陳若思自認躁底EQ低 何泳芍贏poker爆seed︰胡美貽我忍你好耐

牌局展開第一鋪師兄同Eric就被Honey的盲拳打死，可惜Jessica衰衝動，玩不到5鋪便all-in，終被師兄清袋。三位女仕原本諗住「槍口對外」，可惜未能堅持，反而開始「互數」。Jessica被指衝動同冇耐性、Nicole粗魯男仔頭、看似大膽冇有怕的Honey，被踢爆拍《港女野人》時連劏魚都驚，最後由Jessica代勞。 

Honey爆Jessica有一股蠻力，試過營釘都被敲彎。

Eric笑言不容許盲拳打死老師傅。

Honey同姊妹Nicole all-in對決。

節目到中段有一鋪牌，只剩下Nicole同Honey兩姊妹，最後Honey以 all-in對決，並憑一隻「Q」險勝後，她爆seed︰「我忍你好耐嘞，胡美貽。搞到我隻耳仔睇醫生。」跟住到Jessica又爆料數Nicole任性，堅持要帶一支威士忌上山。當時在眾人夾擊下，令Nicole大發脾氣，今晚她會解釋帶酒上山原因。最終牌局結果一如所料，三位港女野人，被逐個擊破，要接受大懲罰。到底三姊妹之間互數不是，最後點收科？終極懲罰有幾可怕？今晚《鋪鋪 Poker》話你聽。 

Honey憑一隻「Q」險勝，即爆seed算舊帳。

三姊妹牌局結束後，又再攬頭攬頸。

另外，幾位《港女野人》似乎對互數不是意猶未盡，所以拉埋缺席的Amber齊齊上《See Saw先》的「你問我答」互篤背脊，作一次友情大考驗。估不到外表嬌滴滴的Amber成為眾矢之的，先是被指最不怕污糟，更被話是「打卡王」，手機影了幾千張《港女野人》的相，單是蚺蛇尖，就拍了800多張照片。她被一致公認是機心女，在節目中不停曬身材，她解釋說︰「因為導演比較鹹濕，好鍾意捕捉呢啲角度『益街坊』。」除此之外她的躁底亦是公認，Amber亦自認EQ最低，情緒波動較大，順理成章成為「港女大獎」得主。 

原本選「最有潔癖」，最後Amber躺着中槍被指「污糟」。