有網民在「連登討論區」發文，指明天是離職前最後一日上班，上司突然指控無收過辭職信，要求賠償2個月的代通知金。
設計圖片
當事人發文指，公司要求離職前2個月通知，明天就是「last day」，但公司經理突然指控無收過封辭職信，拒絕承認辭職，更反過來問當事人有沒有證據。當事人指公司正等人用，還未聘請到人替補，於是問一眾網民，「走就要賠返兩個月？咁可以點搞？」
設計圖片
有網民問及「咁你當初點遞信先」，當事人解釋「放咗封信喺經理張枱到」，當事人指，辭職事宜經理、同事都知，有叫挽留但拒絕，但一直請不到人交接，「今日突然間出茅招，話無收過封信」。
設計圖片
有網民指出，「其實辭職信親手畀會好啲。至少確認佢面對面親手收咗。當然影低個copy/記錄更好」、「咁你咪輸咗囉口同鼻拗。一定係親手畀，一好似你咁放係台都得 但一定要補封email有日期作實。當買個教訓」、「你咁做都只係好過whatsapp辭職少少」。也有人指，「而家仲有人辭職信唔send email，你廿年前坐時光過嚟㗎？去問勞記囉，拆唔掂咪硬做多一個月，反正你白袋一個月糧都唔錯啊」
經過一輪擾攘，當事人補充，「啱啱同經理傾完，佢話收到風我未搵到工，想我幫佢跟咪單Project。叫我唔好走住，做多3個月，跟完會分返花紅畀我。如果唔制就聽日交信，做多兩個月先走囉，叫我聽日要覆佢」。
帖文轉載自「連登討論區」
網民只是將辭職信放在上司枱面上，結果上司否認有收過信。《愛回家之開心速遞》示意截圖
大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。
（FB圖片）
大埔林村河出現「神秘圓圈群」
有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。
（FB圖片）
網民笑言：外星人來襲
帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。
（FB圖片）
街坊拆解真相：非洲鯽築巢
有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。
非洲鯽魚又稱福壽魚，非香港本地物種
根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。
(FB專頁「WWF Hong Kong」圖片）
被評為全球100種最具破壞性的「外星魚」之一
在其他地區，人們已經發現福壽魚是導致當地原生魚類數量減少的主要原因之一，進一步減少了棲息地的生物多樣性。它被評為全球100種最具破壞性的「外星魚」之一。因此，世界自然基金會早在《海鮮選擇指引》中將鯽魚列為紅色警告的「避免食用」類別。
帖文來源：Facebook群組「大埔 TAI PO」、Facebook專頁「WWF Hong Kong」
