編曲，添加上LUCY的色彩，更為了解歌詞意思苦練廣東話，非常有誠意，粉絲們亦紛紛加入大合唱！作為隊內的製作人，WonSang表示：「我哋非常努力編曲，希望大家會喜歡呢份禮物，之前我哋都有劇透過，有冇人估到呢？呢首歌嘅旋律真係好有中毒性，我哋都好鐘意！」。粉絲們聽到後紛紛大喊「Encore」，WonSang即場再清唱了兩句，對粉絲的要求有求必應，非常寵粉。LUCY更即場向粉絲學習「1至10」的廣東話，講到「五」的時候表示發音很困難，互動可愛又有趣，不只歌曲聽出耳油，聊天環節更是笑聲不斷。

Bass手WonSang是隊內的製作人（主辦單位提供圖片）

觀看相關短片按以下連結：https://youtu.be/jrxtGeHRHfI?si=lLijdegZDwCBt5uZ

2020年出道的LUCY在出道四年後才迎來首次的世界巡迴演唱會，而海外的首站來到澳門，成員們都表示很高興，也有趁著演唱會的空檔品嚐澳門美食，WonSang興奮地說：「我哋一落機就去咗食葡撻，果然是名不虛傳，好好食！」。YeChan更分享了他們在買葡撻時發生的趣事，叫大家可以在之後的幕後花絮中確認，SangYeop就呼籲粉絲們給他們推薦澳門的景點，可見他們對澳門的熱愛。

主唱、結他手SangYeop（主辦單位提供圖片）

主唱、鼓手GwangIl（主辦單位提供圖片）

在最後的感言中，YeChan感性的表示：「喺出道嘅時候，完全冇諗過可以嚟澳門表演，希望大家可以再同我哋一齊玩！」。GwangIl就說：「因為有大家無限嘅愛與支持，所以我哋可以企喺呢度，我都想為大家送上無限嘅感謝！」。而主唱SangYeop就表示雖然大家語言不通，但可以透過音樂同大家交流真是件非常神奇的事，並與澳門及香港的粉絲們約定下次再見。LUCY接下來將會去到台北、東京演出，更公開了北美地區二十場的場次，人氣席捲全球！

LUCY與澳門及香港的粉絲們約定下次再見（LUCY官方Twitter圖片）