吳幸美聲演「癲姐」被指樣樣爭咁啲 樊亦敏「花家姐」上身滿分過關

龍天生直指有啲聽唔清楚。

梁少霞都話今次唔係幸美最好嘅表現。

至於之前慘烈捧蛋的樊亦敏，這次戴上「冬菇」假髮上陣先贏造型分，並邀來有「音樂情人」之稱的鄭子誠助陣聲演《花花世界花家姐》。經過導師天生哥訓練的樊亦敏，一開聲猶如脫胎換骨，不但完美還原「花家姐」腔口及神韻，更將劇中「痛苦求分手」的一幕戲演得相當真摯感人，與片中的佘詩曼合二為一，最終順利獲得11盞綠燈滿分。

樊亦敏呢個「冬菇」Look勁搶焦。

鄭子誠話樊亦敏係自己兒時女神？！

樊亦敏完美還原「花家姐」嘅腔口同神韻。

樊亦敏同片中嘅阿佘合二為一。

鄭子誠表現都好亮眼。

之前曾對樊亦敏演出感失望的文偉鴻，這次大大力給予正評：「我信你做得到，今次你真係證明到畀大家睇！」翟耀輝：「同阿佘嘅神髓好吻合，好淋漓盡致咁表現晒出嚟。」至於以靚聲馳名的子誠亦獲力讚神助攻，阿姐：「兩個簡直係天衣無縫，子誠把聲我不嬲都鍾意，佢今次真係似林峯呀！」梁少霞則笑指子誠「真係有陰謀」：「就係想今晚贏囉。」

樊亦敏獲得11盞綠燈滿分成績。

文偉鴻大讚樊亦敏表現出色。

翟耀輝讚樊亦敏同阿佘嘅神髓好吻合。

阿姐大讚鄭子誠似足林峯。

梁少霞笑言子誠「有陰謀」想贏比賽。

此外，還有黃嘉樂夥拍好友許家傑聲演泰國BL神劇《只因我們天生一對》，家傑為了配合劇情更撐拐杖上陣。上兩個回合成績麻麻的嘉樂今回再度失準甩嘴，最終只獲4盞綠燈，並連環被批「冇戀愛感覺」、「唔夠投入」、「唔夠青春」。嘉樂眼濕濕激動承認自己「天分唔夠」兼「唔夠勤力」，曾與嘉樂合作《無考不成冤家》的阿姐，即安慰對方謂：「你今日有勇氣講出嚟已經係好大嘅進步，繼續加油！」