【TVB台慶亮燈】感觸《超能使者》終播出眼泛淚光 唐詩詠將與TVB以不同模式合作

詩詠透露之後會繼續完成兩年前開始創作的動畫。

今年是無綫電視踏入55周年的大日子，TVB將全台總動員，並邀請無數久違的藝人、名人、好友，傾盡全力，炮製一連串台慶節目，與全港觀眾分享快樂。為隆重其事，TVB於9月26日特別舉行「55周年台慶亮燈儀式暨記者會」，之前盛傳將離巢唐詩詠終於放完假並出席記者會。

本網記者攝

本網記者攝

詩詠參與兩部台慶台《美麗戰場》及《超能使者》，在《美麗戰場》中屬客串演出，而講到拍攝《超能使者》的過程，詩詠就忍不住眼泛淚光，因為終於等到《超能使者》播出，「係我人生最辛苦，因為我地係最熱嘅時候拍、我地每一日都係24個鐘咁上下，然後我地個劇每一日個情緒高低係由0去到100，所以無論係體力、心力、腦力，所有都係用盡，然後第二日你又要搵番返嚟，咁所以真係好辛苦。」問到會否因為這是在TVB的最後一部劇所以特別感觸？詩詠表示除了《超能使者》，她還有另一部劇《隱形戰隊》仍未播出。

本網記者攝

問到未來的動向，詩詠透露會繼續完成兩年前開始創作的動畫，原本是屬於她個人的表演，但因為疫情，所以改為製作動畫片段，「我自己無諗過做演員除咗你地可以睇我啲劇之外，我收到好多人同講話『我睇咗你條片，你令到我人生中有咩低潮，我終於諗通咗、幫咗佢』，所以一路以嚟我都收到好多呢啲人話畀我聽，咁我就覺得，我除咗可以娛樂你地之外，我仲可以幫到好多人，好似搵到另一個方向畀我。咁而第一次做幕後，亦都係第一次係嗰件上我得到一個好大嘅滿足感，即係所有嘢都係我去諗，而大家亦都覺得好睇，我好希望今年，終於拍完我手頭上嘅所有劇，我真係想全心全意去寫呢個故仔。」

本網記者攝

問到是否如外界所說將會離巢？詩詠表示會繼續工作，只是合作模式會有不同，很感謝公司對她的支持。至於是否會簽邵氐，詩詠指剛從日本旅行回港，所以仍未與樂小姐討論。

本網記者攝

唐詩詠離巢後發展都唔錯！

兩年前離巢TVB的唐詩詠日前接受雷霆881商業一台《星光背後》專訪，於節目中親解離巢原因，更認無悔離巢，之後更罕談感情事，坦言自己不善溝通。

《當四葉草碰上劍尖時》是唐詩詠首部擔任女主角的劇集

入行20年的唐詩詠2017年憑《不懂撒嬌的女人》首奪視后，之後詩詠就瘋狂拍劇直至合約到期，她指2015年已欲外闖，「15年那時還會恐懼，確實係2017年拎完獎之後，我內心有諗法，我同自己講40歲後我要諗清楚想做啲咩，係我為自己設嘅deadline，感覺到自己要時間休息。」又透露「我係好鍾意演戲，但再咁拍落去，覺得自己無突破，演嘅角色都差唔多。而生活上，已經拍到好攰。如果我想有得揀，我必須要有足夠積蓄，所以離開之前狂拍劇，計過自己半年沒工作都可以養家，金牛座需要有好好準備先去做決定。」幸運的是，離巢後即接到廣告和電影，唐詩詠說：「我發覺恐懼源於習慣，離開後我即時接了一個廣告，也拍了兩齣電影，有可觀的收入，亦有不同的嘗試。」

2017年憑《不懂撒嬌的女人》首奪視后

唐詩詠離巢後更有機會到孟加拉探訪受童婚影響的女孩家庭，旅程令她人生一百八十度轉變，她說﹕「孟加拉嗰啲女仔好偉大好想讀書為其他人，我反觀自己當年有書都唔讀，只係為咗掙更多錢，好多野都係為咗自己。當年金融風暴，經歷父母離異，遇過好多人上門拍門追債，果時我認為無錢就會有好多問題出現，父母亦唔會分開。」

孟加拉旅程令她人生一百八十度轉變

提到80歲父親，唐詩詠更感觸哽咽，「第一次同爸爸、哥哥去日本旅行，有一晚得返我同爸爸兩個人食飯，雖然大家無講咩特別話題，但嗰次先至好似同爸爸真正相處。」

詩詠離巢後把握時間旅行

至於感情路崎嶇的唐詩詠情多個對象都未能開花結果，她分析因由說：「當然有好多原因，對方的原因我唔會講，我自己過去都是因為太注重工作，乜都工作行先，當然都會照顧另一半，但其實我一直唔識溝通，除左最長果段感情，對方一觸碰我的底線，我就會走！過去拍拖，我最弱就係溝通，我唔識將自己唔開心同另一半分享，我以為唔講出嚟就無野，最後對方會覺得『點解你唔開心唔同我講？』」當年唐詩詠與洪永城因劇集《載得有情人》而交往，唐詩詠透露分手原因是男方承受著壓力，而她當時不懂保護對方，導致兩人分手。

於節目中大談感情經歷