經濟不景下出現「有人無工做有工無人做」的情況，想求職都不容易，一名網民在「親子王國」討論區發文，聲稱兒子自大學畢業後一直找不到理想工作，擔心他會意志消沉。引來一眾網民熱烈討論。
網民希望開解大學畢業後失業的兒子。《愛回家之開心速遞》示意截圖
這位網民就聲稱，兒子讀書成績好，一直都是名列前茅，「但無諗到佢畢業(科大)之後一直都搵唔到工，後尾我發現原來佢好多工睇唔上眼，但大公司工又真係唔好彩搵唔到」。港媽又指感覺到兒子開始失去自信心，平時她為兒子打氣他都會回應，但近日就一聲不發食完飯就返入房關門，「有少少驚佢一蹶不振，點開解佢好...」。
網民擔心兒子會一蹶不振。《愛回家之開心速遞》示意截圖
有網民認為，「如果佢本身讀書都叻，叫佢咩工都好做一年先，攞經驗轉大公司易好多，唔需要一開始就非大公司不做」、「我覺得時下好多大學生都係咁其實人工低少少，唔怕蝕底拎下工作經驗轉過頭咪容易搵過一份人工高啲囉」、「科大畢業都唔係咁巴閉，接受現實。搵住份工做住先，做一排先轉工」。有網民留言說，「我做hr 時最唔想請剛畢業，做兩做唔做，一係三日唔埋兩日請假，試過幾個都是，我寧願低學歴有經驗，除非真係無人見」。發文者就補充，「我都係咁講，但可能我真係寵壞咗佢，佢而家除咗大公司啲mt program（管理培訓生）之外都無興趣」。
網民的兒子自大學畢業後一直找不到理想工作，但就要求進入大公司工作。《愛回家之開心速遞》示意截圖
然後經過一番討論後，有人質疑帖文可信性，指「原來係膠post」、「點解仲有人一本正經咁答佢？。」、「下？我打咁多竟然係膠po？好衰囉！」
帖文轉載自「個仔搵唔到工，點開解佢」
港媽擔心兒子畢業後找不到工作。《愛回家之開心速遞》示意截圖
大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。
（FB圖片）
大埔林村河出現「神秘圓圈群」
有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。
（FB圖片）
網民笑言：外星人來襲
帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。
（FB圖片）
街坊拆解真相：非洲鯽築巢
有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。
非洲鯽魚又稱福壽魚，非香港本地物種
根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。
(FB專頁「WWF Hong Kong」圖片）
被評為全球100種最具破壞性的「外星魚」之一
在其他地區，人們已經發現福壽魚是導致當地原生魚類數量減少的主要原因之一，進一步減少了棲息地的生物多樣性。它被評為全球100種最具破壞性的「外星魚」之一。因此，世界自然基金會早在《海鮮選擇指引》中將鯽魚列為紅色警告的「避免食用」類別。
帖文來源：Facebook群組「大埔 TAI PO」、Facebook專頁「WWF Hong Kong」
