許廷鏗因為林家謙聲音特別而相識 Serrini繼續索吻

林家謙《Summer Blues》演唱會來到第四場，8月25日除有固定嘉賓Serrini，還有第二度現身的JW，以及岑寧兒（Yoyo）和許廷鏗。

JW再次做嘉賓。

JW與林家謙合唱《 矛盾一生》及《安全感》，兩人手拖手，JW先說要多謝家謙作好歌給她，家謙就話反過來要多謝她，指因為JW唱了《矛盾一生》，令更多人認識自己，故對方在他音樂生涯之中十分重要。JW指當年邀請家謙到她家一齊Jam歌，家謙話：「我都係彈琴，無意之間發現原來我都可以唱歌。」他們還即興唱了幾句《The Whole New world》，令觀眾十分開心。

許廷鏗表示中四已經認識家謙，當年大家同一間中學。

岑寧兒

許廷鏗台上表示中四已經認識家謙，當年大家同一間中學，家謙當時中一，參加過學校的唱歌比賽(聖若瑟書院Internal talent quest)，還選唱梁漢文的《新聞女郎》，那時他已經覺得這個師弟聲音好特別；而翻查email，原來2013年他已經向家謙邀歌，當中還有一首Demo仍未面世，不久將來希望可以一起再完成這首作品。兩人合唱了《青春頌》及《感覺良好》。而岑寧兒就出來跟家謙合作三首歌，包括《飛》、《聽風》和《風的形狀》，美妙的聲音，獲得全場掌聲雷動。

Serrini問家謙：「可唔可以錫啖，錫啖！kiss me！」

Serrini 幽默留言：「吹耳仔sweet到」。

Serrini要求錫啖

Serrini繼續向家謙索吻並問：「可唔可以錫啖，錫啖！kiss me！」搞到家謙雞咁腳逃亡，觀眾笑爆紅館。Serrini又再指責家謙，跟女嘉賓拖手，對男嘉賓則熱淚盈眶，自覺很委屈，家謙笑住話：「咁你喊啦，你話M到嘛！」Serrini撒嬌指是私人事，還指大家「唔係好friend」，家謙反指私下回覆的字數已比其他人多。騷後Serrini在IG上載二人合唱影片，幽默留言：「吹耳仔sweet到」、「美麗黑森林女巫要捉住年輕男人番巢穴保持青春常駐 」。而歌迷就在她與家謙的留言互動中，有寫「pls 不要kiss家謙」，也有人寫：「你地兩個結婚啦！」非常搞笑。

林家謙演唱會丨許廷鏗讚學弟聲音特別 Serrini繼續要求錫啖

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。