挑戰面部瑜伽形象秒崩毁 麥美恩自爆單身一年嘆Long D難維繫感情

Mayanne透露上一段戀情密冚得連媽咪也不知道。

由黎諾懿監製及主持的《仨心友行3》邀得三位美女拍檔李佳芯（Ali）、麥美恩（Mayanne）及劉穎鏇（Tiffany）助陣，一起深入「秘密花園」體驗簡樸田園生活。9月26日晚一集繼續行「文靜風」，三女先進行「禪行（即步行修行）」，再獲安排自由活動；當中Ali為兩位姊妹調配專屬香薰油，Tiffany獲贈助眠精油，Mayanne則獲贈大自然鎮靜劑「橙花精油」。

節目一開始三人先進行「禪行」。

自由活動時，Mayanne親自製作手沖咖啡。

Tiffany選擇聽歌放鬆。

Ali則為兩位姊妹調配專屬香薰油。

Tiffany獲贈助眠精油，Mayanne則獲贈大自然鎮靜劑「橙花精油」。

三人隨後挑戰非一般瑜伽，更愈玩愈亢奮！三人先挑戰「大笑瑜伽」，再進行「面部瑜伽」；在導師指示下，三人歪頭並朝天伸脷，由於表情趣怪，三人「女神」形象一秒崩毁，鏡頭外的諾懿更忍不住捏鼻狂笑。Mayanne見狀即大控訴謂：「我覺得黎總（指諾懿）玩我哋囉，又話拍到我女神風，依家好樣衰喎大佬！」之後三人再挑戰鴿式甫士，Mayanne與自認筋硬的Tiffany齊齊做到面紅標汗兼喘氣，全場瘋狂大笑收場。

換上瑜伽服的三女一齊做大笑瑜伽，

Mayanne笑得好燦爛。

Tiffany都好開心。

接著做面部瑜伽，三女歪頭並朝天伸脷。

趣怪表情令她們「女神」形象一秒崩毁。

鏡頭外的諾懿狂「食花生」。

之後三人要擺出鴿式甫士，Tiffany嗌晒救命。

標汗兼喘晒氣的Mayanne對鏡頭怒吼！

今集主題是「Me Time」，一向低調處理感情事的Mayanne罕爆Status，自言已單身一年的她，透露上一段戀情是Long D之戀，且密冚得連媽咪也不知道：「我哋唔係成日見面，我其實一Long D就唔得。」Mayanne更坦言寧願獨居也不與家人同住︰「我好怕人催我同話我褦襶（指不修邊幅，音『哩啡』）。」

Mayanne自爆與前度「地下Long D」。

但已分手一年。

與藝人陳炳銓拍拖多年後分手的Ali，則坦言已回復單身一年多，並自揭曾因怕黑而有感未能獨居；不過她透露當搬出去自己生活後，卻又意想不到地克服了相關恐懼，她說：「以前一黑就亂諗嘢，所有睇過嘅鬼片、聽過嘅鬼故都會Pop up，我係會幻想得好勁，會好驚。但到一個人住之後，就突然間唔再怕黑。」不欲住址曝光的Ali，又自爆一次找師傅上門維修瘀事，她透露當時不但戴口罩及眼鏡遮樣，更刻意「變聲」，她笑指原本亦以為自己掩飾得不錯，豈料卻遭家中「視后獎座」出賣，最終被維修師傅認出藝人身份。

Ali自揭曾因怕黑而自覺不能獨居。

未料一個人搬出去住後卻反而克服恐懼。

另外，9月27日晚一集，將邀來陳山聰與三女大談工作，細說各自的入行經歷。提到當年Ali加入無綫，Mayanne大爆不少男同事對於「女神降臨」大感興奮，對此Ali笑指自己其實很男仔頭，並謙稱自己只是順眼，並非靚女或「女神」，並感恩過檔後獲同事們照顧：「因為（剛）入TVB時我（自覺）係Nothing，尤其我有番咁上下年紀……」

9月27日晚播出一集的嘉賓是陳山聰。

Ali稱當年過檔無綫時，自覺是“Nothing”，並坦言感激當時同事很照顧自己。

Ali否認是「女神」，謙稱自己只是順眼。

歷代「獎老」Reunion ！

清談節目《MORAZ天然草本驅蚊靈呈獻：Mayanne小喇叭》由麥美恩（Mayanne）擔任主持，曾展望（GM）擔任助理主持，本周四及五晚10點半翡翠台播映最後兩集。

