熱愛打扮是女性的天性，不過不少女士婚後由於忙著做家務及照顧小孩，未必再有空閒打扮自己。有港男在網上發文，感嘆妻子在結婚前一定會打扮好，但生下小孩後就變得打扮隨意，他更最介意妻子送女兒上學時不穿胸圍。
設計圖片
該名港男早前在香港討論區發文，提到其妻子自從結婚及生育後，不太注意自己的形象。他表示以前與妻子拍拖時，「佢出街點都會化妝、着到好靚」，但自從她生下小孩後，打扮開始變得隨意，「咩形象都唔理」。
設計圖片
他指，自己不介意妻子不化妝或是穿得不好看，而是介意她送女兒上學時會不穿胸圍，並指雖然學校只在住所附近，但認為始終屬於「出街」，「點可以胸圍都唔著，就咁著件T就出門口」。當他提醒妻子時，卻被對方拒絕，「佢仲要話落一落樓啫，使鬼着咩」，令他甚為無奈。
設計圖片
相關帖文隨即引起熱議，有人認為「如果影響唔到人就由得佢啦」、「好似太過火」等。另有人則認為樓主應自我反省，並指「感覺你好似開始嫌棄」、「佢要湊仔，已經好倦，唔得閑亦無精神打理自己呀！你有冇幫吓佢手做家務？」、「如果真係錫老婆，應該分擔家務，去接個女，畀老婆有時間去打扮」、「你請個傭人畀佢用，佢就會有時間扮靚」等。
帖文來源：香港討論區
設計圖片
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
