風球「馬鞍」24日接近本港，天文台當晚7時25分懸掛8號風球，及至25日早上9時20分，天文台再宣布「落波」取消8號風球，令無數渴望早上有半日「風假」的打工仔心碎，更有網民嘲「動物大遷徙即將上演」。
打工仔趕回辦公室上班。
一眾打工仔經歷短短約14小時的8號風球，早晨9時隨即要趕上班，令大批失望的網民湧入天文台社交平台狂轟「玩殘打工仔」，當中留言不乏每逢打風必爆的黃子華棟篤笑金句，當中最多人引用的就是黃子華於2006年《兒童不宜》talk show中的「打風篇」，講述打工仔期待打風唔使返工的一段。
黃子華於2006年《兒童不宜》talk show中的「打風篇」，講述打工仔期待打風唔使返工的一段，每逢打風必定翻hit。(影片截圖)
以下是網民出動狂轟天文台9時20分落波的黃子華五大打風金句，當中又有冇一句講中你心聲？
1.「一個每日理想都係想打風嘅人，又點會覺得慚愧呢？」
2. 「有乜嘢快樂得過，你明知聽日要返工，而你聽到天文台講，現時3號風球現正懸掛！」
3. 「稍後可能會懸掛8號風球，你即刻會變咗做馬迷，8號！8號！8號！8號！」
4. 「人又打風你又打風，你打嗰幾粒鐘，我打邊爐都打得耐過你！」
5. 「你有邊個風球覺得自己打得好嘅，舉一舉手！」
打工仔趕回辦公室上班。
短命波玩殘上班族 網民出動5大子華金句轟天文台：打邊爐都耐過你打風
