講明個Show冇咩機關位!
今日(17日)泳兒到電台宣傳新歌,她透露將於10月2日在九展Star Hall舉行一埸演唱會,笑言貴精不貴多。
泳兒自稱瞓得少又夜瞓所以個樣好殘。
因為轉曲風,她有3年冇開演唱會,好想今年可以開到Show,與歌迷一聚。她稱最近比較忙,每日只睡3小時所以好殘,而且天光才睡相當瘋癲,都擔心影響聲線,所以多飲暖水,加上疫情嚴峻,她有朋友全家確診向她求救送物資。
演唱會海報貫徹暗黑風格。
問到演唱會有甚麼驚喜?泳兒說新歌會跳舞已經好驚喜,但大家不收貨,至於會否考慮打破性感底線,她表示歌曲是走暗黑路線,並非性感,正物色暗黑嘉賓,同時希望演唱會沒有喘息位讓歌迷去廁所。
性感都幾好睇吖。
至於舞台設計方面,她指舞台機關好貴,而且安全好緊要,她的歌不太需要機關,視覺上有效果便可以,所以服裝方面要配合,她預告將會在台上換衫。問反應好會否加場?她說反應好先講,粉絲想她在較大埸館再開,她說今次開一場都有壓力,希望有兩星期時間閉關準備演唱會。
泳兒10.2九展開Show冇機關位 唔會玩性感但預告台上換衫
泳兒笑指感受到參加遊戲的網民都非常現實,「本身諗住宣傳隻歌,但係大家一嚟到,我問佢哋搵邊個,佢哋就話:『搵錢。』」
泳兒(Vincy)日前推出新歌《撞到正》,為宣傳歌曲,Vincy跟網上平台即興到旺角跟網民大玩尋寶遊戲。遊戲規則十分簡單,Vincy去到遊戲地點後,便會於自己IG公佈「尋寶」的時間及地點等消息,然後便等待「有緣人」,當「有緣人」見到Vincy時,只要說出「暗號」:「我撞到正泳兒,你真係好鬼正。」便可以得到一百元的利是一封。
Vincy到旺角跟網民大玩尋寶遊戲。
尋寶遊戲共三場,早前已於旺角進行第一場,短短半小時,Vincy手中三十封利是便一派而盡,反應熱烈。經過第一場遊戲,Vincy笑說感受到大家非常現實,「全部都係為咗錢過嚟,我首歌係講人比鬼更可怕,原來係真嘅,全部都係貪錢鬼,哈哈。本身諗住宣傳隻歌,但係大家一嚟到,我問佢哋搵邊個,佢哋就話:『搵錢。』笑死我。不過最緊要大家開心,攞完錢之餘都碌吓我隻新歌《撞到正》。」
短短半小時,Vincy手中30封利是便一派而盡。
Vincy比大家的「誠實」逗笑,「全部都係貪錢鬼!」
除此之外,Vincy亦希望大家要「留心聽書」,「我喺IG story寫到牛乸咁大個字嘅口號,係要講:『我撞到正泳兒,你真係好鬼正。』但係好多都係冇留心睇啲文字,全部講錯晒,哈哈,不過唔緊要啦,志在參與,我哋都有俾獎。」
Vincy指講錯口號都唔緊要,志在參與,都有俾獎。
而接下來的第二及第三場分別於星期五(22日)及星期日(24日)進行,問到如何部署兩場遊戲,Vincy坦言因為金額將會提升,所以她要堅守遊戲規則,一定要說對暗號才派發獎金,「我唔可以咁心軟,同埋難道會提升,我自己都諗吓有啲乜嘢難題去問大家,因為聽聞呢個平台平時啲遊戲係好難玩,所以我要提醒大家如果要拎錢嘅話,就要留心睇吓我哋嘅遊戲規則啦。」
第二及第三場分別於星期五(22日)及星期日(24日)進行,Vincy坦言因為金額將會提升,所以她會堅守遊戲規則。