阿Mo爸爸望大家續為愛兒祈禱 AL貼家中時鐘相有特別意思

神徒指：「23號23點23分，2323是天使數字。」

MIRROR上月的紅館演唱會發生嚴重意外，其中一名受傷舞蹈員李啟言（阿Mo）經過3星期的治療後，日前其父透露他的情況有很輕微進展，8月24日阿Mo爸爸貼出兒子在台上跳舞的相片，相中還有「同心、守望」的詞語，希望大家繼續為兒子禱告及打氣。而家庭發展基金總幹事羅乃萱，也在社交網轉發阿Mo爸的圖片，羅乃萱表示：「讓我們彼此同心 ，繼續守望 ，記念Mo 及李牧師一家，不斷禱告。」

阿Mo爸爸今日貼出相片，希望大家繼續為愛兒打氣及祈禱。

阿Mo跟父母感情要好。

阿Mo雙親在意外後立即來港，不停往醫院探望兒子。

與阿Mo感情甚好的盧瀚霆（Anson Lo）於本月5日首度在社交平台發聲後，就一直未有再更新，相隔近3個星期，Anson Lo於8月23日）終於再度「上水」，他在IG限時動態上載家中時鐘照片，時間顯示為11時20多分，但就沒有寫下任何句子。

Anson Lo（中）和阿Mo（右）私下感情深厚。

過往Anson Lo不時分享家中時鐘的相片，多數是報告他收工休息的時間，但今次他上載卻沒有留下任何字句，有神徒（Fans暱稱）就表示其實這個時間很有意思，他們寫道：「23號23點23分，2323是天使數字。」亦有不少神徒見Anson Lo蒲頭表示鬆一口氣：「開心到大叫咗出嚟。」、「終於等到教主出現，好感動。」、「相信是個好開始，撈撈心情應該平復很多了」。

好耐冇見教主屋企的鐘。 ​

作為「神徒」的駱胤鳴（烙印）見Anson Lo更新IG後，亦有於自己的IG限時動態發表感受，她寫道：「以前見住你每日都會update ，無論你幾攰都會update ，我哋會知道你幾點開工幾點收工 ，教母煮咗咩，有無啖飯可以落肚 ，最近一直都無咗你嘅消息 ，知道你内心一定唔好受 ，一定好多感受一定好多壓抑 ，直到你上水 ，姐姐cry。」

駱胤鳴留言。

是Anson Lo的忠實fans。

至於柳應廷（Jer）不約而同在8月23日晚7時許，上載一張在天台拍下黃昏天空的照片，寫上「19：01 」。

Jer也在社交平台貼出天空相片。

Jer

Anson Lo貼家中時鐘相有特別意思 阿Mo爸爸望大家續為愛兒祈禱

MIRROR正忙於世界巡迴演唱會，但盧瀚霆Anson Lo仍抽空於出發前製作新歌《深閨》，並於早前完成英國站巡唱後，與團隊走到巴黎拍攝歌曲的MV，這正好配合這次甜到漏的歌詞。

《深閨》由徐浩作曲、監製，黃偉文填詞，是Anson Lo暫時最喜歡自己的一首慢歌。歌詞內容簡單直接地道出，當愛上一個人之後，可以為對方變成一個黐家的人，被對方獨佔，甚至放棄名利。Anson Lo坦言歌詞完全說中了他的心態，道：「歌詞其中一句：『拒絕再做凡間千人迷』，好Relate到自己，同埋佢令我思考到，如果有一日我真係拍拖，係咪要放下自己工作上嘅Anson Lo？係一首好Personal嘅慢歌，所以我喺錄音室唱嘅時候係有唱到喊。」

Anson Lo推出新歌《深閨》。

觀看相關影片按連結：https://youtu.be/70vVZqVsqeg?si=9RD6my9ItvtgApW3

Anson Lo又幻想，如果自己拍拖，都應該幾似Wyman所寫，會全神貫於對方身上，「因為我係巨蟹座，係一個Home Guy（住家男人），好鍾意留喺屋企，拍拖的話，放工都會即刻返屋企，然後喺屋企食飯睇戲，瞓覺攬埋一齊；假期都未必出街，兩口子一齊煮下嘢食飲杯咖啡，就已經好好。因為如果我鍾意一個人，都好想24小時黐住佢，做乜都OK。」對於Anson Lo來說，《深閨》所說的愛情觀與他本人很吻合，但他相信，歌詞同樣說中了大眾當情到濃時，對於愛情的執迷與痴迷，他相信大家聽到歌詞，一樣會身同感受。

Anson Lo自言是住家男人。

如果鍾意一個人會好想24小時黐住對方。

對於Anson Lo來說，《深閨》所說的愛情觀與他本人很吻合。

為了《深閨》，Anson Lo這次特別在巡唱出發前將歌曲錄好，然後趁完成英國站演出後，特地走到巴黎拍攝。揀選巴黎拍MV，全因這裡予人浪漫、Fashion又Cozy的感覺，而《深閨》裡的愛情同樣十分浪漫，又無拘無束，加上從倫敦到巴黎只需個多小時十分方便，所以絕對是不二之選，而整個拍攝過程中，Anson Lo最喜歡在巴黎鐵塔拍攝的場口，他說：「夜晚可以睇到巴黎鐵塔唔同嘅燈光閃法，好靚！同埋我哋拍攝嘅地方只係隔住一條河仔，可以好近咁望到巴黎鐵塔，又大好靚，又襯首歌，而家可以拍埋入《深閨》MV裡面，有剔咗Bucket List嘅感覺。」

Anson Lo揀選巴黎拍MV，全因這裡予人浪漫、Fashion又Cozy的感覺。

與《深閨》中的愛情同樣十分浪漫，又無拘無束。

被問到又要巡演又要拍MV，體力上可以應付得到，Anson Lo坦言：「每次都係同自己講，應付唔到都要應付，因為做完巡演，話唔攰都係講緊大話，但只要每次做嘅嘢，都係自己好期待嘅作品，攰就唔係咁大問題。」

雖然要巡演又要拍MV，會好，但Anson Lo坦言：「應付唔到都要應付。」

這次是Anson Lo首次踏足巴黎，所以除了拍MV以外，他亦有在當地遊覽，他分享道：「有周圍睇下名勝、景點，買咗少少嘢，又有探索下啲Café，坐低飲下嘢食下嘢，又或者喺條街行下。其實今次巡演又好，喺巴黎拍MV又好，最鍾意做嘅嘢唔係買嘢，而係喺條街度行，因為喺香港一落樓就上車去工作目的地，好少喺條街度行，我好想喺唔同國家嘅街上面行，感受下嗰個國家嘅Vibe係點樣，可以見到好多人唔同嘅面貌，做人處事方式，都會好好奇，齋行都好有趣好好玩。」

首次踏足巴黎的Anson Lo除了拍MV以外，亦有在當地遊覽。