居民誤將松鼠當老鼠太平邨管理處發通告：美麗誤會

社會事

居民誤將松鼠當老鼠太平邨管理處發通告：美麗誤會

2022年09月25日 16:27 最後更新：16:40

本港鼠患問題嚴重，一直困擾香港不少屋邨，日前上水太平邨有街坊表示見到有「不常見品種」的老鼠於邨內出沒，而且輕易能爬到單位附近的樹上，管理處通知消息後作調查，竟發現所謂的「鼠蹤」是松鼠所引起的「美麗誤會」，呼籲住戶能包容及尊重自然生態。有街坊指邨內既有老鼠亦有松鼠，但笑言「邊個唔識分老鼠同松鼠」，但亦有人讚揚管理處的做法得宜，不會「一味殺動物」。

有網民於fb「真‧上水粉嶺人大聯盟」群組發文，指太平邨管理處於上周四（22日）發出一張通告，主題為「松鼠當作老鼠的美麗誤會事宜」。通告內容提到早前接獲住戶通知，指有「不常見品種」的老鼠於邨內徘徊及跳躍，其跳躍能力卓越，能輕易攀爬到單位附近的樹上。管理處其後作出深入調查，相信「鼠蹤」實為松鼠所引起的美麗誤會。

通告內及詳細講述松鼠的外貌及特徵，「松鼠雖與出沒於溝渠、夜行的老鼠同屬齧齒目，體型近似，但松鼠屬松鼠科，並非老鼠，對人畜亦無害，特徵是長著毛鬙鬙的長尾巴」。管理處呼籲住戶能多加包容及尊重自然生態，不餵飼不騷擾動物生長，又著住戶如有查詢可聯絡管理處。

貼文引來網民熱烈討論，指邨內既有老鼠亦有松鼠，但笑言「邊個唔識分老鼠同松鼠」，「有松鼠出沒，同有老鼠出沒，無衝突架喎」、「其實太平邨係松鼠同老鼠都有，不過啲老鼠大隻過松鼠勁多」、「成日見到松鼠，佢哋不知幾可愛」、「環境好先會出現松鼠」、「成日都見到松鼠，唔好搞佢哋」、「一個地方乾淨空氣流通清幽先會有松鼠仔出現㗎」。

另外亦有網民讚揚管理處的做法得宜，「呢啲管理處就抵讚，唔會一味殺動物。寫通告嘅仲應該係動物學家」、「做管理處要教埋生物科真係唔易做」、「寫得幾好」、「呢個管理處有啲料，識得拋『齧齒目』嚟教育」、「睇完覺得好好笑」。

往下看更多文章

港女會計師「連續工作68小時」過勞暈倒更思覺失調親弟勸考生：不要入行！

2024年04月20日 12:30 最後更新：14:06

港男揭其任職會計師的姐姐，因連續工作68小時，過勞暈倒入院，更疑對方患上思覺失調而做出瘋狂行為。

女會計師連續工作68小時，過勞暈倒送院

該港男於連登討論區以「家姐做會計做到入醫院」為題發文，表示其任職會計師的姐姐因長時間工作，導致嚴重睡眠不足，而過勞暈倒入院「連續工作68小時，一星期夾埋只瞓8個鐘，執定啲衫去公司住三個星期，最後暈咗入左醫院⋯ 喺醫院醒返第一樣嘢係繼續做嘢」。

弟弟爆料姐姐瘋狂行徑

樓主又懷疑姐姐因工作關係，而患上思覺失調，指對方精神失常，經常做出種種瘋狂行為：

「有次佢食飯發現自己食咗七分鐘，佢唔開心到爆喊，因為平時食三至四分鐘就食完，佢覺得浪費咗三分鐘，之後佢就好討厭食嘢而家勁瘦」

「佢而家為左慳時間一日淨係食一餐，其他都係咁食啲有營養嘅嘢，例如豆漿當一餐」

「有次佢腸胃炎，佢直接搬張枱同電腦，去廁所一邊屙屎一邊做嘢」

弟弟警世：唔好做會計

樓主透露姐姐並非在知名的四大會計師事務所（BIG 4）工作，而是在其他公司擔任會計師，但工資並不算高。姐姐入行後期望能夠在幾年後輕鬆一點，但卻因工作量過大，最終令身心健康造成嚴重影響。他又對勸告應屆考生不要入行「奉勸各位DSE生，唔好做會計！」

網民勸：辭工休息吓，再轉行

帖文引熱議，不少網民建議樓主勸姐姐辭職「如果喺真事⋯我覺得叫你家姐辭工休息吓，再轉行」、「我都係咁話，辭職，命仔緊要」、「見過唔少真係死讀書既人﹐比人恰到上心口都只係硬食﹐不過樓主個案太極瑞﹐正常去到呢刻一定辭職」、「佢呢個情況真係要辭職抖下，抖一排再重新出發」、「健康自己manage啦，要訓就要訓，要食就要食，捱壞左冇人可憐」。