馬國明自爆諗過同湯洛雯生B 計劃在外地舉行海邊婚禮

馬明一提起靚湯就笑咪咪！

馬國明和湯洛雯（靚湯）拍拖兩年多，日前靚湯晒一齊睇日落相放閃，大家都以為好事近不停催婚。馬國明在陳敏之最新一集個人Channel節目上做嘉賓，他自爆已想到與靚湯生兒育女問題，還計劃好在外地舉行海邊婚禮。

馬國明一提起女友湯洛雯就笑咪咪。

馬國明話圈中太多靚女，所以唔會一見鍾情。

馬國明直言圈中靚女多，所以拍劇以來從未試過一見鍾情。敏之問可覺得湯洛雯是一位好老婆？馬國明咪咪嘴笑說：「好難答呀呢個問題。」原來在馬國明眼中，靚湯好大頭蝦，做事多「甩漏」，反而自己好整齊。他幻想到將來有小朋友，靚湯可能會遺失子女的出世紙，笑說：「我好擔心佢，佢有時行行吓街都跌親，我哋都會研究呢啲問題，如果佢第日大咗肚，如果有呢個機會（驚佢仆親）係呀，都唔知點算好。」提起女友就甜笑的馬國明，更已計劃好到外國行禮，指最佳選擇是到海邊享受陽光與海灘。

日前靚湯上載咗同馬明睇日落相，大家都以為有喜事宣佈。

馬國明接受敏之訪問。

馬國明「家屬」身份陪靚湯

另外，楊卓娜日前在社交網上載《愛‧回家》的演員敘舊相，楊卓娜寫道：「原來一眨眼已經10年啦！人生有幾多個10年？」馬國明雖然未拍過《愛‧回家》，但亦有陪女友靚湯出席，被網民笑指以「家屬」身份參加聚會。反而，靚湯的舊愛羅天宇未有現身。

馬明已諗到將來靚湯有BB會點。

靚湯日前帶埋馬國明出席《愛‧回家》飯局。

馬國明計劃外地行禮，擔心湯洛雯陀B會跌親。

靚湯心痛愛貓！

湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。

湯洛雯與馬國明當兩隻愛貓是心肝寶貝一樣。

愛貓打完疫苗後出異常反應。

靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」

靚湯心痛得狂飆淚！

隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」

靚湯叫大家帶毛孩打完疫苗後， 一定要留意牠們情況。

指愛貓情況已穩定。