《港女野人》陳若思攀繩落崖跣腳受傷 廖慧儀崖下睇到喊

10月27日晚4位港女野人齊集，上演港版《叢林的法則》，被山藝達人達Sir送到荒島，準備2日1夜野外求生，亦是《港女野人》終結篇。由出發開始，已經是一項挑戰，達Sir要求各人用手上的繩、水筒等物資，在半小時內紮一艘木伐到荒島。4位「野人」發揮「港女」強項準備「撒賴」，可惜達Sir經過連日訓練，已經不受這套。不過達Sir是口硬心軟，在砌船過程一直在旁指點。

到達荒島達Sir教4位港女「三的定律」。

各人起營準備在荒山度宿，人多嘴雜成為一個墟。

經過一小時行程。眾人到達赤崖。

幾經波折去到荒島，達Sir講出求生時「三的定律」，包括3秒內維持正向思維（PMA）、三分鐘內維持正常呼吸、三小時內尋找緊急遮蔽物保温等。到搭營的時候Nicole、Amber、Jessica 同 Honey 七嘴八舌，最後要達Sir 不斷提示，才勉強完成。今晚一集聽得最多的，會是各女仕的尖叫聲。

她們要挑戰身後的瀑布攀爬上山。

.達Sir指導各人繫上爬山繩。

10月28日晚一集為最終章，4位港女野人在野外露營一覺醒來，達 Sir 安排她們打大佬，挑戰最高難度。經過一小時行程去到赤崖，接受最後一個挑戰攀崖，用具會有山藝繩索三寶同頭盔。事前工作準備完成，率先登場的是Amber ，上山時完全沒有問題。不過上山容易落山難，更有不似如期的驟雨，令到崖間更加濕滑，意外因此發生。在Amber 尖叫聲下，她急速滑落，導致左手擦損。驚魂甫定後Amber 顯得失去信心，最後達Sir 伴住一齊游繩落山。可惜好景不常，意外再次發生。Amber 一下跣腳頓時失去重心，隨住尖叫聲整個人向山邊撞去。好在達 Sir用身體擋在中間以生命硬接。避免Amber受更大傷害，山下的其餘3位港女野人看到目定口呆，Jessica 更眼濕濕。原來緊接上山的Jessica 受的衝擊太大，先由Honey 及Nicole 頂上。到Jessica壓軸登場，想不到平常以力的表演見稱的她，行了兩步已猛叫「好驚好驚」，忍不住喊了出來，最後在眾多隊友鼓勵及工作人員幫助下，最終都完成任務。

山下隊友看到膽顫心驚，Jessica睇到眼濕濕。

Amber 事後話在上面一直好驚︰「擔心屋企人見我唔到，我唔想做啲咁危險嘅嘢。但係我會盡量嚐試。」她接受訪問時，再講返當時情形話︰「上去時冇落雨，落去時先落，我哋條繩係連住3個人，有個工作人員跣腳跌到，連帶我都跌到，隻手係嗰時受傷。到爬落去時我又跣腳，由右邊揈咗去左邊，嗰時擦損隻腳。」其實受傷的還有Nicole，游繩下山時雙腳被擦損，她說︰「冇諗過當日天氣咁糟糕，因為頭一日紮木伐天氣好好，太陽好大，所以出門帶短褲同防水衫，冇諗過攀瀑布時會咁濕同大雨，所以冇帶長衫長褲，膝頭撼落石時損晒，因為隻腳抓唔實，防跣鞋都冇用。不過損嗰一刻係唔知，落去至知。」

Amber一落到山，其餘港女野人即上前慰問。

Jessica爬了兩步已經驚到喊。

Nicole同Jessica先後挑戰成功。

4位港女野人最終任務達成。

（左起）Honey、 Amber、Nicole、Jessica獲達Sir頒發證書。

最後眾港女野人在有驚無險下順利完成任務，獲達Sir頒發山系證書。臨尾導演玩「大整蠱」，要她們讀出在拍攝第一日寫的信，各人都表現很尷尬。想知道各港女野人寫了什麼，留意明晚《港女野人》終結篇。

Amber左手擦損。

Nicole雙腳亦有擦傷。

而10月26日晚講風箏滑浪的一集，是結合滑翔傘同滑浪板的運動，所以派出港女野人的「電兔」Honey出馬，加埋永不言敗的Nicole，成件事就好完美。去到大嶼山貝澳，搵到風箏滑浪教練Davy。正式玩之前Davy先教二人用滑翔傘打「8」字，學習操控。原來要女仔分左右，係一件難事。經過一輪熱身搏鬥，最終可以上陣。教練話玩風箏滑浪要睇天做人，有風未必得，冇風就一定唔得。當日唔夠風，教練都冇法升空，最後隻風箏都「陣亡」。不過Honey話「失敗都enjoy，放棄先係失敗。」

Honey同Nicole試玩風箏滑浪。

教練Davy為Nicole繫上風箏滑浪裝備準備升空。