Skip to Content Facebook Feature Image

紅豆冰遭加料附贈同色系曱甴 港女又屙又嘔留陰影

社會事

紅豆冰遭加料附贈同色系曱甴  港女又屙又嘔留陰影
社會事

社會事

紅豆冰遭加料附贈同色系曱甴 港女又屙又嘔留陰影

2022年08月16日 17:34 最後更新:18:47

外出用膳時,大家要注意食物有否「加料」!有港女日前在連鎖食肆飲紅豆冰時,飲到最後竟發現有一隻曱甴混在紅豆內,非常噁心,其後更上吐下瀉患上腸胃炎,坦言自己今次是第一次食曱甴,令她以後外出食飯都有陰影。

該隻曱甴大約3厘米長,顏色亦與紅豆冰內的紅豆相近。網上圖片

該隻曱甴大約3厘米長,顏色亦與紅豆冰內的紅豆相近。網上圖片

有網民於Facebook群組「飲食邪惡情報」發文,指自己日前在將軍澳彩明邨一間大型連鎖食肆飲紅豆冰,當飲到最後準備「享受」紅豆時,竟然見到一隻曱甴,隨即崩潰,「間餐廳淨係退返嗰餐錢,同換另一個飯畀我,但我已經無胃口食」。

樓主更在飯後2個多小時內出現肚瀉及嘔吐的徵狀,需要看醫生,「我畀醫生睇隻曱甴,醫生都話咁誇張,醫生話腸胃炎要殺死曱甴啲菌,所以要食抗生素」,而她亦有就事件向食環署報告。

設計圖片

設計圖片

她指今次是人生第一次食曱甴,直言被「嚇死」,外出食飯都有陰影,「飲完杯嘢,連中午都唔敢食,我同醫生講食唔落嘢,醫生叫我暫時飲住奶先」,提醒眾人以後外出食飯都要睇清楚。

根據樓主提供的照片,該隻曱甴大約3厘米長,顏色亦與紅豆冰內的紅豆相近,細心觀察才會發現端倪。

設計圖片

設計圖片

不少網民都覺得太離譜,甚至有人表示「齋睇相已經好想嘔」,「隻曱甴好大隻」、「好恐怖」、「一定要報食環」、「陰影真係好大,我睇相都想嘔」。

有港女在連鎖食肆飲紅豆冰時,飲到最後竟發現有一隻曱甴混在紅豆內。網上圖片

有港女在連鎖食肆飲紅豆冰時,飲到最後竟發現有一隻曱甴混在紅豆內。網上圖片

往下看更多文章

婚後供養同住奶奶大伯卻遭針鋒相對 港媽更因丈夫1反應感無助

2024年03月28日 12:35 最後更新:14:54

港媽婚後要與奶奶及大伯同住,剛要負擔家中大部分開支,但兩人不但不體諒更處處挑剔,令她心情抑鬱。

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

該港媽於「親子王國」討論區以「結咗婚,就要養埋99同大伯?」為題發文大呻,表示婚後夫妻二人與奶奶及大伯同住,原本以為這樣的生活會和諧平穩「其實2公婆,大家做咩職業,搵幾多,冇計,只要大家互相支持,開心平淡生活就ok。一直抱住咁心態,所以結婚就同99,大伯住」。

不過相見好同住難,日子耐了,樓主開始發現奶奶及大伯的言行和性格令她感到極度困擾「住落佢地自己咩都係岩,人地永遠都為錯」。她指兩老經常以燒味或燒烤醃製的食物當晚餐,但當她購買外賣時,卻被批評不健康「我跨區返工,返工連車程都成12個半鐘,真係冇時間煮飯買餸」。樓主又憶述,新年時,娘家的親人到訪拜年,奶奶及大伯竟當面嫌棄親人準備的禮盒「喺我面前話唔鍾意,一d都唔理人感受」。

(Getty圖片)

(Getty圖片)

此外,樓主夫妻除了支付家庭的租金、水費、電費和上網費等基本開支外,還需要支付給奶奶湊孫的費用。相比之下,大伯只支付不到家庭開支的五分之一,這讓港媽感到相當不滿和委屈「我咁辛苦返工,要養一d唔適體諒,永遠都話你點點唔好既人,值得咩?」

雖然樓主與老公有能力搬出去住,但老公擔心兩老無法自理而拒絕搬離「我地2公婆絕對有能力自己搬出去住,只係剩返99同大伯,老公擔心佢地攪唔掂自己,所以暫時唔想搬開」,為此她感到非常抑鬱「真係好辛苦,努力辛苦返工,就係為佢地付出,值得咩?我又唔想決絕到自己帶亞b走。可以點做?」

Getty圖片

Getty圖片

帖文曝光後,不少網民認為如果有能力,就不應該繼續同住。奶奶及大伯都是成年人,應該能夠自理,而且可以考慮搬到附近,方便照應。有人認為只要每月給予固定的家用,就不算不孝。有人則建議她應該堅持自己的決定,不要忍受不公平的對待,並且應該與老公好好溝通,找到解決問題的方法。

帖文來源:「親子王國」討論區

你 或 有 興 趣 的 文 章