陳豪爆與陳茵媺同框拍劇唔多舒服 孔德賢為趕劇40粒鐘冇瞓

陳豪未試過用演戲身份對待太太！

陳豪、孔德賢、阮嘉敏日前出席保健品牌永恆生活產品「Forever香港年會2022」活動，與大中華區總經理Erwin Lai及現場嘉賓分享健康心得；「愛妻號」陳豪魅力驚人，一出場即吸引大批在場人士蜂擁台前拍照，他分享健康心得時，透露與太太陳茵媺同樣注重飲食，不過他對健康的注重，竟然是源自張繼聰。

「愛妻號」陳豪，大讚太太陳茵媺對小朋友的均衡營養做得非常出色。

予人健康之感的陳豪，分享健康心得。

向來予人健康之感的陳豪，指太太跟他同樣注重健康，他更大讚太太對小朋友的飲食餐單、均衡營養做得非常出色，而問到他何時開始意會到對健康注重？陳豪竟表示自跟張繼聰合作拍攝劇集《誇世代》時：「當時見到張繼聰練到一身肌肉，於是向佢請教，自己開始做gym，但方法及飲食全部都唔正確，經佢介紹後，再次健身，原來想要再大啲嘅肌肉，除咗研究健身方向，要再注重飲食、餐單配合，亦因為咁開始注重營養問題，就係呢一個開始，令自己對健身、對心臟健康、內臟健康嘅注重。」

孔德賢在台開金口唱三首歌。

孔德賢為拍劇，一個月瘦了十公斤。

阮嘉敏剛完成新劇《靈戲逼人》拍攝。

此外，陳豪正跟太太陳茵媺合作為新劇《羅密歐與祝英台》開工，相隔多年再跟太太同框演出，陳豪笑言有點「唔舒服」，他謂：「未試過用演戲身份對待大家，就算《天梯》時合作都唔係直接對手，未試過銀幕上呢種嘅角色同面對，呢種相處，我哋都要適應吓，但都OK嘅！」提到陳茵媺濶別熒幕10年，陳豪透露太太亦有不習慣：「今次佢嘅挑戰好大，10年冇拍劇、好多劇本、好多rundown、好多對白需要出力記，另外同我一齊拍，亦係一個挑戰。」對於太太在劇中剷青的霸氣造型，陳豪就發揮「愛妻號」本色指：「我係欣賞嘅，今次佢角色女扮男裝，對佢係幾好挑戰，令人眼前一亮。」

陳豪、阮嘉敏、孔德賢在活動分享健康心得及生活點滴。

陳豪出場，即吸引大批在場人士蜂擁上前拍照。

同場的孔德賢在活動中大開金口唱出三首歌，他指今次是第二次在台上獻唱，心情興奮；正忙於拍攝民初劇《本尊就位》的他，透露為趕劇已超過40小時沒有睡眠，難怪一個月瘦了10公斤。問到孔德賢首次跟「大師兄」陳豪出席活動，可有向對方請教台上心得？他說：「連日拍劇，喺化妝間都有見到對方，望住對方嘅淡定、風度、親民，已經係好好學習對象。」此外，阮嘉敏離開了《東張西望》後，她近日完成了新劇《靈戲逼人》拍攝，她表示難忘農曆七月時拍攝探靈戲份，幸好一切順利。

陳豪自拍攝劇集《誇世代》後，對健康甚為注重。

陳豪與永恆生活產品大中華區總經理Erwin Lai（右二）及大會司儀合照

陳茵媺笑指母親節收子女砌心形花膠禮物最開心。

自從成為三子女的媽媽，陳茵媺（Aimee）自言對母親節的感受是滿載滋陰養顏的花膠回憶，因為她既是媽媽，也是女兒，每年都要絞盡腦汁親自炮製不同的花膠食譜，務求以自家拿手廚藝，送給家人滋陰養顏、強身健體的無價寶來表達對他們的愛！

Aimee自言對母親節的感受是滿載滋陰養顏的花膠回憶。

Aimee更直言花膠是他們的「家傳之寶」，因為自小媽媽就喜歡以花膠炮製家傳靚湯，令她從小到大的皮膚彈滑緊緻，養顏有術，讓她決意傳承家傳花膠靚湯，亦希望子女長大後也能一代一代傳承下去，感受母親無私的付出，是對家人無價的愛！

Aimee指花膠是他們的「家傳之寶」。

與其說Aimee對花膠情有獨鍾，倒不如說她已把花膠當作是其中一樣愛的禮物！Aimee：「記得細個媽媽總會煮花膠俾我食，話花膠對女仔皮膚好有功效，好養顏，可以令皮膚嫩滑。當時都未係好明花膠對皮膚嘅好處，但每次都會在廚房望住媽媽煲花膠湯呀、燉花膠呀，甚至乎用花膠炮製家常小菜，一邊傾計，場面好溫馨，令我同媽媽嘅關係更加close，到而家我地亦係大家嘅『閨密』！花膠間接令我深切感受到媽媽對我嘅付出和無限嘅愛，也成為我其中一個滿載母愛嘅童年回憶！」

花膠間接令Aimee深切感受到媽媽對她的付出和無限的愛。

已為人母的Aimee，對家人的愛，也傳承了媽媽以花膠炮製靚湯食譜的精神，藉著母親節，更特別希望可親自下廚炮製花膠。Aimee：「我記得細個媽媽好鍾意煲花膠椰子木瓜燉竹絲雞湯俾我飲，算係其中一款家傳花膠靚湯！所以我平時都會煲俾小朋友同老公飲。至於母親節當日，我希望可以炮製花膠靚湯之餘，亦試下用花膠整甜品，咁大家都可以有一個甜到漏嘅母親節！」

藉著母親節，Aimee特別希望可親自下廚炮製花膠。

講到今年最希望收到嘅母親節禮物，Aimee話無論仔女送乜嘢禮物俾佢，佢都會好開心！Aimee：「身邊嘅朋友知道我鍾意食花膠，仲講笑話如果收到仔女用花膠砌個心形圖案送俾我，問我係咪會唔捨得食呢！」

Aimee指母親節無論仔女送乜嘢禮物俾佢，佢都會好開心！