Skip to Content Facebook Feature Image

古天后日誌|外圍炒通脹見頂 港股乘機挾淡倉

錢財事

古天后日誌|外圍炒通脹見頂 港股乘機挾淡倉
錢財事

錢財事

古天后日誌|外圍炒通脹見頂 港股乘機挾淡倉

2022年09月13日 09:00 最後更新:11:32

9月13,天晴,天氣乾燥炎熱,局部地區有煙霞,日間天氣酷熱。美股隔晚繼續反彈,市場揣測通脹已見頂,三大旨數齊升,標指重上4100水平,突破下降軌頂部,納指亦逼近12300水平,同樣係下降軌頂部。留意今晚美國公布CPI數據,市場憧憬見頂回落。實際通脹能否見頂回落係另一回事,美股近日就係炒上落,好淡通殺。不過虛幣市場回升,資金近期確似risk on,同單日波幅擴大,稍一不慎又被殺倉。

歐央行已於上周議息,並一如預期加息0.75%,加息之餘亦暗示10月議息再加0.75%,歐股竟然不跌反升,喺歐元反彈下,歐股隔晚錄得逾2%升幅。歐股能夠反彈,多得美匯指數略為回落至108水平,而10年債息則保持在3.35%水平。

雖然歐美股市形勢大好,但球經濟仍難樂觀,裁員之聲未停過,最新有德國商業銀行考慮關閉10%分行數目,以降低成本,同日高盛宣佈近一輪裁員計劃,但市場反應係壞消息當好消息炒,銀行股升可也。留意係有消息指俄烏戰爭有望透過談判停火,呢個都係挾升股市嘅好消息。

中港股市周一中秋節假期休市,但上周五長周末前,有資金偷步挾上,主要係賭美股反彈持續,恒指挾升507點至19362,只係成交額偏低,只有922億元。港股已進入買賣兩間一段時間,但沽空比例有無減,沽空得厲害,自然誘使大戶挾淡倉,港股升跌又何需理由。

預咗騰訊(00700)大股東將咁大批貨存入CCASS,都係為咗沽貨作準備,週四晚Naspers表示喺市場開始沽貨,最新持股降至27.99%,估計要再減持多1%,持股低於27%時先會再有新公佈。過去兩日從高盛CCASS倉位顯示,喺市場沽售400萬股,相信當中大部份是Naspers沽貨,Naspers志在套現,已唔多理會騰訊股價是否偏低,皆因邊個位沽貨都贏大鑊。其實Naspers已講明會持續減持。騰訊再花3.5億元回購115萬股作回應,年初至今騰訊合共回購了2814萬股,但仍遠低於Naspers要沽貨嘅數目1.9億股。要繼續應付回購,騰訊就只有沽手上其他投資項目,市美團(03690)將會係待價而沽嘅大熱門之選。騰訊畀南非佬沽貨,阿里(09988)就有日本仔減持,股神要沽比亞迪(01211),咁多磅股面對減持利淡股價走勢嘅消息,港股又無資金流入,嚟緊都係易跌難升。

往下看更多文章

阿里巴巴首季盈利勝預期 從螞蟻投資收益增17%

2023年08月11日 08:48 最後更新:08:48

阿里巴巴(09988)首季盈利343.3億元人民幣,按年升51%,勝預期的271.65億元;經調整盈利,即以非通用會計準則(Non-GAAP)計,達到449.2億元,按年升約48%,好過市場預期358.81億元。

圖片來源:阿里巴巴官網

圖片來源:阿里巴巴官網

收入2341.6億元,按年升14%,勝預期的2232.41億元。

公司本季開始單獨披露6大業務集團業務,淘天集團收入升12%至1149.5億元,當中中國零售商業收入增長13%。截至6月底止單月,淘寶app日均活躍用戶(DAU)按年增長6.5%

阿里國際數字商業集團收入升41%至逾221.2億元。本地生活集團、菜鳥集團收入分別升30%及34%。雲智能集團及大文娛集團收入分別升4%及36%。

集團首季度由螞蟻集團中錄得投資收益43.6億元,按年升17.4%。集團指7月監管機構宣布對螞蟻集團處以70.7億元罰款,在上季內未反映對螞蟻集團權益法核算的投資損益中。

阿里巴巴董事會主席兼首席執行官張勇表示,隨著持續推進架構重組,各項業務開始展現出新活力,集團收穫了一個業績穩健的季度。

受惠業績好過預期,公司股價在美股開市前交易時段一度升近4%。

你 或 有 興 趣 的 文 章