遭小方踢爆乃圈中馳名靚聲粗口 蘇永康自嘲玩Poker輸唔起

蘇永康：「輸幾千蚊我會好嬲怒！」

J2（82台）逢周六晚9點半播出的《太興罐裝系列呈獻︰鋪鋪Poker》，由郭偉亮（Eric）、方力申，以及J2ers陳欣茵及胡美貽主持，今（3日）晚播出最新一集，主角為Eric Poker之友蘇永康（蘇康），並邀來有「香港撲克教父」之稱的Ricky擔任派牌專員，派牌之餘更與大家分享Poker小知識。

今晚一集嘅嘉賓係蘇永康阿公。

主持有方力申。

郭偉亮

今集特別亮相嘅派牌專員—Ricky。

蘇康與Eric兩位Poker友一碰頭即大講Poker奇聞，除了親眼目睹「四條輸同花順」的離奇「事故」，蘇康又大爆Eric是馳名「Poker翻身王」：「得番二百蚊碼都可以翻到身，佢試過好多次。我就笈手A都可以輸。」蘇康續指自己「耐性欠奉」，不太適宜玩Poker：「我連打邊爐都冇心機，啲雲吞成日生嘅就食咗落口。」除了冇耐性，蘇康又坦言輸唔起：「輸幾百蚊都冇乜事幹嘅，輸幾千蚊我會好嬲怒，但我買件一千蚊衫完全冇問題喎。」方力申隨即踢爆謂：「嗰啲仲要著喺底，得個領邊。」節目所見，蘇康玩Poker時相當沉默，與擅長耍心機的Eric有天壤之別。至於欣茵及美貽則各有特色，前者是「Fold王」、動不動就棄權；後者則愛拋浪頭，更一度成功Fake掂小方，場面爆趣。

仲有J2ers胡美貽（左）同陳欣茵。

四位主持都好熱烈歡迎蘇康，蘇康反問係咪因為佢個樣似水魚，好搞笑。

蘇康好坦白，話自己冇耐性之餘，又話自己輸唔起。

不過當佢提到輸成幾千蚊會好嬲怒時，小方就笑佢連件底衫個領都唔止，喂呀！

蘇康又大爆與小方的淵緣及與仔仔相處的點滴。

小方大爆蘇康私底下句句說話都係粗口。

與方力申好有緣
2017年升呢爸爸的蘇康，笑指面對小朋友不能沒有耐性，皆因「盞自己冇命」。直認是嚴父的蘇康，透露與太太約法三章，就是大家不會在對方「教仔」時插手。蘇康又提到阿仔愛模仿他說話，小方聞言即嚇至「眼凸」追問：「你句句都有粗口架喎？我入咗行之後，圈入面講粗口最好聽嘅就係阿公。」之後現場即起哄要求蘇康即席顯身手，場面熱鬧。

Eric VS 陳欣茵。

小方VS胡美貽。

蘇康VS胡美貽。蘇康個樣真係好沉默架，Eric都讚佢喺Poker枱上，係一隻可愛嘅羊。

在節目中話題不絕的蘇康與小方，原來不但曾是同公司師兄弟，蘇康更跟過小方契媽Christine Samson學唱歌，現在又跟對方學習如何做老師教唱歌，足證與小方相當有緣。蘇康續指當年在好兄弟張衛健「指示」下，曾邀請小方做他游水「替身」，小方負責「晒泳術」，蘇康則負責「出樣」。欲知詳情及更多蘇康近況及教仔經，敬請密切留意今晚J2（82台）播出的《鋪鋪Poker》。

陳欣茵一時生意失敗咁款，一時又奸奸詐詐咁，到底咩事咁古惑？

蘇康同Eric大爆朋友圈中嘅「Poker翻身王」，佢哋分別係梁漢文同埋劉浩龍。

原來方力申係Big Boss張頴康嘅幕後代理人！

由劉家豪總監製、陳志江監製、岑國榮、孫浩浩擔任編審的《逆天奇案2》，逢周一至周五晚八點半翡翠台播映。昨晚（19日）一集劇情有重大推進，原來冠峰（方力申飾）是失了憶的魏子樂（張頴康飾）幕後代理人兼狂熱粉絲，在暗網以Perses身份幫助子樂執行復仇計劃！

小方身份曝光，原來佢係Big Boss張頴康嘅幕後代理人！

兩人年輕時已經認識。

兩人年輕時已經認識。

冠峰與子樂年輕時早已認識，兩人透過 Online Game結為好友，冠峰與爸爸（黃子雄飾）住在荒島時，感到生活既苦悶又壓抑，後經思想極端的子樂洗腦、殺掉自己的「痛苦根源」—親生父親，並重獲自由返回城市，自此冠峰便將子樂奉若神明。後來受盡喪妻之痛的子樂，在暗網聯絡冠峰，要求冠峰代為執行報仇計劃；惟子樂後來腦部缺氧導致失憶，冠峰便借協助O記查案為名、近距離接觸子樂為實！另邊廂，電腦奇才天祖（高鈞賢飾）與女友Ana（馮盈盈飾）協助警方凍結Perses的資金鏈，成功阻止Perses執行恐襲。冠峰深感自責之際，發現外國研發了一種新藥可以加速修補大腦受損部位，遂希望以此藥喚醒子樂記憶……..

小方借協助警方為名，接觸張頴康為實。

張頴康「洗腦」搞到小方弒父。

形象正面的小方今次罕有飾演反派，演出令人眼前一亮；小方今次演出的難度位，在於要在「理性睿智」Mode和 「狂熱信徒」Mode之間不停切換。小方「理性睿智」Mode時表現冷靜沉實，但當切換成「狂熱信徒」Mode時，小方則會頃刻變得理性盡失兼躁狂。昨晚一場小方VS高鈞賢、馮盈盈的網絡大戰， 一拳難敵四手的小方節節敗退，期間激動得爆汗不特止，更谷到額頭青筋盡現，「瘋癲」指數爆標！

小方幫張頴康報仇係為咗報恩。

呢場電腦大戰，小方爆晒汗兼爆晒青筋，「癲」味勁濃。

與張頴康獲封螢幕CP
講到劇中真正身份終於揭盅，小方受訪時笑言：「依家觀眾唔使再估喇！劇中子樂係冠峰唯一嘅朋友，佢係幫我脫離爸爸魔掌嘅人，所以當正佢係恩人，我要報恩幫佢完成報仇大計。」小方坦言角色很有挑戰性：「最難係要諗點樣鋪排，始終唔想脫離角色性格太多，唔想做得太過火，又想有意外驚喜帶到畀觀眾。呢個角色平時嘅情緒係比較平淡、冷靜嘅，但因為成長背景搞到性格有啲缺憾，所以有時會失去理智，要選擇『跳掣』嘅時機係最難嘅。」講到與張頴康非常合拍，更被笑指是CP，小方說：「同佢合作得好開心，大家都希望每一場戲觀眾都睇得開心，我哋兩個都會有商有量去傾點樣做好啲，佢係一個相當專業嘅演員，希望將來可以再合作多啲！」

呢場電腦大戰，小方爆晒汗兼爆晒青筋，「癲」味勁濃。

小方發現咗新藥可以幫到張頴康，睇嚟二人之後同警方仲有一番龍爭虎鬥。