加入聲戰爭奪決賽最後一席 李佳芯神還原「小丸子」兩大角色獲激讚

Ali透露今次參賽原因是想提升演技。

《好聲好戲》第三輪出賽藝人有李佳芯（Ali）、袁文傑、陸浩明（6號）及黃俊豪，爭奪晉身決賽的最後一張入場券！此回合的主席評判有汪明荃（阿姐）、金牌監製梅小青及聲演《神探伽俐略》「湯川學」的資深配音員潘文柏，其他評判團成員有配音員凌晞、李致林、黃啟昌、李鎮然、龍天生及黃鳳英，打氣團藝人則有滕麗名及黃美棋。

第三輪參賽者為袁文傑（左上）、李佳芯（右上）、黃俊豪（左下）、陸浩明

主席評判汪明荃

金牌監製梅小青

資深配音員潘文柏都係主席評判，佢1987年藝訓班畢業，1993年轉戰配音界，曾經為《神探伽俐略》「湯川學」配音。

滕麗名（左）、黃美棋兼任打氣團藝人。

比賽正式開始前的「我配你估」熱身環節，Ali已先聲奪人！Ali挑戰高難度、一人分飾兩角聲演經典動畫《櫻桃小丸子》，由於她細緻地模仿了小丸子的獨特口音，獲潘文柏大讚：「還原度好高，原配配音員係有輕微口音。」但Ali配小丸子姐姐時卻被嫌老積，李鎮然：「小丸子配得好得意，但家姐把聲偏（年紀）大咗，好似變咗阿媽。」貴為視后的Ali，透露今次參賽原因是想提升演技：「想演技上可以再進步啲，睇番自己作品，發覺用聲方面做得唔夠好。」袁文傑則聲演《奸人堅》中的黃子華，更將對白背得滾瓜爛熟，想不到卻成了「致命傷」，凌晞：「背得好熟，讀得好快，但甩口就更加明顯。」

貴為視后嘅李佳芯希望喺演技同聲音演繹方面更上一層樓。

李佳芯獲讚還原小丸子獨特口音。

佢仲即時小丸子上身，勁可愛呀。

出名口才好的6號則挑戰《大帥哥》張衞健一輪嘴講對白場口，雖然他超流暢地讀出對白，但卻被指仔細度欠奉，阿姐：「把聲唔係好食個角色。」事後6號爆笑透露參賽目的：「我想做男一，係韓劇、日劇嘅男一……喺聲演方面。」90後代表、外號「爆肌猛男」的黃俊豪則聲演《誓不低頭》的胡楓法庭爆Seed戲，外表大大隻的他配音時雖然激動至撞咪，但仍被指聲線「乏力」。

陸浩明話想做男一…….喺聲演方面啫！

陸浩明晒口才挑戰一輪嘴對白，但佢就被指仔細度欠奉。

黃俊豪外表大大隻，但係配音時就唔多夠力。

黃俊豪配音時激動到撞到支咪。

首回合比賽，打頭陣上場的袁文傑聲演《新紮師兄》「杰佬」梁朝偉與張曼玉兩小無猜場口，並極力模仿偉仔當年帶點稚氣的聲線，最終雖獲得8盞綠燈佳績，但卻出現兩極評語，阿姐：「冇兩小無猜感覺。」梅小青：「一開始就甩嘴，我覺得麻麻地。」身為袁文傑螢幕情侶的滕麗名則力撐：「比之前好好多，做到朝偉嗰種『Pea』。」黃美棋：「有青澀嘅感覺，我覺得似！」

袁文傑聲演《新紮師兄》「杰佬」梁朝偉一角，得出嘅評價就好兩極。

袁文傑出盡力模仿朝偉當年嘅稚氣聲線。

梅小青同阿姐都覺得表現麻麻。

梅小青同阿姐都覺得表現麻麻。

滕麗名同埋黃美棋就全力撐。

滕麗名同埋黃美棋就全力撐。

主持們由頭吃到尾用「食」來完美結束《吃貨橫掃深圳》

一共六集旅遊飲食節目《中國建設銀行(亞洲)呈獻：吃貨橫掃深圳》，17日10 點半翡翠台播映最後一集。由陸浩明（6號）、彭慧中、林秀怡及梁凱晴擔任主持，北上深圳四出覓食，帶來滋味又好玩的攻略之餘，更到港人掃貨新熱點、倉庫式超市搜羅網上大熱產品，並為大家「開箱試伏」。

