娛圈事
TVB節目《聲夢傳奇2》決賽將於10月2日舉行，師姐姚焯菲（Chantel）和鍾柔美（Yumi）等人9月4日現身電視城，與新學員齊齊為《Hat Trick》拍攝MV，女子組合XiX今日不齊人，有2位成員安排稍後錄影。問她們除口罩錄影會否擔心「中招」？她們表示大家有防疫意識，錄完立即戴番口罩，就算除口罩飲水都會保持距離。決賽距今只有1個月，她們說心情興奮又緊張，希望不會被淘汰。有傳內定賽果，她們沒聽過傳聞，指比賽公平，會全力以赴。
女子組合XiX被一致看好，成為頂頭大熱。
女子組合XiX不擔心除口罩錄影會「中招」。
日前導師郭偉亮（Eric Kwok）指有些學員很心散，而李幸倪（Gin Lee）及泳兒為學員表現激心，她們否認心散，表示有聽導師意見及改進，雖然可能會有點疲倦，但也盡力做好，盡力練習做到導師的要求，更多謝導師百忙之中幫忙及提出意見。泳兒指學員不覆機，她們强調有覆，收到訊息覆機是基本禮貌。
師姐師兄們為新學員打氣。
組合XiX自認聽教聽話唔心散 盡力練習達到導師要求
Eric Kwok同XiX玩遊戲好落力！
由森美、馮盈盈、陳若思及倪嘉雯主持的問答遊戲節目《OneDegree家居保險呈獻：HOME即是識》，逢周一至三晚10點半翡翠台播映。《HOME即是識》是一個關於家居大小事的問答遊戲節目，透過問答遊戲及做實驗等不同方法教曉觀眾家居大小事。參賽者不論藝人或素人、只要擅長處理家中大小雜事就能參加，組隊爭奪高達港幣10萬元的獎金獎品！
陳若思（左起）、森美、馮盈盈擔任主持。
Crystal（左起）、Vici、Kiele同埋Eric Kwok擔任嘉賓。
今（5日）、明（6日）晚是第六輪初賽，藝人隊是Eric Kwok+良玳瑩Crystal＠XiX與莊殷玥Vici＠XiX +鄧曉殷Kiele＠XiX，素人隊則有Jessica+Tammy、柏遨+Cathy、Tracy+Ricky和Michelle+Gary。Eric Kwok透露早年在美國生活，閒時會幫媽媽打理花園，他說：「11、2歲就要喺花園掘泥，自己駁水管、鋪草，最大鑊係要隊冧田鼠！」Eric Kwok再傳授「恤衫不皺」大法，他說：「係我Daddy教我嘅，唔想着恤衫皺，就要將成件恤衫攝喺底褲入面，穿過條底褲！」人仔細細的Crystal、Vici和Kiele自認有幫屋企做家務，Vici大大聲說：「有做過幾次囉！」笑到大家碌地！
Michelle（左）+Gary
柏遨（左）+Cathy
Jessica（左）+Tammy
Tracy（左）+Ricky
遊戲環節繼續搞笑，第一輪選擇題已經火花四濺，森美和Eric Kwok為了一條關於女性健康的問題拗到爭持不下，激到Eric Kwok大拋金句回敬森美：「你唔可以judge the person by the book！」另邊廂，鬼馬的Kiele和Vici多番出貓偷睇Eric Kwok答案，最終被Eric Kwok實名舉報，場面搞笑。之後的動作題同樣好玩，Eric Kwok和Crystal要合力鬥快打開拉環斷了的汽水，Eric Kwok拿着一卷保鮮紙死鋤爛鋤都打不開，相反Crystal單靠一張紙便輕鬆解決，搶盡風頭！最終的動作題揭示了Wasabi加入砂糖會變得更辣，輸掉遊戲的Eric Kwok接受大懲罰要吃下加了砂糖的Wasabi，Eric Kwok不單食到面都青埋，額頭更青筋暴現，他說：「辣咗20至30%！」認真誇張。
Eric Kwok傳授「恤衫不皺」大法，就係將恤衫攝入底褲入面，勁搞笑。
睇呢張相就知氣氛有幾咁熱鬧。
Eric Kwok拍住Crystal玩遊戲。
Kiele 、Vici被踢爆出貓𥄫答案。
大家玩遊戲好落力。
Eric Kwok好暴力咁款，Crystal淡淡定有錢剩。
終極回合搶答題戰況激烈，Eric Kwok極速答中一條關於電視螢幕的問題，森美笑言：「你對啲AV產品比較熟，唔係淨係AV！」Eric Kwok即怕醜仔上身耍手否認，森美即揶揄他：「你杯弓蛇影做咩啫，此地無銀三百兩！」另邊廂，身為醫生的Cathy則憑住專業知識瘋狂答中問題，表現精靈的Vici則頻頻「跳掣」撞中答案，想知道哪一隊最終殺入決賽？密切留意《HOME即是識》。
Eric Kwok食加辣Wasabi搞到青筋暴現。
森美同Eric Kwok係咁鬥嘴。
Eric Kwok爆出金句。
Eric Kwok被笑指對AV產品好熟悉。
Cathy後勁凌厲。
