自認精神分裂容易跳掣 泳兒獲張敬軒主動教導點做星

泳兒笑言同軒仔直播似打了去輔導熱線。

泳兒最近推出新歌《18部半》外，還將於10月2日舉行《Breaking Live 2022》演唱會，為這幾年暗黑曲風作總結。今次演唱會似電影一樣以故事形式呈現，泳兒希望畀到大家耳目一新感覺。提到早前做直播被封為「樂壇社工」的張敬軒搞喊，泳兒笑言有被輔導感覺，更感激師兄不時主動提點教她點樣做星。

泳兒現在最擔心疫情影響演唱會進行，所以練歌都會照戴口罩。

泳兒

泳兒

新歌叫《18部半》，因泳兒已推出過18張唱片，而內容就講她近年性格變化，「我性格上有啲走向精神分裂，我一向畀人感覺好靜，但我唔係咁鍾意靜，可能有啲人覺得我多愁善感，但係我會對好多簡單嘅嘢好雀躍，我好似跳跳哋掣咁，可能每個人都係有呢種分裂喺裏面未爆發出嚟，首歌就係寫呢樣嘢。」

新歌《18部半》，泳兒都有新嘗試就係跳舞。

《18部半》MV中，泳兒有很多不同造型。

泳兒

泳兒

創作新歌泳兒投入度好高，今次製作演唱會更加全情投入，她強調今次演唱會是觀眾以往未必見過的類型，「以往可能會唱一啲好想泳兒唱嘅代表作，但基於我呢幾年有好多唔同經歷寫咗喺呢啲歌裏面，佢哋全部都可以構成一個故事，喺呢個演唱會裏面演繹出嚟，所以呢個演唱會入場就好似睇一部電影咁，唔會係一般大家入場睇演唱會嘅氣氛或者流程，希望同觀眾可以好同步，同呼同吸咁帶住大家個情緒去走，好似一個旅程。」

泳兒今次《Breaking Live 2022》演唱會，將由暗黑系列唱片班底製作。

海報睇落有型，原來拍攝時泳兒都要幾辛苦。

泳兒再為《聲夢傳奇2》任導師，可惜決賽跟演唱會撞期未能出席。

泳兒

為了宣傳演唱會，泳兒早前開直播跟粉絲分享，張敬軒突然現身，送上鼓勵說話時更搞到她爆喊，令軒公被網民封為「樂壇社工」，她不但認同仲笑言覺得當日似打了去輔導熱線，「嗰晚都有呢個感覺呀！哈哈！我好眼淺，佢又提返起我呢幾年經歷咗啲乜，我嗰刻又諗起咁辛苦行到呢步，開到個夢寐以求嘅演唱會，佢又一輪嘴咁講，都有被輔導嘅感覺。」泳兒又讚軒公好細心，私底下都有不時提點她，「佢講過自己要最着緊自己嘅嘢，唔可以太過依賴其他人，呢樣嘢都令到我有反省，尤其啱啱出道時真係好依賴，佢教我要主動啲，唔好咁被動，唔係要質疑人哋，而係點樣去表達自己嘅想法。」

泳兒開直播時，軒公突然現身鼓勵，令她爆喊。

張敬軒剛舉行的演唱會，都有邀請泳兒出任嘉賓。

泳兒為演唱會有好狀態，會努力調節好作息時間，因之前太夜瞓。

泳兒

洪嘉豪演唱會來到尾場，張敬軒現身做嘉賓

洪嘉豪《保誠保險呈獻 洪嘉豪 Kaho Live 2024》演唱會來到尾場，張敬軒現身做嘉賓，並且送上大禮，為他報讀了美國知名音樂學院 Berklee College of Music 一年的音樂線上課程，令嘉豪(Kaho) 又驚又喜，坦言會努力去修讀，不令軒公失望。

洪嘉豪《保誠保險呈獻 洪嘉豪 Kaho Live 2024》演唱會來到尾場

14日晚演唱會來到尾場， Kaho 經過第一場的經驗，第二場狀態大勇，全晚表現非常精彩，又跳又唱又跟歌迷互動，氣氛是由一開場已經hit爆，當軒公升台出現時，更把全場氣氛推上最高潮，叫喊聲核爆紅館，兩人合唱了《青春告別式》 +《 逆時車站》之後互相擁抱， Kaho 向軒公表示，「軒哥，我真係好多謝你，做人嘅嘢，講得出做得到，上次我話我上到紅館我會請返你，我做到啦！」軒公 :「  我從來冇質疑過！」全場即報以熱烈歡呼及掌聲。

Kaho 經過第一場的經驗，第二場狀態大勇，全晚表現非常精彩，又跳又唱又跟歌迷互動

與fans互動！

氣氛是由一開場已經hit爆

張敬軒現身做嘉賓

上次我話我上到紅館我會請返你，我做到啦！」軒公 :「 我從來冇質疑過！」

軒公向大家表示，由細睇到 Kaho大，剛係台下看著他演出，人生第一次感覺由細見到大的小孩子，真的長大了，「嗰個放左學嘅波牛，來搵佢媽咪(軒公前經理人)收工，同我一齊食飯嘅佢，今晚已經係男神一樣。今日重同我講話自己好驚好震，但一升台佢就已經Prince Charming 咁啦，係咪？」全場報以熱烈歡呼認同聲音。