（左起）6號、梁凱晴、林秀怡、彭慧中

17晚播出的第六集，主持們由頭吃到尾用「食」來完美結束《吃貨橫掃深圳》，「抵食推介」的蒸汽石鍋魚套餐採用新鮮江團魚，配以簡單食材蒸煮6分鐘，並蓋上有「雲南十八怪」之稱的草帽當作鍋蓋，140度高溫逼出膠原蛋白極豐富的奶白魚湯，零舍鮮甜，而且啖啖嫩肉無細骨，吃得特別爽；之後繼續用濃厚魚湯作火鍋湯底打邊爐，年糕口感的豆腐拼盤、爽口彈牙的原隻鮮蝦蝦滑與魚湯成最佳拍檔，整個3至4人份量套餐只需380元人民幣（約411港元），此價錢在香港只能夠是人均價，性價比極高！

蒸汽石鍋魚3至4人份量套餐，只需380元人仔（約411港元）！

見到彭慧中（左）同林秀怡（右）個樣，就知有幾好味啦！

之後介紹的漫畫風日式居酒屋以mega size taco最馳名，如手掌般大的照燒鰻魚Taco由香脆紫菜包滿米飯，無論賣相抑或味道同樣攞滿分，每個只需39元人仔（約42港元）；還有多款人氣食品鵝肝肥牛Taco、海膽牛角包、北海道湯咖哩飯創新又足料，難怪每道菜都要「相機食先」！今集最「打卡able」重點推介，必定是位於深圳南山區的全新café，小園林種滿藍藍紫紫花卉，亦設有歐陸式噴水池、鋼琴等，幾乎每個角落都是打卡位，恍如置身法國南部的小莊園，浪漫氛圍吸引不少女生慕名而來朝聖；梁凱晴和林秀怡全程忘我影靚相，並集合三大必影打卡位給觀眾，想知道邊三大打卡位？就要留意17日晚節目。除了靚景好讓食客打卡之外，多款自家製蛋糕賣相與味道兼備，水準極高，彭慧中和連作為男士的6號也讚不絕口！

漫畫風日式居酒屋以mega size taco最馳名，全部大件夾抵食，正呀！

法國南部風情café係今集最「打卡able」重點推介。

梁凱晴同林秀怡瘋狂打卡，仲集合咗三大打卡靚位畀大家。

梁凱晴同林秀怡瘋狂打卡，仲集合咗三大打卡靚位畀大家。

梁凱晴同林秀怡瘋狂打卡，仲集合咗三大打卡靚位畀大家。

梁凱晴同林秀怡瘋狂打卡，仲集合咗三大打卡靚位畀大家。

自家製蛋糕水準極高，彭慧中（左）同6號（右）都大讚！

講到深圳夜繽紛，當然不得不提位於寶安區的鹽田社區夜市文化街，全長400米，為深圳最長的夜市；擺滿過百個攤檔，雲集中國不同省份的甜品、鹹食，四位主持為大家試食一元串「鉢鉢雞」、黑色臭豆腐、火焰花甲粉、荊州鍋盔、爆漿車輪餅、即燒生蠔等，隔住屏幕都流口水！6號分享其掃街標準，避開中伏機會，想知掃街標準和攻略如何？密切留意節目。

鹽田社區夜市文化街係深圳最長嘅夜市。

彭慧中（左）同林秀怡（右）試食一蚊串「鉢鉢雞」，齊齊高舉拇指讚好食！

梁凱晴同6號試食黑色臭豆腐，唔知同港式有咩分別呢？

6號分享夜市掃街攻略！

即燒生蠔大隻又juicy！

至於「吃貨試伏器」環節，由林秀怡和梁凱晴擔任最後一次的「試伏專員」，今次試食另一大型倉庫式超市食品，分別是價值89.9元人仔的安格斯牛肉芝士漢堡和價值159.9元人仔（約173港元）的急凍烤鴨，兩女食完大讚「CP值超高」、「呢個掂喎」、「值得一試」，想知道哪款食品獲力推，記得留意最後一集《吃貨橫掃深圳》！

今次試食急凍烤鴨同安格斯牛肉芝士漢堡，唔知有冇中伏呢？