陳瀅身處巴黎缺席首播宣傳 方力申驚訝原來飛得

小方笑言：「總之我都飛！」

TVB台慶劇《美麗戰場》於10月3日晚首播，劇中演員齊齊出席宣傳活動為首播造勢。女主角陳瀅因身處巴黎出席時裝周，所以缺席活動，但有拍片越洋為演員打氣，又在巴黎鐵塔下叫大家一定要收看劇集，並表示會盡快趕返香港。

陳瀅在巴黎拍片同演員打氣。

陳瀅話會早日返港幫手宣傳。

監製、導演、編劇葉念琛笑指今次由林盛斌做男一有少少驚，希望大家包容，劇集快拍快播，大家士氣好高，希望頒獎禮有收獲。劇組準備了蛋糕為昨日46歲生日的陳山聰慶生，其生日願望就是劇集收視創佳績。山聰坦言有了兒子之後，生日可以簡單度過，前日跟胡定欣一班好友慶祝，昨日正日留給家人，最緊要兩部台慶劇好收視，未知台慶頒獎禮有否提名，因人生首次有兩部台慶劇。

同山聰補祝生日。

出聰又透露本周三才會出場，他和方力申都不太清楚對方的戲份，小方笑言因今次刻意很多飛紙仔，在壓力下會寫得更好。山聰則指自己只有兩場戲飛紙仔，葉念琛在現場有跟大家溝通，臨時有加亦有改。

陳瀅身處巴黎缺席首播宣傳 方力申驚訝原來飛得:總之我都飛

陳瀅身處巴黎缺席首播宣傳 方力申驚訝原來飛得:總之我都飛

問到山聰為台慶打頭陣，他覺得有壓力是好事，開心成為台慶頭炮，小方笑指山聰不只是頭炮，更是雙響炮，山聰對於連播兩部台慶劇，謙稱當然開心，久未有此類劇種希望觀眾鍾意。小方則說人生廿幾年來拍第三部劇，好想看自己演出。提到二人在劇集海報齊齊企「C」位，山聰笑言：「應該由右至左，阿BOB才是男一，呼之欲出，我同小方只是男三、男四，無所謂，咁開心，未試過同小方合作電視劇，對手戲不多，只得幾場但好有戲。」小方想多拍劇但要等機會，自爆經常自薦但都要看機會，最緊要監製有信心。

山聰說生日正日留畀家人。

兩人都不太清楚對方戲份。

提到陳瀅缺席宣傳，小方大反應：「原來飛得！總之我都飛，連女主角都飛得，我一定無問題啦，想同屋企人去日本，又想去美國睇NBA季前賽。」

小方得知陳瀅去咗巴黎都好驚訝。

兩人對手戲唔多但好有戲味。

原來方力申係Big Boss張頴康嘅幕後代理人！

由劉家豪總監製、陳志江監製、岑國榮、孫浩浩擔任編審的《逆天奇案2》，逢周一至周五晚八點半翡翠台播映。昨晚（19日）一集劇情有重大推進，原來冠峰（方力申飾）是失了憶的魏子樂（張頴康飾）幕後代理人兼狂熱粉絲，在暗網以Perses身份幫助子樂執行復仇計劃！

小方身份曝光，原來佢係Big Boss張頴康嘅幕後代理人！

兩人年輕時已經認識。

兩人年輕時已經認識。

冠峰與子樂年輕時早已認識，兩人透過 Online Game結為好友，冠峰與爸爸（黃子雄飾）住在荒島時，感到生活既苦悶又壓抑，後經思想極端的子樂洗腦、殺掉自己的「痛苦根源」—親生父親，並重獲自由返回城市，自此冠峰便將子樂奉若神明。後來受盡喪妻之痛的子樂，在暗網聯絡冠峰，要求冠峰代為執行報仇計劃；惟子樂後來腦部缺氧導致失憶，冠峰便借協助O記查案為名、近距離接觸子樂為實！另邊廂，電腦奇才天祖（高鈞賢飾）與女友Ana（馮盈盈飾）協助警方凍結Perses的資金鏈，成功阻止Perses執行恐襲。冠峰深感自責之際，發現外國研發了一種新藥可以加速修補大腦受損部位，遂希望以此藥喚醒子樂記憶……..

小方借協助警方為名，接觸張頴康為實。

張頴康「洗腦」搞到小方弒父。

形象正面的小方今次罕有飾演反派，演出令人眼前一亮；小方今次演出的難度位，在於要在「理性睿智」Mode和 「狂熱信徒」Mode之間不停切換。小方「理性睿智」Mode時表現冷靜沉實，但當切換成「狂熱信徒」Mode時，小方則會頃刻變得理性盡失兼躁狂。昨晚一場小方VS高鈞賢、馮盈盈的網絡大戰， 一拳難敵四手的小方節節敗退，期間激動得爆汗不特止，更谷到額頭青筋盡現，「瘋癲」指數爆標！

小方幫張頴康報仇係為咗報恩。

呢場電腦大戰，小方爆晒汗兼爆晒青筋，「癲」味勁濃。

與張頴康獲封螢幕CP
講到劇中真正身份終於揭盅，小方受訪時笑言：「依家觀眾唔使再估喇！劇中子樂係冠峰唯一嘅朋友，佢係幫我脫離爸爸魔掌嘅人，所以當正佢係恩人，我要報恩幫佢完成報仇大計。」小方坦言角色很有挑戰性：「最難係要諗點樣鋪排，始終唔想脫離角色性格太多，唔想做得太過火，又想有意外驚喜帶到畀觀眾。呢個角色平時嘅情緒係比較平淡、冷靜嘅，但因為成長背景搞到性格有啲缺憾，所以有時會失去理智，要選擇『跳掣』嘅時機係最難嘅。」講到與張頴康非常合拍，更被笑指是CP，小方說：「同佢合作得好開心，大家都希望每一場戲觀眾都睇得開心，我哋兩個都會有商有量去傾點樣做好啲，佢係一個相當專業嘅演員，希望將來可以再合作多啲！」

呢場電腦大戰，小方爆晒汗兼爆晒青筋，「癲」味勁濃。

小方發現咗新藥可以幫到張頴康，睇嚟二人之後同警方仲有一番龍爭虎鬥。