軒公向大家表示，由細睇到 Kaho大，剛係台下看著他演出，人生第一次感覺由細見到大的小孩子，真的長大了

軒公又話，「唔知幾時開始，去紅館做嘉賓，呢幾年興送禮，今日我都帶咗份禮物嚟，既然你成日話我似你哥哥，做哥哥就梗係要供書教學，所以我幫你安排咗個學位！」此語一出，不單 Kaho嘩然，全場亦跟著嘩嘩聲。軒公繼續道，「喺我人生之中，我覺得最大最大遺憾係我冇好好讀書，讀唔到大學或者一啲我鐘意嘅藝術課程、平面設計呀咁，所以我幫你報讀咗... 呢間學院嘅online課程！全場即報以大笑及掌聲歡呼， 軒公: 「我從來冇諗過呢個係笑位....哈哈，呢件係真事嚟㗎！」你哋唔好笑，我好認真㗎，呢個課程係有証書㗎！上堂時間係2024年秋天！亦都唔會擔誤到你幕前工作，因為上堂時間係美國時間，香港凌晨！」然後把報讀課程的報名認證文件給Kaho看，又說，「你睇下個銀碼，係咪似八位數字....」Kaho及全場都即時嘩嘩聲，軒公就笑道，「唔係 ，我blur 左個報讀價錢啦，我一共同你報左五個課程，全個證書上堂上到 2025年冬天。你望下我用咗個咩名幫你註冊埋學校個網站？」Kaho望著讀出來 :「  kaho study great great great …」，軒公即時笑道，「你做咩讀晒出嚟，一陣比佢地炸爆你個email 啦！佢真係好天真架！」繼而全場大笑，他再叫 kaho，「你睇下我幫你set 左個咩 password先.... 都係有意嘅....你讀出嚟....」kaho今次學乖了笑道，「我唔讀出嚟啦！password喎.....」軒公「怕咩，password你可以自己再改嘛。」kaho對著軒公笑道: 「我依家一講完，就即刻俾人改左啦，你真係天真呀你！軒哥！」引爆全場笑蛋。

為他報讀了美國知名音樂學院 Berklee College of Music 一年的音樂線上課程

然後把報讀課程的報名認證文件給Kaho看

Kaho 及後認真向軒公感謝及承諾，「我會好好讀書，祝我學業進步！」又反問軒公，讀完有冇畢業帽？軒公就話，「呢個課程同真係去大學返學係一樣，甚至讀嘅嘢比去波士頓讀更多，你讀哂嘅頂畢業帽，我送俾你！」全場又即報以熱烈歡呼聲。之後，軒公獨唱了「 隱形遊樂場」才返回觀眾席繼續欣賞kaho的演出。

Kaho 及後認真向軒公感謝及承諾，「我會好好讀書，祝我學業進步！」

此外當晚Kaho與戰車一同升台唱《黑玻璃》，唱到大半，突然情緒失守大哭，而且一直喊足三首歌才識停，歌迷更是貼心，見他喊到唱不到，馬上全場助他大合唱，場面感人。事後他於台上向觀眾解釋，「頭先個哭泣，你哋唔明，我要講下， 其實噚晚第一場，大家睇片可能覺得冇乜嘢，但係我覺得自己做得好差好差， 去到《黑玻璃》之後，我簡直係唔想再唱，唔想再上台， 但係今日我覺得自己唱得好好，點解尋日我會咁，好激氣。 

Kaho與戰車一同升台唱《黑玻璃》

情緒失守大哭，而且一直喊足三首歌才識停，歌迷更是貼心，見他喊到唱不到，馬上全場助他大合唱，場面感人。

第二，點解我寫咁多歌，《黑玻璃》會咁紅？我唔知咩運氣，令我出到呢首歌又再接紅館演唱會、我想要架車上台，又俾我做到.....我想講今晚《黑玻璃》我想好好哋唱，但係我真係忍唔住....尋晚我返到屋企，我同阿媽講，個個都叫我 enjoy，但係我冇一刻enjoy到！我好失望，成個騷唔知自己做緊乜嘢，我媽同我講，「Enjoy？你返緊工呀！」所以我真係要好多謝我屋企人，我父母，我細佬。」因為觀眾熱情 Kaho一共encore兩次，為滿足歌迷訴求，他終於唱了《自問自答》和自己改詞惡搞的《 黑司機》，令歌迷興奮萬分最後欲罷不能，又再一次出來跟歌迷一齊大合唱《主角光環》演唱會才結束。

又再一次出來跟歌迷一齊大合唱《主角光環》演唱會才結束。

不少圈中好友也有前來捧 Kaho場，繼有 : MC 張天賦、周柏豪、Dear Jane 、Gareth.T、Kiri T 、Nancy Kwai、張蔓姿、Zpecial、moon tang、Byejack、 陳健安、Serrini 、Fatboy、Marf、Ka Ying、細貓、Gordon Flanders、姚卓菲Chantel、Beanies 、阿Gi 樊沛珈、米媽及Mic 周卓盈等等。

姚焯菲Chantel

Marf

Dear Jane

大合照！