Super~~

由於蘭茜講嘢相對正經，即刻激發咗嘉樂嘅「口賤」神經。

「大師兄」原來係暗藏特別任務架。

林曉峰初初做第一輯時直認好驚獎門人。

林曉峰笑言首度與獎門人會面時，排場似足電影《無間道》韓琛食飯經典場口。

今晚（18日）一集，兼任《獎門人》現任獎老的Mayanne，邀得四位獎老界前輩林曉峰、錢嘉樂、蘭茜及阮兆祥（按加入年期順序）擔任嘉賓，大談參與《獎門人》拍攝的喜與樂。四人之中，雖然嘉樂被專稱「大師兄」，但原來第一代獎老竟是林曉峰（阿Lo）及陳小春，阿Lo大爆當年嘉樂之所以被「獎門人」曾志偉睇中接小春棒，全因「把口夠賤」；嘉樂憶述當年接到獎門人邀約電話時相當意外，並笑言全靠獎門人自己的口賤才能才得以跳出武師界。談到獎門人當年為何睇中阿Lo，原因竟和張國榮和一條鞋帶有關，阿Lo說：「嗰時拍《金枝玉葉》，有一場戲講張國榮先生上樓梯，我做助手跟住後面，當時佢唔知左腳定右腳甩咗鞋帶。拍完嗰場後我哋放Break，返到嚟個甩嘅鞋帶就調轉咗喺另一隻腳。當時導演嗌完Roll機後，我就嗌『咪住，好似唔連戲喎』，大家咪即刻睇番錄影帶：『係喎』。嗰日原來獎門人都喺現場，佢心諗原來呢條𡃁仔都幾上心，就搵佢嚟做嘢啦。」至於蘭茜擔任獎老的原因，則與玩獎門人遊戲時全情投入「刨西瓜」及「刨粟米」有關。祥仔則暢談當年如何與志偉、洪天明及鄧兆尊夾計，以各人的腳毛及腋窩毛整蠱遲入組的姚樂怡，最後遭樂怡喊打喊殺，十分搞笑。

估唔到一條鞋帶咁細微嘅嘢，都會畀阿Lo留意到，再畀志偉發現到阿Lo細心嘅一面，足證志偉係幾咁積極同樂意提攜後輩。

錢嘉樂透露未做《獎門人》之前，自己其實算是寡言的人。

蘭茜回想當年玩遊戲時係幾咁投入。

嘉樂大嘆遊戲節目幕後唔易做。

麥美恩都好記得當年姚樂怡係點樣被整蠱，仲大嘆「童年被污染」。

阿Lo仲搞笑大談自己如何成為「公司殺手」。

阿Lo同「大師兄」齊齊回味當年一起創作的「嘉賓名字歌」，仲扮番當年獎門人點把關。

阿Lo重演當年點樣馬拉松式開會開到靈魂出竅。

嘉樂講嘢時係咁向上望，當時阿Lo已懷疑獎門人會唔會已經喺現場。

四人還大談當年錄影《獎門人》的「宵夜度橋日常」，當年因為電視台大戰，《獎門人》最高峯一星期連播五晚，阿Lo大方分享了當年的度橋及上班流程日常：「下午三點返嚟開會，一路開到八點五十分。當年我哋就諗咗改歌詞唱啲嘉賓名出嚟，咁每日揸車就要度18隻歌，每個嘉賓要有3隻，返到去獎門人就會坐喺度問邊隻好笑。然後度度度度到食飯，其實係食唔落架喎。有時做到一點鐘左右收廠，但未完架，喺化妝間再開會，開到三點度，跟住就宵夜架喇，然後再搵地方。記得有一次打風，我哋搵到地方時已天光，成六點幾七點。」

阿Lo嘉樂鬥扮獎門人。

阿Lo嘉樂鬥扮獎門人。

獎門人踩場！

全集最驚喜部分，是當眾人輪流模仿獎門人時，頑皮的志偉即手持小喇叭走入廠送驚喜，令當時除掉雙鞋跪地扮緊志偉的嘉樂大嗌驚驚。志偉一到埗即扮作氣沖沖搞笑謂：「幾多人打電話畀我呀，問：『你仲唔落去？佢哋踩到你一文不值呀！』」之後眾人瘋狂互窒，混亂間曾展望竟大叫志偉「Daddy」，隨即惹起哄動，志偉反應極快接招謂：「出得街架咩？你話畀大家聽媽咪係邊個？！」並親解為何被專稱「阿爸」，志偉說：「阿爸負責畀錢（埋單）架嘛，咁咪叫阿爸咯。」蘭茜聞言即指志偉另一外號是「埋單俠」。另志偉又會親解《獎門人》換主題曲之謎，答案更相當有愛，並與小朋友有莫大關係，欲知詳情？密切留意節目。

獎門人嚟咗氣氛即時升溫。

曾展望叫Daddy，嚇到志偉即刻望錶，現場陷入一片喧鬧。