Skip to Content Facebook Feature Image

港女買烏頭不識「寶」 網民揭盅讚魚販有良心

社會事

港女買烏頭不識「寶」 網民揭盅讚魚販有良心
社會事

社會事

港女買烏頭不識「寶」 網民揭盅讚魚販有良心

2022年10月04日 12:15 最後更新:14:28

買魚送「顆粒」?一名女網友近日在魚檔買烏頭魚時,檔販留下一顆粉紅色的圓形物體給她,她真心未見過,於是po上網,希望有網友解答,網友紛紛留言,指圓形顆粒是魚扣,「係好嘢嚟架」,無論清蒸、炆焗、爆炒都十分美味,並大讚檔主有良心,因不少魚販會另外出售,甚至賣80元一碟。

女網友買到烏頭及檔主留給她的魚扣。fb香港街市魚類海鮮研究社

女網友買到烏頭及檔主留給她的魚扣。fb香港街市魚類海鮮研究社

女網民日前在Facebook群組「香港街市魚類海鮮研究社」中發帖,表示從海鮮檔購買一條烏頭,回家處理時發現附有一粒粉紅色圓形物體,於是問道「有冇『大神』知道左上嗰粒係咩嚟?劏魚嗰個人留番粒嘢喺度,但我真係唔識。」

網右留言紛紛讚魚扣是美味食材。fb香港街市魚類海鮮研究社

網右留言紛紛讚魚扣是美味食材。fb香港街市魚類海鮮研究社

帖文一出,引來三百多個留言,紛紛指出粉紅色物體是「魚扣」,亦即魚的胃部,形容「爽口好食」,「是在廣東一種流傳的特色美食。只不過在魚身上最不起眼的食材,通常在大排檔做魚扣煲或者爆炒,一般都係用青椒洋蔥直接爆炒。口感幾爽脆,而且據說有補腎養血、滋陰潤燥的功效。」

火鍋店食材烏魚扣。資料圖片

火鍋店食材烏魚扣。資料圖片

又有網民直指「好野(嘢)來架,要條魚夠大先有咁大個魚扣你食架」、有網民更笑言「魚扣係重點, 條魚可以唔要」、「見過人地劏左(咗)幾十條烏頭,淨係要呢粒野(嘢),成條魚就俾人。」、「好多魚檔你唔出聲佢會偷偷抽起,拎嚟賣或者佢哋自己人拎返屋企食,呢檔魚好有良心俾番你。」

事主看到網友留言後直言「學到嘢」,「講解到咁詳盡,先袋落袋先,下次有機會發揮下post 上黎(嚟)交功課。」她最後採用「鹽焗」的方式烹煮。

帖文轉載自fb香港街市魚類海鮮研究社

有網友買烏頭送粉紅顆粒。fb香港街市魚類海鮮研究社

有網友買烏頭送粉紅顆粒。fb香港街市魚類海鮮研究社

往下看更多文章

婚後供養同住奶奶大伯卻遭針鋒相對 港媽更因丈夫1反應感無助

2024年03月28日 12:35 最後更新:14:54

港媽婚後要與奶奶及大伯同住,剛要負擔家中大部分開支,但兩人不但不體諒更處處挑剔,令她心情抑鬱。

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

該港媽於「親子王國」討論區以「結咗婚,就要養埋99同大伯?」為題發文大呻,表示婚後夫妻二人與奶奶及大伯同住,原本以為這樣的生活會和諧平穩「其實2公婆,大家做咩職業,搵幾多,冇計,只要大家互相支持,開心平淡生活就ok。一直抱住咁心態,所以結婚就同99,大伯住」。

不過相見好同住難,日子耐了,樓主開始發現奶奶及大伯的言行和性格令她感到極度困擾「住落佢地自己咩都係岩,人地永遠都為錯」。她指兩老經常以燒味或燒烤醃製的食物當晚餐,但當她購買外賣時,卻被批評不健康「我跨區返工,返工連車程都成12個半鐘,真係冇時間煮飯買餸」。樓主又憶述,新年時,娘家的親人到訪拜年,奶奶及大伯竟當面嫌棄親人準備的禮盒「喺我面前話唔鍾意,一d都唔理人感受」。

(Getty圖片)

(Getty圖片)

此外,樓主夫妻除了支付家庭的租金、水費、電費和上網費等基本開支外,還需要支付給奶奶湊孫的費用。相比之下,大伯只支付不到家庭開支的五分之一,這讓港媽感到相當不滿和委屈「我咁辛苦返工,要養一d唔適體諒,永遠都話你點點唔好既人,值得咩?」

雖然樓主與老公有能力搬出去住,但老公擔心兩老無法自理而拒絕搬離「我地2公婆絕對有能力自己搬出去住,只係剩返99同大伯,老公擔心佢地攪唔掂自己,所以暫時唔想搬開」,為此她感到非常抑鬱「真係好辛苦,努力辛苦返工,就係為佢地付出,值得咩?我又唔想決絕到自己帶亞b走。可以點做?」

Getty圖片

Getty圖片

帖文曝光後,不少網民認為如果有能力,就不應該繼續同住。奶奶及大伯都是成年人,應該能夠自理,而且可以考慮搬到附近,方便照應。有人認為只要每月給予固定的家用,就不算不孝。有人則建議她應該堅持自己的決定,不要忍受不公平的對待,並且應該與老公好好溝通,找到解決問題的方法。

帖文來源:「親子王國」討論區

你 或 有 興 趣 的 文 章