首拍MV親密戲勁緊張又尷尬 黃明德播歌搞喊女主角

今次係Dark首一次親身上陣拍MV。

創作新人黃明德（Dark）早前推出第三首個人作品《只想和你吃漢堡》，MV於9月26日正式上架。繼《留班同學》、《沒有穿校服的日子》後，以自身「中學生」身份借「漢堡」唱出年輕人的愛情。

黃明德早前推出第三首個人作品《只想和你吃漢堡》。

新歌找來Cousin Fung作曲、編曲，填詞則繼續由林若寧操刀，當中一句歌詞令Dark非常有感，「年輕太好就憑著愛勇敢挑戰父母只要和你要好」Dark憶述錄音時的情景，「第一、二次錄音係笑住咁唱，一邊唱一邊起雞皮。去到第三次錄音，監製Cousin Fung比較詳盡地解釋最後一段嘅歌詞，即使我們有著年輕嘅本錢同任性，但當現實問題出現時，我哋都係需要妥協。嗰次錄音，我個心係嗡住咁唱。」相比起成年人的愛情，年輕人的愛比較簡單、純粹，為了對方可以不惜一切，但這種青蔥，跟漢堡一樣，都是有嘗味期限的，「所以現階段嘅愛情，喺問題未發生之前，就應該要好好珍惜。」

觀看相關影片按連結：https://youtu.be/TKlDZLENV_g

MV方面，雖然Dark之前已推出兩首作品，但MV是全動畫製作，來到第三首歌曲，Dark才首現真身參與拍攝。Dark自言拍攝前一晚已十分緊張，更為拍攝做足準備，「我前一晚飲少啲水、飲齋啡、敷mask，盡量令自己啲皮膚好啲，唔會太腫。」

今次MV黃明德首現真身參與拍攝。

女主角Rainie

除此之外，亦因為跟女主角Rainie有「親密」接觸，令Dark既緊張又尷尬，「因為我好少同異性有咁嘅接觸，除咗我自己，佢都好尷尬。記得有一下要我哋頭貼頭，即係放煙花嗰一幕，佢聽到導演話要頭貼頭嘅時候，都『嘩』咗出嚟，哈哈，我就話：『唔好意思呀，要你咁辛苦貼住我個頭……』但最後我哋都完成咗。」拍攝尾聲，Rainie需要演繹一幕「喊戲」，正當她醞釀情緒時，Dark便拿出電話播放自己歌曲《只想和你吃漢堡》，Rainy聽到後隨即爆喊，Dark頓時大嚇一跳，十分搞笑。

因為跟女主角有「親密」接觸，令黃明德既緊張又尷尬。

黃明德自言好少同異性有近距離接觸。

女主角Rainie發文感謝黃明德令她喊出來。

Dark又謂覺得拍MV比想像中好玩，因為他以為自己會NG很多次，「因為我啲戲真係好屎，好少演戲，好驚成日NG，會拖慢進度，就會自己俾自己壓力。但係可能佢哋都知我啲戲屎，所以安排俾我嘅劇情都比較簡單去控制，好多情感嘅嘢都交俾女主角去發揮，我就比較少啲演戲上嘅要求。」

黃明德覺得拍MV比想像中好玩。

黃明德自言戲屎，所以好驚會NG，會拖慢進度。

其中一位參賽者追問張敬軒：「我想問吓你着泳衣條數幾時找？」軒仔回應：「我話俾你聽我操緊呀真係！」

張敬軒、Gin Lee李幸倪、泳兒（Vincy）、黃明德（Dark）、黎展峯（Andy）及洪助昇（Aiden）日前到海洋公園出席《EEG電笠人人和音校園巡演》，劉若寶（Polly）擔任當晚MC，活動邀請了南區七間中學的學生及一些低收入家庭入場欣賞演出，目的是希望透過歌手分享自身經歷，鼓勵學生積極面對問題及認識自己，面對疑難時，總會有方法解決及抒發的途徑，他們並不孤單。

