疫情下港人熱愛網購，甚至在內地「淘」大型家電或食物來港。近日有港女指自己於內地「淘」了578公斤的地板及傢俬，惟搬運師傅指因地板太長，需逐一拆件搬入升降機再搬入屋，最終搬運師傅要求收取400元搬運費。事後樓主在社交平台發文質疑：「你哋覺得合唔合理？」，但反被多名網民認為「師傅已經收少咗」。
搬運師傅將木架拆除後，逐一將貨物搬入𨋢。網上圖片
該名網民在facebook群組「淘寶唔開心share（中伏group）」發文，指自己購買578公斤的地板及傢俬，惟地板因打托盤後太長，貨到現場後發現不能入𨋢，搬運師傅指要拆除木架，逐件將貨物搬入𨋢再搬入屋。樓主指搬運師傅其後加收$400搬運費，向網民詢問「你地覺得合唔合理？」。
搬運師傅將木架拆除後，逐一將貨物搬入𨋢。網上圖片
設計圖片
根據樓主提供的片段及相片，搬運師傅將木架拆除後，逐一將貨物搬入𨋢，再小心翼翼搬入屋內。帖文出街後，多人認為搬運師傅非常好人，在大熱天時仍願意逐件貨物搬入屋，只收$400搬運費實屬太少，「師傅咁都幫你做，唔合埋」、「個師傅太好人，逐件搬真心好辛苦」、「畀錢我都唔做，你自己搬啦」、「咁辛苦搬到成身汗四百蚊合理啦，真正香港人畀啲良心啦」、「你覺得唔合理咪自己做囉，我係個師傅有錢都唔幫你搬」。
有港女指自己於內地「淘」了578公斤的地板及傢俬，惟搬運師傅指因地板太長，需逐一拆件搬入升降機再搬入屋。網上圖片
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
