Skip to Content Facebook Feature Image

餐廳告示「犬隻不可進入」 貓主用餐途中突遭趕走呻:寫住狗啵

社會事

餐廳告示「犬隻不可進入」  貓主用餐途中突遭趕走呻:寫住狗啵
社會事

社會事

餐廳告示「犬隻不可進入」 貓主用餐途中突遭趕走呻:寫住狗啵

2022年09月26日 18:20 最後更新:18:22

許多餐廳為維護用餐環境,都會禁止客人攜帶寵物進入。一名貓主於社交平台訴說,指日前到一間café用膳,該店門口告示牌僅列明「犬隻不可進入食肆範圍」,豈料當該貓主於店內用膳期間,一名職員突然向她稱該店嚴禁帶寵物進內,令貓主甚感不滿,「告示牌上,我誤解?」。

該名貓主於facebook群組發文指,日前到荃灣南豐紗廠附近一間café用膳,由於她當時「孭住貓袋」,看到餐廳門口的告示牌僅列明「犬隻不可進入食肆範圍」,隨即進內排隊兼落單,並形容整個過程非常順利,「隻貓一直喺貓袋,冇叫到,又冇出過袋」。

設計圖片

設計圖片

豈料,在用膳途中,一名女職員竟向樓主表示,「本餐廳嚴禁帶寵物入去」,她聞言亦立即收拾東西後離開,「喺未飲曬杯咖啡嘅情況下離開餐廳,當刻,好多人望住」。

臨離開之際,樓主再次看門外的告示牌,再三確認告示牌只寫「犬隻不可進入食肆範圍」,故向職員解釋,「係咪有誤解,因我哋袋入邊係貓」。對方則以不屑語氣稱,「唔好意思,我哋已經寫到好清楚,嚴禁所有寵物!」,樓主遂反問,「呢張?寫住狗啵?」,該名職員堅持指,「我哋係嚴禁所有寵物,已經寫得好清楚」!

設計圖片

設計圖片

由於餐廳告示只列明「禁止犬隻」,而且樓主進入該餐廳時,已有職員看到其袋中有一隻貓,當時亦未加阻止,令她懷疑自己是否對於該店的規則有誤解,「我再一次致電時,職員都係話,寫得好清楚,唔夠清楚嘅話,之後會補多句」。

她又指,南豐紗廠作為寵物商場,附近的café亦應清楚列明「任何寵物都不得內進」,而非食到一半才將客人趕走,形容該次用餐經歷非常不愉快,並藉此公開事件,「簡直不吐不快」!

餐廳告示牌列「犬隻不可進入食肆範圍」。FB圖片

餐廳告示牌列「犬隻不可進入食肆範圍」。FB圖片

帖文引起網民熱論,有網民認為該餐廳職員態度欠佳,「如果職員咁串,捉埋佢一齊去塊牌面前,問佢邊到寫得好清楚」、「指住個牌問佢點樣清楚,中英文都寫住係狗」;有網民則分享類似經驗,「我都試過,明明問咗畀唔畀入,入到去坐底叫埋(食物),個所謂高級啲嘅經理走埋嚟話唔得,我隻貓又無嘈又係籠,明明佢自己員工無話唔畀」。

資料來源:天下貓貓領養及義工討論區

餐廳告示牌列「犬隻不可進入食肆範圍」。設計圖片/FB圖片

餐廳告示牌列「犬隻不可進入食肆範圍」。設計圖片/FB圖片

往下看更多文章

婚後供養同住奶奶大伯卻遭針鋒相對 港媽更因丈夫1反應感無助

2024年03月28日 12:35 最後更新:14:54

港媽婚後要與奶奶及大伯同住,剛要負擔家中大部分開支,但兩人不但不體諒更處處挑剔,令她心情抑鬱。

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

該港媽於「親子王國」討論區以「結咗婚,就要養埋99同大伯?」為題發文大呻,表示婚後夫妻二人與奶奶及大伯同住,原本以為這樣的生活會和諧平穩「其實2公婆,大家做咩職業,搵幾多,冇計,只要大家互相支持,開心平淡生活就ok。一直抱住咁心態,所以結婚就同99,大伯住」。

不過相見好同住難,日子耐了,樓主開始發現奶奶及大伯的言行和性格令她感到極度困擾「住落佢地自己咩都係岩,人地永遠都為錯」。她指兩老經常以燒味或燒烤醃製的食物當晚餐,但當她購買外賣時,卻被批評不健康「我跨區返工,返工連車程都成12個半鐘,真係冇時間煮飯買餸」。樓主又憶述,新年時,娘家的親人到訪拜年,奶奶及大伯竟當面嫌棄親人準備的禮盒「喺我面前話唔鍾意,一d都唔理人感受」。

(Getty圖片)

(Getty圖片)

此外,樓主夫妻除了支付家庭的租金、水費、電費和上網費等基本開支外,還需要支付給奶奶湊孫的費用。相比之下,大伯只支付不到家庭開支的五分之一,這讓港媽感到相當不滿和委屈「我咁辛苦返工,要養一d唔適體諒,永遠都話你點點唔好既人,值得咩?」

雖然樓主與老公有能力搬出去住,但老公擔心兩老無法自理而拒絕搬離「我地2公婆絕對有能力自己搬出去住,只係剩返99同大伯,老公擔心佢地攪唔掂自己,所以暫時唔想搬開」,為此她感到非常抑鬱「真係好辛苦,努力辛苦返工,就係為佢地付出,值得咩?我又唔想決絕到自己帶亞b走。可以點做?」

Getty圖片

Getty圖片

帖文曝光後,不少網民認為如果有能力,就不應該繼續同住。奶奶及大伯都是成年人,應該能夠自理,而且可以考慮搬到附近,方便照應。有人認為只要每月給予固定的家用,就不算不孝。有人則建議她應該堅持自己的決定,不要忍受不公平的對待,並且應該與老公好好溝通,找到解決問題的方法。

帖文來源:「親子王國」討論區

你 或 有 興 趣 的 文 章