《EEG電笠人人和音校園巡演》。

Polly劉若寶

六位歌手除了唱歌，更與觀眾大玩遊戲，台下觀眾反應熱烈。壓軸出場的軒仔除了唱出《隱形遊樂場》及《青春告別式》，更帶來小手信送給現場觀眾，「今年我發行咗一款月曆，有我嘅玉照。」隨即引來全場起哄，而站在軒仔身旁的Vincy出奇不意一句：「係咪着泳衣㗎？」觀眾又再次嗌爆場館，這時其中一位參賽者乘機追問軒仔：「我想問吓你着泳衣條數幾時找？」全場大聲歡呼，軒仔回應：「咁多人記得㗎咩？我話俾你聽我操緊呀真係！」

軒仔遭參賽者追數，「我想問吓你着泳衣條數幾時找？」

去到問答環節，有學生問軒仔，自己於社交平台跟人嗌交，但其實他只是想表達自己真正觀點，卻被人攻擊，十分激氣，軒仔認為Social Media已經是我們生活的一部份，是一個讓人發表自己意見的地方，「每一個人都有自己嘅觀點、有自己想講嘅說話，只要唔係好傷害到人，我覺得係應該要互相尊重。我覺得學識去聽人哋嘅說話或者接納人哋嘅意見、學識思考，就算佢講嗰樣嘢唔係自己所認同，都要嘗試去認識，『哦！原來呢個世界有啲人係咁樣諗嘢㗎喎。』我覺得對自己嘅修為、對自己智慧嘅增長都係一個有好嘅提升。」

軒仔與學生分享表達自己真正觀點，以及決自己不開心的方法。

軒仔分享解決自己不開心的方法就是幫助別人，「好多嘅小行為、好多嘅善事你都可以嘗試去做，因為你發現原來喺幫人哋嘅過程當中可以療癒到自己，『勿以善小而不為』，你對你鄰居、對屋企人、對身邊嘅同事、朋友，伸出你嘅援手，你會發現原來自己嘅價值就係喺嗰啲地方體現，而唔係發幾多脾氣、喺網上鬧人，所以希望大家同我都一樣喺日常生活當中、喺呢個修羅場裏面，好好咁提升自己嘅智慧，搵到一個屬於自己嘅遊樂場。」

Gin當晚唱出新歌《Diff.》及《企好》，兩首歌曲亦十分正能量，她認為聽歌是一個很好抒發負能量的方法，有學生問到因為自己想成為youtuber，但父母想他找一些比較踏實的工作，令他十分懊惱，Gin隨即分享自身經歷，「鍾意同擅長係兩樣嘢。如果十個有九個人都話你唱歌好叻，咁就有好大嘅可能你係唱歌好叻，如果你好鍾意唱歌，但得一個人話：『嗯……都可以吖。』咁你就要諗一樣嘢係咪未必啱自己呢。』」

Gin唱出新歌《Diff.》及《企好》。

Gin續說：「好似我想做歌手，一個我好尊敬嘅一位音樂人佢同我講：『你唔應該做歌手，如果你要做歌手，就唔該你廢咗你全身嘅武功，重新學過啦！』嘩！呢一個feedback來自我一個好尊敬嘅音樂人，我聽到嘅時候傷心咗好幾日。我好想去證明俾我得或者唔得，所以我透過自己嘅努力去搵答案，俾個時限自己，如果做到嘅話，咁我就搵到個答案；如果試咗好一段時間都未得，咁我又要再諗一諗呢條路係咪啱自己呢？呢條路其實係好漫長，需要好多毅力、堅持、耐性，當你想放棄嘅時候，你再諗返起你嘅初心。」

Gin又分享自身經歷。

另外，有學生問到，自己經常被誤會「好串」，其實只是不想說話，但又不想解釋，問應該怎樣做。Vincy即道：「好似講緊我咁嘅？」原來她入行初期都遇過這情況，「有啲人認識咗我之後，同我講返以為我好有距離，但識咗我之後原來我都唔係真係咁串，我又覺得幾好，因為當對方深入了解咗你之後就會有個反差。所以我覺得你唔需要去解釋，唔一定個個人都鍾意你，最緊要係你嘅心態，只要你自己覺得其實我個人係唔串嘅，咁就已經好足夠，唔需要迎合別人，做返自己。」而Andy及Aiden則表示會透過做運動來紓緩壓力，Dark感到有壓力時便會寫歌，在歌曲中表達一切。

Vincy分享入行初期被被誤會「好串」的情況。

Aiden洪助昇

Andy黎展峯

Dark黃明德

大合照