買生果最怕被「搵笨」，一名元朗街坊於社交平台發文指，日前於區內一生果檔買了一個榴槤，豈料打開後發現果肉腐爛，她曾到生果檔要求更換卻被拒，對方稱特價生果一律不設退換，更指自己亦是受害者，該名街坊聞言甚為不滿。
樓主打開後發現榴槤果肉腐爛。FB圖片
該名街坊於facebook群組「食在元朗」訴說指，日前在元朗一街市內的生果檔購買了一個榴槤，當時榴槤外殼完整無缺，沒料回家打開後「入邊好似啲腐肉咁」， 完全無法進食兼有臭味。
樓主曾拿回榴槤到生果檔更換，卻遭對方拒絕。職員稱「佢都係受害者，返咗批貨」。樓主又指在爭論期間，兩名女職員態度非常惡劣，「驚死唔夠大聲一齊除低口罩，一左一右夾住我不停吠」，令她十分驚慌，「俾佢兩個兇多兩句，喺佢門口喊咗出嚟」，並慨嘆「買到爛嘢仲要俾人鬧，仲要受氣」。
樓主直言「入邊好似啲腐肉咁」兼有臭味。FB圖片
樓主不滿該生果檔明知榴槤有問題仍賣給顧客，並指曾目睹有公公婆婆不知榴槤已壞掉，「見平就買」，因而擔心「佢哋唔想嘥嘢都會食咗佢，會食壞人」，狠批該生果檔「真係無良奸商！」、「街坊街里都呃！」。她又指，已報警以及報食環署處理，呼籲一眾街坊「唔好再幫襯呢間黑店」。
樓主拿回榴槤到生果檔更換，卻遭對方拒絕。FB圖片
帖文引起熱論，有網民批評該生果檔不誠實，「明知批貨有問題 唔係應該搵供應商退貨？仲放出嚟俾人買？」、「根本成批貨有問題都賣得俾人，當人水魚」、「依啲檔要去舉報佢先得，陣間啲老人家有事就慘了」；有不少街坊指該生果檔早有「前科」，「幾年前買過一袋波子青提，底下個啲全部爛晒，從此唔再幫襯佢」、「呢檔幫過一次，感覺超衰無下次」、「呢間衰到爆，買10蚊嘢明明畀20蚊，佢唔找錢，仲大大聲話嗰張係10蚊」。
資料來源：食在元朗
樓主打開後發現榴槤果肉腐爛。設計圖片/FB圖片
大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。
（FB圖片）
大埔林村河出現「神秘圓圈群」
有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。
（FB圖片）
網民笑言：外星人來襲
帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。
（FB圖片）
街坊拆解真相：非洲鯽築巢
有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。
非洲鯽魚又稱福壽魚，非香港本地物種
根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。
(FB專頁「WWF Hong Kong」圖片）
被評為全球100種最具破壞性的「外星魚」之一
在其他地區，人們已經發現福壽魚是導致當地原生魚類數量減少的主要原因之一，進一步減少了棲息地的生物多樣性。它被評為全球100種最具破壞性的「外星魚」之一。因此，世界自然基金會早在《海鮮選擇指引》中將鯽魚列為紅色警告的「避免食用」類別。
帖文來源：Facebook群組「大埔 TAI PO」、Facebook專頁「WWF Hong Kong」
