指香港日本餐廳氾濫 港男預言日本開關港店Omaskase即玩完

日本自由行重啟在即，不少港人旅行癮大發，已經急不及待搶機票，希望可以「返家鄉」吃喝玩樂。有港男近日於網上發文，覺得香港及各國放寬入境檢疫政策後，本港不少日本廚師發辦（Omakase）餐廳將會結業，又指「而家好多Omakase質素一般，都係因為香港太多人鍾意食日本嘢，而家可以去旅行啦，仲邊使喺香港食omakase呀」。

Omakase深受港人喜愛。網上圖片

該名港男於香港討論區發文，主題為「可以去旅行之後香港邊啲餐廳最快執？」他指現時本港的日本廚師發辦（Omakase）餐廳開到「成行成市」，因為香港太多人喜歡食日本菜，「而家好多Omakase質素一般，見到啲港女朋友成日打卡都話：去唔到日本咪食嘅omakase頂住先囉，搞到而家勁多餐廳做omakase做到cheap晒…」他又指現時香港及各國放寬入境檢疫政策，港人可以隨時去旅行，不用再於香港食omakase。

Omakase深受港人喜愛。網上圖片

帖文引起網民熱議，有人覺得現時本港的日本菜及cafe開得太多，甚至氾濫，認為港人能夠到日本，對本港的Omakase餐廳一定有很大影響，「高檔餐廳執先，啲人旅行報復式消費大舊錢去哂旅行」、「識食都唔會揀omakase，揀馬糞海膽活北寄具龍蝦刺身，都好食過這些食唔飽嘢」、「我諗好多都開始頂唔住，由(尤)其是一啲中價餐廳」。另外，亦有人點名多間由日本越洋來港的連鎖壽司店。

港男指本港的日本廚師發辦（Omakase）餐廳開到「成行成市」。網上圖片

香港人鍾意食日本菜。網上圖片

不過，有人認為港人能夠去旅行，不代表本港的餐廳會結業，「香港人以後都坐飛機去食飯定係有得去旅行以後唔洗食飯呀？唔明咩邏輯餐廳會執？ 疫情前啲人可以自由去旅行， 我又唔覺香港冇曬餐廳囉」。

近年本港的omakase餐廳開到成行成市。網上圖片

大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。

（FB圖片）

大埔林村河出現「神秘圓圈群」

有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。

（FB圖片）

網民笑言：外星人來襲

帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。

（FB圖片）

街坊拆解真相：非洲鯽築巢

有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。

非洲鯽魚又稱福壽魚，非香港本地物種

根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。

(FB專頁「WWF Hong Kong」圖片）

被評為全球100種最具破壞性的「外星魚」之一

在其他地區，人們已經發現福壽魚是導致當地原生魚類數量減少的主要原因之一，進一步減少了棲息地的生物多樣性。它被評為全球100種最具破壞性的「外星魚」之一。因此，世界自然基金會早在《海鮮選擇指引》中將鯽魚列為紅色警告的「避免食用」類別。

帖文來源：Facebook群組「大埔 TAI PO」、Facebook專頁「WWF Hong Kong」