馮允謙已申請明年紅館檔期 完成演唱再計劃結婚事宜

婚期又要拖？

馮允謙與ANSONBEAN（陳毅燊）9月29日出席於銅鑼灣希慎廣場舉行的2022東方表行沙田錦標「時尚煲呔賽馬日」啟動禮，東方表行有限公司董事總經理楊衍傑、東方表行有限公司執行董事林慶麟、香港賽馬會賽馬產品、市務及贊助事務總監利達賢、香港賽馬會賽馬市場部主管盛雅佩一同為Gentlemen s Bow Tie Club煲呔紳士俱樂部主持啟動禮儀式。

馮允謙與ANSONBEAN今日出席東方表行沙田錦標「時尚煲呔賽馬日」啟動禮。

馮允謙9月29日出席東方表行沙田錦標「時尚煲呔賽馬日」啟動禮。

馮允謙（Jay）與女友已一年半沒見面，他表示日前女友從加拿大回港，剛好入境檢疫放寬不需隔離。他指女友本打算今日到場支持，但怕醜又不想打擾他工作，所以應該沒前來。

Jay表示女友從加拿大回港，剛好入境檢疫放寬不需隔離。

Jay稱同女友年半冇見。

Jay表示女友留港兩星期，可惜他每日都忙於工作被女友詐型，惟有抽時間帶她吃喜歡的東西。問到婚期如何？Jay坦言今次會與女友傾談婚事，他說：「會傾，但有點壓力。近兩年專注工作，她也知道會配合。（又再延期？）要傾…現階段工作最重要。」

Jay及ANSONBEAN。

Jay表示已過了女友的限期，因原本兩年前已計劃結婚，但疫情影響，婚期一延再延，他說：「覺得好似有啲衰，我唔係特登，但工作都好緊要，因明年計劃開騷。」他透露已申請明年紅館檔期，或可能完成演唱會再計劃結婚事宜。

今年7月，出道十周年的Jay首次舉行個人演唱會。

馮允謙9月29日出席活動。

「唱作王子」馮允謙（Jay）新歌《JAY FUNG儀態訓練學院》MV上架，形象斯文淡定的他，成為歌迷的模範，亦吸引作填人黃偉文注意，成為新歌的創作靈感，就連歌名都加入「JAY FUNG」的名字。

Jay新歌《JAY FUNG儀態訓練學院》MV上架。

觀看相關影片按連結：https://youtu.be/6Dzlev8QH5k?si=j-gwp-Yz_HGCAcWx

拍攝MV現場，導演安排一個高級餐廳的場景，Jay坐在其中一張餐枱前，突然一班瘋狂食客爭相搶食物，椅子都被撞跌，他們衝過Jay身邊時亦幾乎將他扯落地，Jay保持儀態繼續安坐位上，最後他看到一位小男孩沒有跟著去搶食物，於是上前拖著小男孩離開。

MV在一間高級餐廳拍攝，Jay坐在其中一張餐枱前。

一班瘋狂食客突然衝出，爭相搶食物，椅子都被撞跌。

最後Jay見到一位小男孩沒有跟著去搶食物。

便上前拖著小男孩離開。

拍攝順利，Jay坦言埋位前略施小計與小男孩Marcus混熟，他說：「之前拍微電影曾經同小朋友合作過，拍MV就係第一次，其實我都係個大細路，同小朋友做對手戲最緊要係要同佢做朋友，先至有默契。同事準備咗好多零食，雖然我要Keep fit無得食，但我就攞去同小朋友做朋友。」除了零食，Jay哥哥還有溫柔地與小男孩講解劇情和排戲，練習走位，慈父感爆燈。

Jay指同小朋友做對手戲最緊要係要同佢做朋友！

Jay對於自己的名子出現在新歌名裏感到好奇，「歌名好特別，因為有我個名，係Wyman（黃偉文）諗㗎！我都有問點解？可能佢寫呢首歌嘅時候都會諗，點解Jay Fung平時或者出嚟做嘢，畀別人印象情緒比較冷靜，或者對任何事都會好正面或者冷靜。今次音樂班底，有我同June一齊作曲，Carl叔叔（王雙駿）編曲和監製，幾年前同Carl叔叔合作《因愛之罪名》，首歌好特別，我好鍾意。今次再合作，呢首歌比較難唱。唔知點解每次同佢合作都會好爆和挑戰高難度，不過經過佢手嘅歌我都好有信心。」

Jay對自己的名子出現在新歌名都感到好奇。

Jay式字幕

新歌以Jay的好脾氣做題材，但他自爆真實一面，「其實我都有發脾氣嘅時候，但同其他人合作時，會希望保持大家都喺舒服嘅狀態，係一種尊重。無論對方任何行為，我自己嘅行為都要盡量做好嗰一面，唔好理人哋點樣做，做自己，展現尊重嘅態度。」

新歌以Jay的好脾氣做題材，但他自言都有發脾氣的時候。