Skip to Content Facebook Feature Image

自備杯買飲品遭店員白眼 梁彥宗:喺香港講環保好似做錯事

社會事

自備杯買飲品遭店員白眼 梁彥宗:喺香港講環保好似做錯事
社會事

社會事

自備杯買飲品遭店員白眼 梁彥宗:喺香港講環保好似做錯事

2022年09月26日 14:50 最後更新:15:49

旅遊主持梁彥宗在其社交網站帖出千字文訴說自己兩周前在茶飲店的經歷。他指當天帶環保杯到店,當時無人排隊,落單時攞隻杯畀店員時,店員先以佢隻杯唔夠大為由,再以因疫情關係為由唔接受自備杯,卻被梁彥宗眼利發現收銀機旁邊貼住「撐自備杯!」、「絕膠」字樣,為免自打嘴巴,店員再唔好意思推卻,勉強將梁的杯遞給負責整飲品的店員。

梁彥宗在社交網頁講述責茶飲的谷氣經歷。

梁彥宗在社交網頁講述責茶飲的谷氣經歷。

惟有關店員一直用晦氣嘅語氣同收銀嘅同事講「自備杯有幾麻煩」,「嘩呢啲杯牙(呀)」,「嘩杯嘢仲有蘆薈添,點擺得落呀?」梁沒好氣等杯嘢飲出嚟,因閂蓋時有小小奶蓋漏出,他用一句話原本諗住打圓場「嘩果然係好足料呀下」結果店員即刻入位,「所以咪叫你唔好用呢啲杯囉,又唔夠大,xxxxxxx......」持續晦氣。梁就覺得好受氣。

資料圖片

資料圖片

除了茶飲店,他說有時拿食物盒去買外賣,收銀員會同佢講「師父(傅)唔肯裝」。事件只是冰山一角,令他聯想起全港唯一飲品紙盒回收廠冇得續約一事。他直言「唔係淨係management(管理)問題,從來喺呢個城市講環保,無論係宏觀定微觀層面,障礙都係多過Spartan Race(深受歡迎的體能競賽),莫講話做回收生意,或者弱弱地呼籲人諗下減廢,淨係日常生活想自己環保啲,都困難重重,仲要經常冒住俾人冷嘲熱諷嘅風險,喺香港講環保,好似做錯事咁。」

資料圖片

資料圖片

但他強調會在其可行的範圍下繼續做認為對的事,因為真是不是做錯事,「我知道好難全部人都好環保,我只係希望個社會唔好將啲想自己環保少少嘅人當走犯咁敵視,你可以話一個人用少個盒差幾遠,但係唔好否定一個人想用少啲啲資源嘅意識。」他最後語重深長表示「希望紙盒回收廠可以搵到適合嘅地繼續經營啦」,環保不是錯事,大家又會唔會出一分力做好自己本份呢?

有網友就分享自己去連鎖快餐店買咖啡的經歷。「我好耐之前去M記買咖啡,就係咁,佢用隻膠杯冲完再倒落我隻咖啡杯到,我睇到凸曬眼。」

講起環保,網友都呻「係辛苦呀,成日要主動乞求走袋走飲管,仲慘過要店員做啲乜咁,根本成個社會就缺少減廢減排意識!」、「正如屋苑有分類回收筒,但到最後清潔工都係將佢哋撈埋普通垃圾一齊處理。喺香港要講環保,路還很長...... 但唔好放棄,係啱嘅事就要堅持。」

有網友亦堅持冇做錯,「環保從來不是標奇立異,應是每個人的責任,大自然提供資源俾人類去生存,自然就要保護番個環境, 香港缺乏環保教育,反對環保嘅人又毫無國際視野,所以就標籤咗"環保"係麻煩同只係有班人得閒無野(嘢)做咁。」

旅遊主持梁彥宗在其社交網站帖出千字文訴說自己兩周前在茶飲店的經歷。

旅遊主持梁彥宗在其社交網站帖出千字文訴說自己兩周前在茶飲店的經歷。

往下看更多文章

婚後供養同住奶奶大伯卻遭針鋒相對 港媽更因丈夫1反應感無助

2024年03月28日 12:35 最後更新:14:54

港媽婚後要與奶奶及大伯同住,剛要負擔家中大部分開支,但兩人不但不體諒更處處挑剔,令她心情抑鬱。

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

該港媽於「親子王國」討論區以「結咗婚,就要養埋99同大伯?」為題發文大呻,表示婚後夫妻二人與奶奶及大伯同住,原本以為這樣的生活會和諧平穩「其實2公婆,大家做咩職業,搵幾多,冇計,只要大家互相支持,開心平淡生活就ok。一直抱住咁心態,所以結婚就同99,大伯住」。

不過相見好同住難,日子耐了,樓主開始發現奶奶及大伯的言行和性格令她感到極度困擾「住落佢地自己咩都係岩,人地永遠都為錯」。她指兩老經常以燒味或燒烤醃製的食物當晚餐,但當她購買外賣時,卻被批評不健康「我跨區返工,返工連車程都成12個半鐘,真係冇時間煮飯買餸」。樓主又憶述,新年時,娘家的親人到訪拜年,奶奶及大伯竟當面嫌棄親人準備的禮盒「喺我面前話唔鍾意,一d都唔理人感受」。

(Getty圖片)

(Getty圖片)

此外,樓主夫妻除了支付家庭的租金、水費、電費和上網費等基本開支外,還需要支付給奶奶湊孫的費用。相比之下,大伯只支付不到家庭開支的五分之一,這讓港媽感到相當不滿和委屈「我咁辛苦返工,要養一d唔適體諒,永遠都話你點點唔好既人,值得咩?」

雖然樓主與老公有能力搬出去住,但老公擔心兩老無法自理而拒絕搬離「我地2公婆絕對有能力自己搬出去住,只係剩返99同大伯,老公擔心佢地攪唔掂自己,所以暫時唔想搬開」,為此她感到非常抑鬱「真係好辛苦,努力辛苦返工,就係為佢地付出,值得咩?我又唔想決絕到自己帶亞b走。可以點做?」

Getty圖片

Getty圖片

帖文曝光後,不少網民認為如果有能力,就不應該繼續同住。奶奶及大伯都是成年人,應該能夠自理,而且可以考慮搬到附近,方便照應。有人認為只要每月給予固定的家用,就不算不孝。有人則建議她應該堅持自己的決定,不要忍受不公平的對待,並且應該與老公好好溝通,找到解決問題的方法。

帖文來源:「親子王國」討論區

你 或 有 興 趣 的 文 章