鍾雨璇「口罩小姐」用腳寫字彈起 感激師博七仙羽指點

鍾雨璇參加口罩小姐選舉。

ViuTV綜藝節目《尾二一屆口罩小姐選舉》日前已經選出20強。是次比賽有不少熟悉的面孔參加，早前於50強止步的鍾雨璇（前名：蘇慧恩）面試時，以手、腳及口表演寫書法令人印象深刻，身為七仙羽（七師傅）徒弟的她與另一選手齊釨湮的表演，原來都是由七師傅教路。鍾雨璇接受訪問，非常感謝七師傅幫助，又稱開心可以在節目中表現更真的一面，「度咗啲得意啲嘅橋喺節目中表演，其實我之前都諗過用唔用Miss look見人、着唔着黑絲，到底要唔要去到咁盡，咁師傅話我參加得呢個比賽，佢哋要令人開心，就要做啲特別啲嘅嘢，最後我同齊釨湮都有接受師傅的建議。」

鍾雨璇早前一改形象參加《尾二一屆口罩小姐選舉》，入到50強。

鍾雨璇於節目中用另類方式寫書法。

以更真一面見觀眾

鍾雨璇指身邊友人其實都知她是個有搞怪一面的人，只是平時較少在幕前表現出來，這次放開自己獲好評，她也很高興：「可以做返個放啲嘅形象，我都好舒服。」更分享其實個表演準備得好辛苦，「我通宵喺屋企練，我諗練咗幾百次，我練到半夜三更，我阿爸阿媽都走出嚟關心，因為我練飛鞋嗰段，高踭鞋跌落地又好嘈，幾鬼驚畀樓下投訴，同埋要用腳趾夾住枝毛筆同用口擔住枝毛筆都好難。」她更因此體會到殘障人士不能用手拿筆畫畫或寫字的痛苦。

齊釨湮（右）亦是七仙羽徒弟。

原來呢個表演，七仙羽有份畀意見鍾雨璇。

暫不用回舊名「蘇慧恩」

對於出場時戴着口罩，都有網民認得她是鍾雨璇，她都感到很開心。至於有網民認為她的舊名「蘇慧恩」其實已經不少人識，覺得她可以用回舊名似乎較好。鍾雨璇表示暫不考慮用回舊名，「其實我改咗名之後，好多人都叫我改返做『蘇慧恩』，但我改咗做『鍾雨璇』之後真係多咗好多新發展，同埋啲嘢又好似順利咗，我就唔會改返做『蘇慧恩』住。」更表示或者將來不再做演藝圈才考慮用回舊名。

肥仔都讚鍾雨璇反差大。

鍾雨璇於節目中以歌手身份作自我介紹，又稱唱咗10年都冇咩人識。

鍾雨璇於節目中以歌手身份自我介紹，更坦言知道自己知名度不高，「我本身係唱歌嘅，因為都唱咗十幾年都冇乜人知我係邊個，如果再唱歌我覺得唔係咁特別囉！」而她接受本報訪問時亦表示做歌手的確感到少許氣餒，「雖然有啲灰，但一定唔會放棄唱歌，因為本身真係好鍾意唱歌，辛苦都會繼續做。」

鍾雨璇以前叫「蘇慧恩」，改名後她認為對星途有不少幫助。

鍾雨璇（中）選過工展小姐，仲係冠軍嚟！

另類方式選美

鍾雨璇入行逾10年，擁澳洲昆士蘭大學工商管理系學士及愛爾蘭國立都柏林大學學院市場學學士學歷的她，2010年參加過香港小姐，但20強止步，翌年再參加工展小姐終於奪得冠軍，到2016年她再參加「大閘蟹小姐競選」以大熱姿態當選。這次參加「口罩小姐」，她也覺得與傳統選美形式很不同，「以前啲選美一定要好斯文、好大方、講嘢要陰聲細氣，但今次戴口罩出嚟，要好特別，可以做返癲癲喪喪的自己。」更希望這次參加「口罩小姐」可以成功轉型。

獨家丨鍾雨璇選「口罩小姐」表演靠七仙羽教路 唔考慮用返舊名蘇慧恩

李尚正被封「公司福將」！

2024年適逢由八運轉九運，想快人一步，早著先機，行運一條龍? HOY TV 全新賀年節目《開運秘笈》幫到你！由李尚正（阿正）、盧頌恩（妹頭）、嚴祟天及樂翊榆聯同城中各門派師傅走訪香港各區，以不同玄學角度為觀眾指點迷津，全方位為大家開運！節目由即日起，逢星期一至五晚上9時正於HOY TV 77台播映。

七師傅教李尚正（阿正）及盧頌恩（妹頭）用米水開運招財兩式。

臥底組合跟隨謝柳汝師傅到龍母廟求簽。

昨日（1月24日）播出的第八集，七師傅教臥底組合李尚正（阿正）及盧頌恩（妹頭）用米水開運招財兩式。第一式，每日將七粒米放在家門旁。第二式，將米浸於水中，用米水洗手洗臉。七師傅指用米水洗手或洗面可除負能量，而用過後的洗米水則可用來淋花。惟妹頭重覆解說時卻把步驟弄錯，令七師傅大嘆「又學錯咗喇」；身旁的阿正則出手助妹頭解困，清晰講出次序，獲妹頭大讚是高材生，七師傅亦指阿正IQ高，此時妹頭立刻向七師傅指出自己都是大學畢業，豈料被七師傅冷待說「邊間㗎?」還遭阿正欺負，要求公開大學名字及呼籲大家盡量避免就讀，妹頭避走，場面爆笑。

阿正更為有線求得三十六簽大吉簽，被妹頭封為「公司福將」！

正所謂一命二運三風水，今集還有蕭鎮昇師傅為一家三口睇風水。

每逢新年，不少人都會到廟宇求簽，望神明能指點迷津。今集，阿正及妹頭跟隨謝柳汝師傅到龍母廟求簽。心繫公司的阿正更為有線求得三十六簽大吉簽，被妹頭封為「公司福將」。解簽的珍姑指，建議公司未來多拍靚人靚景，同事間多聯絡，多開會，就可求財和合；求官得意，更指做節目的人都會成名。