今年係無綫成立55周年，今日喺電視城舉行亮燈儀式，宣佈嚟緊有咩台慶劇同新節目。久違嘅大堆頭合照重現，相信疫情都就快告一段落。
無綫呢輪個氣勢係幾勁，幾套黃金檔劇《痞子殿下》、《白色強人II》、《夢華錄》同《黯夜守護者》都有唔錯收視，梗係想乘勝追擊。嚟緊四套台慶劇分別係《美麗戰場》、《下流上車族》、《第四十二章》同《超能使者》。霸戲哥暫時最期待係《下流上車族》，因為想睇靚女郭柏妍嘛。
至於J2都有新節目推出，分別係由何泳芍、廖慧儀、胡美貽、陳若思主持嘅《港女野人》，同埋由賴慰玲擔任導師嘅戀愛真人騷《CP訓練營》。
睇個勢，嚟緊呢兩個月都要黐實部電視嘞。
霸戲哥
** 博客文章文責自負,不代表本公司立場 **