*

霸戲哥之日常#413| 畏高

霸戲哥認為人類最難克服嘅恐懼,應該係畏高。呢種與生俱來嘅本能反應,令人意識到高處墮下嘅危險,唔夠膽喺高空做出高難度動作。

要摵甩呢種本能反應,自然要接受高強度同密集式嘅特訓,譬如,的你上IFC天台獨處。

最近有齣幾另類嘅戲上映叫《命懸2000呎》,主要場景只有一個,就係離地2000呎嘅電視塔。故事非常簡單,女主角Becky親眼睇住老公攀石跌死,成年都活喺陰影,好姊妹Hunter決定邀請佢挑戰攀爬電視塔,實行行邊度跌底邊度爬起身。睇戲唔好駁戲,兩個爬到塔頂時出現意外是常識吧,成齣戲就係睇佢兩個半天吊,鏡頭pan番落地下都腳仔軟。

唔知不停睇呢套戲,又可唔可以克復到畏高呢?

霸戲哥

** 博客文章文責自負,不代表本公司立場 **