*

霸戲哥之日常#423| 明日收成

鍾意港產片嘅香港人,都應該睇過古天樂套《明日戰記》,至少一次。套戲暫時累積票房6200萬,過埋呢個weekend,有望趕過6240萬票房嘅《梅艷芳》,距離史上華語票房冧把溫、6682萬嘅《寒戰II》越嚟越近。

不過眼前嘅票房成績對於古生來講,其實都好似要,事關拍攝成本咁高,回唔回到本都成問題。但套戲贏返嚟嘅口碑係無價,後續嘅收益,無論係拍續集又好,賣figure又好,都肯定和味。

結果不出霸戲哥所料,《明日戰記》將會開拍前傳,仲要係全動畫電影,而重中之重,當然係香港人班低製作。

古生最厲害嘅地方,唔單止係識得包裝,同埋擁有超強嘅洞察力,而係有為下一代着想。佢呢個30年嘅科幻大計並唔係一味靠吹,而係實實在在咁一步一步實踐。

古生已經為香港電影嘅未來打好晒根基,所以我哋香港人都要爭氣。

霸戲哥

** 博客文章文責自負,不代表本公司立場 **