連登仔羡慕20歲仔有家底出國留學 網民否認靠父幹：有啲嘢事在人為

隨著香港陸續在疫情中復常，入境檢疫也放寬至「0+3」，出國留學進修的人次也慢慢回升。有網民在連登討論區上發文，羡慕他人可以20多歲就有經濟能力出國留學，引來不同網民熱議。

網民羡慕其他人20多歲就有能力出國留學。網上截圖

發文者說，近期見很多人20多歲就可以去日本或者其他國家留學，「我心諗點解你哋咁有錢去到」，他指讀兩年最低消費幾十萬港元，「如果唔係靠父幹邊拎得出呢筆錢」，並指靠自己儲到錢已經三十幾歲，去留學幾年再回來找工作，見工肯定被人力顧問以空窗期為由壓低薪酬。

有網民聲稱出國留學非想象中困難，隨即引來反駁出國住屋開銷無法依靠父母。網上截圖

有網民感同身受，指「原本諗住有機會去exchange，點知屋企存款突然清零，搞到我都唔敢去」、「窮人邊有機會留學。你的父親如何，你的日子也必如何」、「要家底囉，起碼五十萬至二百萬，唔會有回報咁諗」。有網民亦指，「見啲有錢同學中學讀到一半就去咗外國讀Boarding school好羨慕佢哋。亦都令到我決定咗如果將來未有錢到可以畀仔女讀國際學校嘅話就寧願唔生算數」。

網民指出讀完書幾年回來已經就40歲，隨時找不回工作。網上截圖

不過也有人不同意，聲稱「其實唔使好多錢都夠去留學。當你日本計，讀語言學校兩年學費都係10萬有找。住我當你住平啲，3000蚊租，兩年8萬有找。生活費一個月3000，兩年又係8萬有找。加埋都係26萬，重要呢個數係講緊你唔喺嗰邊做pt time，基本上pt time可以賺返生活費」。隨即引來發文者反駁，「二十幾歲拎呢筆錢出黎你覺得好易?」也有人認為，「當年澳洲Working hoilday仲好興果時，見啲人去working holiday 2年儲錢再讀書，有時啲嘢事在人為」。

有網民羡慕其他人能20多歲出國留學。示意圖片

不是人人都能負擔出國留學的費用。示意圖片

有人指，「如果你畀得起係香港讀書嘅錢，好多地方都可以去留學，日本、台灣、歐洲某啲國家，都唔係好貴，如果你肯做pt真係唔係同香港差好遠」。發文者就質疑，「正常窮人係香港住屋企讀公立黐屋企出國自己租屋讀私立，飲食起居自己畀晒唔係差好遠?」

不是人人都能負擔出國留學的費用。示意圖片

網民指要負擔出國留學的費用前提是家庭有錢支持。示意圖片

食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。

食客買外賣驚見「超薄切吉列豬扒」

有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。

有食客光顧連鎖快餐店買外賣，驚見「超薄切吉列豬扒」。（FB圖片）

引網民揶揄「燈影豬扒」

照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。

有網民留言表示亦曾經中伏。（FB圖片）

又係連鎖快餐店出事，食客堂食「西多紙」

其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。

有另一食客遇上「西多紙」。（FB圖片）

網民笑「人情薄⋯西多仲薄」

帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。

網民分享「超薄叉燒」。（FB圖片）

有人分享「超薄紅腸」。（FB圖片）

帖文來源：Facebook群組「香港茶餐廳及美食關注組」