吳海昕擇偶唔使大膽 關楚耀斷手獲女友悉心照感情更好

關楚耀表示等經濟起飛就求婚。

顏卓靈、吳海昕、關楚耀及陳維諾等8月19日晚出席驚悚電影《失衡凶間》首映禮，吳海昕在戲中飾演神經質女作家，事前有看過《異度空間》及《鬼域》等電影作參考，又笑指由於太入戲關係，就算導演要求她在牆上寫愛情故事，但她卻寫一些很血腥的事情。

驚悚電影《失衡凶間》今晚舉行首映禮。

吳海昕（右）演神經質女作家，表示太入戲曾在牆上寫血腥嘢。

問到是否怕難抽離角色？吳海昕表示不會，因部戲有點黑色幽默：「除咗係驚悚片外都描寫好多心理上嘅嘢，同埋有啲荒誕嘅成份喺度。」她又透露在拍攝現場亦有問任賢齊如何做好驚的表情，「佢話根本都唔使去做，有時好平靜或只用呼吸聲已經可以帶畀觀眾好大嘅幻想。」曾任多年空姐的吳海昕又自認大膽，可以一個人住及去旅行，問到日後擇偶首要條件是否要夠大膽？她笑說：「我諗唔使，咁重陽氣都夠。（細膽唔得？）其實都得，我保護返佢，我都幾壯㗎！」

吳海昕自認大膽，可以一個人住或去旅行。

久未在港露面的關楚耀提到早前踩單車意外斷手一事，他仍有餘悸，因發生意外時看到膊頭上整條骨凸出，最初還以為是甩骹，故嘗試移好位置，但一、兩分鐘後便開始休克，同行的朋友就叫他頂住唔好瞓，關楚耀指今次是他有生以來最嚴重的一次受傷，問到會否有陰影？他說：「有，踩單車OK嘅，但極限運動就真係唔會，咁嘅年紀就唔好搞咁多嘢喇！」他又指手術後覺得健康很重要。

關楚耀早前跌斷手，幸獲女友悉心照顧。

問到空姐女友Joann Law當時是否很擔心？關楚耀說：「好多謝佢，嗰段時間佢都照顧我好多，最初我仲諗要唔要返大陸接部戲？反而係佢支持我，叫我有機會就去外地嘗試。」他坦言經過這次事件後，與女友的感情更好，問到何時娶女友？他笑說：「心態上好多嘢我哋都有溝通，等緊時機，等緊經濟好返。（即係通關之後就求婚？）希望快啲通關，經濟起飛我就求婚。」

關楚耀表示等經濟好轉，打算向女友求婚。

不過193表示Sofiee要自求多福，因為劇組未能夠讓她索償醫藥費！

郭嘉駿193今年首支單曲《B出口》，其實是香港年青人的愛情寫照，今次除了早前公布了由何啟華Dee首次操刀執導MV外，更有之前與193合作舞台劇的吳海昕（Sofiee）加盟演出，鐵三角組合，想不到竟然發生家暴事件，Sofiee更弄得滿手瘀痕！

193推出今年首支單曲《B出口》，唱盡香港愛情面貌。

邀吳海昕（Sofiee）任MV女主角。

今次《B出口》由台灣音樂人宋星凱及葉懷佩作曲，林若寧填詞，是很多香港人的愛情寫照，193道：「《B出口》〉講好多人與人之間嘅邂逅，例如：搭地鐵遇到心儀對象，可能一齊咗，之後過一排又邂逅其他人。好多偶遇好多離離合合，呢個就係好多香港人嘅寫照。」既然是一首屬於香港人的情歌，193很想在歌曲中記錄當下的愛情以外，更想記錄香港，他續道：「林若寧寫詞嘅時候，我叫佢加多啲香港地方元素，記錄返香港呢個時間呢個地區，因為好多時有啲地區經過年月變化，又或者好多唔同因素會變咗好多，甚至係有可能冇埋條街，所以歌詞裡面嘅街名比較大路，彌敦道、太子道、擺花街，另外亦有提及花墟。」

相關影片可以按以下畫面觀看：

影片連結：https://youtu.be/vljXJxvPArc?si=RrqBEOHMlP8fiwDW>

在拍攝過程中，193不慎重整傷了Sofiee。

吳海昕慘遭193家暴！

早前已公布，今次《B出口》由ERROR隊友Dee執導。既然大導揸Fit，自然Budget也較多，193大爆：「MV 因為有Dee大導，係歷年來𢱑得最多Budget嘅MV！如果用《睡到三點》同《再次Puppy Love》去比較，Budget係多十幾倍，所以都幾誇張。Dee大導好多想法，話要爆破！話應該冇乜人MV會爆破，所以要爆破。然後又要流血！好多奇怪諗法！」諗法多自然拍得多，193都想不通Dee的想法，他說：「我哋分咗兩日拍，每日拍咗十幾個鐘，啲劇情係多到我覺得可以出一個劇場版，起碼30分鐘都仲有嘢剩，多到痴線，我都唔明Dee可以點樣整落去。」

何啟華Dee首次操刀執導MV。

《B出口》作為情歌，當然要有女主角，但原來過程中曾經換角，193解釋：「本身MV係諗住搵另一個女主角，係傾好咗嘅，但去到開會嘅時候，Dee度咗好多劇情嘢，但當時想搵嘅女主角，係大約20歲嘅女仔，同我年紀差好遠，我哋點樣回憶返我哋十幾廿年前嘅片段呢？十幾廿年前佢仲係粒卵子⋯⋯然後諗起Sofiee，佢同我啱啱做完舞台劇《Laugh Vacation》，係一個幾好嘅選擇，同埋佢係一位好演員，所以唔使諗就係佢。」

193十分感謝Sofiee不計酬勞，近乎貼錢演出，與此同時，他亦深感歉疚，因為在拍攝過程中，他整傷了Sofiee。193說：「有場情緒戲，拍咗好多次，可能有7、8 Take，Dee 老師有好多唔同要求，我哋都跟足做，其中我要同Sofiee鬥力，我要雙手捉住佢阻止佢發癲，但我估唔到自己天生力大無窮，打開籃球嘅右手捏佢左手，結果捏到瘀晒，估唔到瘀到好似家暴，唔係一般嘅瘀，幾個鐘頭後已經變到紫黑色好似中毒一樣，所以我都好過意唔去。」不過193表示Sofiee要自求多福，因為劇組未能夠讓她索償醫藥費。「我頭先有Offer，最多買支去瘀膏或者跌打酒俾佢，但Sofiee冇理我。」對於被捏到滿手瘀痕，Sofiee就說：「兩睇啦！望落去就疑似好暴力，但對於33嘅老婆嚟講，佢係好大隻呀！平時係有操開，都有啲功力。」

193表示Sofiee要自求多福，因為劇組未能夠讓她索償醫藥費。

拍攝Budget歷來最多。